ہم کچھ عرصے سے مواقع ضائع کر رہے ہیں، قومی کرکٹ کپتان محمد رضوان
اشاعت کی تاریخ: 2nd, April 2025 GMT
نیوزی لینڈ کے خلاف دوسرے ایک روزہ میچ میں شکست کے بعد محمد رضوان کا کہنا ہے کہ نیوزی لینڈ کی کنڈیشنز اچھی نہیں ہیں لیکن ہم کچھ عرصے سے اہم موقعوں کو ضائع کر رہے ہیں۔
یہ بھی پڑھیں: نیوزی لینڈ نے پاکستان کو دوسرے ون ڈے میں 84 رنز سے شکست دے کر سیریز اپنے نام کرلی
میچ کے بعد گفتگو کرتے ہوئے محمد رضوان نے کہا فہیم اشرف اور نسیم شاہ نے بہترین بیٹنگ کی لیکن ہماری مجموعی کارکردگی مایوس کن رہی۔ انہوں نے مزید کہا کہ ہمارے بولرز سوئنگ نہیں کرسکے جبکہ نیوزی لینڈ کے بولرز نے اچھی بولنگ کی۔
محمد رضوان نے کہا کہ یہاں کی کنڈیشنز چیلنجنگ ہیں مگر یہ کوئی معذرت نہیں ہے۔
کپتان کا کہنا تھا کہ ہم بولنگ اور بیٹنگ کے پہلے10 اوورزمیں اچھےنہیں رہے۔
مزید پڑھیے: نیوزی لینڈ سے پہلے ون ڈے میں شکست کا ذمہ دار کون؟ محمد یوسف برس پڑے
واضح رہے کہ نیوزی لینڈ نے ایک روزہ میچز کی سیریز کے دوسرے میچ میں پاