جدہ میں صحافتی تنظیموں کی دعوت سحری، آرمی چیف کی والدہ اور کشمیری رہنما سردار اقبال کے والد کے انتقال پر اظہار تعزیت
اشاعت کی تاریخ: 26th, March 2025 GMT
جدہ میں صحافتی تنظیموں کی دعوت سحری، آرمی چیف کی والدہ اور کشمیری رہنما سردار اقبال کے والد کے انتقال پر اظہار تعزیت WhatsAppFacebookTwitter 0 26 March, 2025 سب نیوز
جدہ(خالد نواز چیمہ) سپہ سالار افواج پاکستان آرمی چیف سید حافظ عاصم منیر کی والدہ اورکشمیری رہنما سرداراقبال کےوالد کےانتقال پراظہارتعزیت۔ پاکستان اوورسیز میڈیا فورم (پی اوایم ایف) کے سرپرست آعلیٰ سید مسرت خلیل کی جانب سے جدہ کے صحافیوں کے اعزاز میں مقامی ہوٹل میں دی گئی دعوت سحری میں جدہ کی تینوں بڑی صحافتی تنظیموں پاکستان اوورسیز میڈیا فورم (پی او ایم ایف)، پاکستان جرنلسٹس فورم (پی جے ایف) اوریونائٹیڈ میڈیا فورم (یوایم ایف) اوورسیز پاکستانیز گلوبل فاؤنڈیشن کے عہدادارن و ممبران نے چیف آف آرمی اسٹاف جنرل سید عاصم منیر کی والدہ محترمہ اور کشمیرکمیٹی جدہ کے جنرل سیکریٹری قومی یکجہتی فورم کے چیئرمین و معروف کشمیری رہنما سردارمحمد اقبال یوسف کے والد کے انتقال پر گہرے غم اور دکھ کا اظہار کرتے ہوئے آرمی چیف جنرل حافظ سید عاصم منیر و سردار محمد اقبال یوسف کے اہلخانہ سے تعزیت کا اظہارکیا ۔
انہوں نے کہا کہ غم اور دکھ کی گھڑی میں جدہ کی تینوں بڑی تنظیموں کے صحافی حافظ سید عاصم منیر اور سردار اقبال یوسف کے اہلخانہ کے صدمے میں برابر کے شریک ہے۔ والدین اللہ تعالیٰ کا بڑا انعام ہوتے ہیں۔ ہم دعا گو ہیں اللہ تعالیٰ مرحومین کے درجات بلند فرمائے، انہیں جنت الفردوس میں اعلیٰ مقام عطا فرمائے اور سوگوار خاندان کو صبر جمیل عطا فرمائے۔ مسرت خلیل نے کہا آج رمضان المبارک کی تیسری طاق رات ہے۔ میں اس اْمید پر اللہ کے حضور کھڑا ہوں کہ شاید یہی لیلۃ القدر ہو۔
اس رات اللہ تعالی اپنے بندوں کے گناہوں کو معاف فرماتا ہے۔ لہذا آج ہم سب کو ان چیزوں سے توبہ کرنی چاہیئے اورصاف دل سے اپنی صحافتی خدمات انجام دینی چاہیئے۔ اس سے وطنِ عزیز پاکستان کا مثبت چہرہ بھی سب کے سامنے آتا ہے۔ چیئرمین چودھری محمد ریاض گھمن نےکہا ہم نیک نیتی اور اتحاد سے آگے بڑھ سکتے ہیں۔ انھوں مرحومین کے لئے خاص دعا کی اور دعوتِ سحری کے لئے میزبان مسرت خلیل کا شکریہ ادا۔ اس موقع پر جہانگیر خان ، شعیب الطاف، خالد نواز چیمہ اور محمد عدیل نے بھی خطاب کیا اور مسرت خیل کا شکریہ ادا کیا۔ قبل ازیں احمد فواد سواتی نے قران پاک کی ایات کی تلاوت کی اور میاں محی الدین نے بارگاہ رسالت مین ہدیہ نعت پیش کی۔
.ذریعہ: Daily Sub News
پڑھیں:
اسرائیلی حملہ بربریت ہے‘، صحافتی برادری ایرانی عوام کے ساتھ ہے’، کے یو جے
کراچی یونین آف جرنلسٹس (دستور) کی گورننگ باڈی کے اجلاس میں صیہونی ریاست اسرائیل کی جانب سے برادر اسلامی ملک ایران پر حملے کی شدید الفاظ میں مذمت کی گئی۔ اجلاس میں ایران کے عوام، حکومت اور صحافتی برادری سے مکمل یکجہتی کا اظہار کیا گیا اور حکومت پاکستان سے مطالبہ کیا گیا کہ وہ اقوام متحدہ اور او آئی سی کا فوری اجلاس بلانے کے لیے مؤثر اقدامات کرے۔
اجلاس کی صدارت صدر نصراللہ چوہدری نے کی۔ انہوں نے اجلاس سے خطاب کرتے ہوئے کہا کہ اقوام متحدہ کے چارٹر کے آرٹیکل 51 کے تحت ایران کو اپنے دفاع کا مکمل اور قانونی حق حاصل ہے۔ انہوں نے اس عزم کا اظہار کیا کہ کراچی کی صحافی برادری ایرانی عوام اور صحافی بھائیوں کے ساتھ بھرپور یکجہتی کے ساتھ کھڑی ہے۔
سیکریٹری کے یو جے ریحان چشتی نے میڈیا اداروں میں یونٹ چیفس کے تقرر اور رکنیت ڈیٹا کی تکمیل کے لیے اسکروٹنی کمیٹی کو ہدایات جاری کیں۔ اجلاس میں دیگر عہدیداران اور گورننگ باڈی کے اراکین نے بھی شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
نواز شریف کا احمد آباد طیارہ حادثے میں ہلاکتوں پر اظہار افسوس