دنیا کی امیر ترین خواتین کی فہرست جاری، بھارتی خاتون کا نام بھی شامل
اشاعت کی تاریخ: 27th, March 2025 GMT
NEW DELHI:
دنیا کے امیر ترین افراد کی درجہ بندی کرنے والے ادارے ہورون رواں برس کے ابتدائی تین ماہ کے دوران دنیا کے امیر ترین افراد، ادارے اور ارب پتی افراد کے حامل ممالک اور شہروں کی فہرست جاری کردی ہے۔
ہورون کی درجہ بندی میں عالمی سطح پر امیر ترین خواتین کی فہرست بھی جاری کردی گئی ہے، جس میں پہلی 5 خواتین میں ایک بھارتی بھی شامل ہے، فہرست میں پہلی 10 خواتین میں بھارت کے ساتھ ساتھ امریکا اور فرانس سے تعلق رکھنے والی خواتین بھی شامل ہیں۔
بھارتی خاتون میں اس فہرست میں شامل دیگر خواتین کے مقابلے میں کم عمر ارب پتی ہیں۔
ہورون کی فہرست کے مطابق امریکا سے تعلق رکھنے والی 75 سالہ ایلس والٹن 102 ارب ڈالر کے ساتھ پہلے نمبر پر براجمان ہیں، ان کی دولت کا ذریعہ وال مارٹ ہے اور ان کے حصص کی قیمت سالانہ بنیاد پر منافع کما رہے ہیں۔
دوسرے نمبر پر فرانس سے تعلق رکھنے والی 70 سالہ ارب پتی خاتون فرنکوئیس بیٹنکورٹ میئرز کا نام ہے، جن کی دولت کا حجم 67 ارب ڈالر ہے اور ان کی کمپنی ایل اورئیل ہے۔
امیر ترین خاتون اور دوسرے نمبر پر موجود خاتون کی دولت میں 31 ارب ڈالر کا واضح فرق ہے تاہم اعداد وشمار میں بتایا گیا کہ فرانسیسی خاتون کی کمپنی کے حصص میں تنزلی دیکھی گئی ہے۔
تیسرے نمبر پر امریکا سے تعلق رکھنے والی 62 سالہ جولیا کوچ اینڈ فیملی ہے، جو محض 7 ارب ڈالر کے فرق سے تیسرے نمبر پر ہیں اور ان کی کوچ انڈسٹریز کی بدولت 60 ارب ڈالر کی جائیداد ہے۔
امریکا ہی سے تعلق رکھنے والی 85 سالہ جیکولین مارس کی دولت کا حجم 53 ارب ڈالر ہے اور ان کی کمپنی مارس کے نام سے انہیں امیر خواتین میں شامل کرنے میں بنیادی کردار ادا کر رہی ہے۔
بھارت کی 43 سالہ روشنی نادار اینڈ فیملی دنیا کی امیر ترین خواتین کی فہرست میں پانچویں نمبر پر موجود ہیں اور اس فہرست میں کم عمر بھی ہیں۔
ایچ سی ایل جیسی کمپنی سے حاصل دولت کی مالکن روشنی نادار کی دولت کا حجم 40 ارب ڈالر ہے۔
رپورٹ کے مطابق روشنی نادار دنیا کے امیر ترین افراد میں شامل ہونے والے نئے چہروں میں سے ایک ہے اور انہیں یہ دولت ان کے والد کی طرف سے ملی ہے۔
دنیا کی ارب پتی خواتین میں امریکا کا راج ہے، چھٹے نمبر پر بھی دو امریکی خواتین 54 سالہ میکنزی اسکاٹ اور 79 سالہ میریم ایڈلسن اینڈ فیملی ہے، جو بالترتیب ایمیزون اور لاس ویگاس سینڈز کی حصص رکھتی ہیں اور ان کی دولت کا 33 ارب ڈالر ہے۔
اس کے بعد امریکا سے تعلق رکھنے والی 63 سالہ ابیگیل جانسن ہیں، جن کی دولت 32 ارب ڈالر ہے، امریکا سے تعلق رکھنے والی دیگر خواتین 74 سالہ ماریلین سیمسنز اینڈ فیملی اور 50 سالہ لنزے اسٹیفن اینڈ فیملی کا نمبر آتا ہے، جن کی دولت بالترتیب 30 اور 29 ارب ڈالر ہے۔
.ذریعہ: Express News
کلیدی لفظ: ارب ڈالر ہے اینڈ فیملی خواتین میں کی دولت کا فہرست میں ہے اور ان اور ان کی کی فہرست ارب پتی
پڑھیں:
3 مزید بجلی گھروں کو نجکاری فہرست میں شامل کرنے کا فیصلہ
اسلام آباد:حکومت نے 3 مزید بجلی گھروں کو اپنی نجکاری فہرست میں دوبارہ شامل کرنے کا فیصلہ کرلیا ہے، جن میں جامشورو پاور پلانٹ اور دو ایل این جی سے چلنے والے بجلی گھر شامل ہیں۔
وزیراعظم کے مشیر برائے نجکاری محمد علی نے بتایا کہ یہ ادارے پہلے مختلف وجوہات کے باعث فہرست سے نکال دیے گئے تھے، تاہم اب ان کی نجکاری دوبارہ عمل میں لانے کافیصلہ کیا گیا ہے۔
مشیر برائے نجکاری محمد علی نجکاری کے عمل سے متعلق مشاورتی اجلاس سے خطاب کر رہے تھے، جس میں دس تقسیم کار کمپنیوں کی نجکاری پر غورکیاگیا۔
انہوں نے کہاکہ بجلی کے شعبے کو سالانہ تقریباً 1.2 ٹریلین روپے کی سبسڈی دی جارہی ہے جو قیمتوں کے فرق، قرضوں کی ادائیگی اور بجلی چوری جیسے نقصانات کو پوراکرنے کیلیے ہے۔
انہوں نے خبردارکیا کہ اگر تقسیم کار کمپنیوں کی نجکاری نہ کی گئی تو ملک کو شدید مالی مشکلات کا سامنا کرنا پڑسکتا ہے۔
اجلاس میں بتایا گیا کہ اگرچہ نجکاری سے کارکردگی میں بہتری کی توقع ہے، تاہم یکساں ٹیرف اور سبسڈی جیسے پالیسی اقدامات بدستور برقرار رہیں گے۔
مالی مشیرکے مطابق یکساں ٹیرف پالیسی سماجی و اقتصادی ضرورت ہے اور حکومت اسے جاری رکھنے کے حق میں ہے۔
پالیسی کے تحت کم کارکردگی والے علاقوں کے صارفین بھی وہی نرخ اداکرتے ہیں، جو زیادہ مؤثرکمپنیوں کے صارفین پر لاگو ہوتے ہیں،جس کے باعث پنجاب کے صارفین بالواسطہ طور پر سندھ اور بلوچستان کے صارفین کو سبسڈی فراہم کرتے ہیں۔
حکومت نے ابتدائی طور پر اسلام آباد (IESCO) فیصل آباد (FESCO) اور گوجرانوالہ (GEPCO) کی نجکاری کیلیے بین الاقوامی مالیاتی مشیرکمپنی "ایلویریس اینڈ مارسال" کو تعینات کیا ہے۔
مشیرکے مطابق ابتدائی مارکیٹ جائزہ مکمل کر لیاگیااور ٹرانزیکشن اسٹرکچر جلدحتمی شکل اختیارکرے گا، جبکہ آئندہ ہفتوں میں سرمایہ کاروں سے اظہارِ دلچسپی کی درخواستیں طلب کی جائیں گی۔
سابق چیئرمین نیپرا توقیر فاروقی نے امیدظاہرکی کہ نجکاری کے عمل میں ملازمین کی جانب سے مزاحمت کاسامنانہیں ہوگا، کیونکہ بجلی کے شعبے میں یونین سرگرمیوں پر صدارتی آرڈیننس کے تحت پابندی عائد ہے۔
ایم ڈی پاور پلاننگ اینڈمانیٹرنگ کمپنی عابد لطیفکے مطابق تمام شرائط پوری کر لی گئی ہیں، ورلڈ بینک نے تجویز دی کہ نجکاری سے قبل تمام 10 تقسیم کارکمپنیوں کے شیئرز صدرِ پاکستان کے نام منتقل کیے جائیں اور حکومت نئی بجلی پالیسی بھی مرتب کرے،تاکہ تقسیم کار ادارے تکنیکی و مالی نقصانات میں کمی لاسکیں۔
خیال رہے کہ کابینہ نے گزشتہ سال اگست میں تین تقسیم کارکمپنیوں کی نجکاری کی منظوری دی تھی، تاہم ابھی تک کسی بڑی سرکاری کمپنی کی نجکاری مسابقتی بولی کے ذریعے نہیں ہو سکی۔
ٹرمپ نے فوج کو فوری طور پر نیوکلیئر ٹیسٹنگ کا حکم دیدیا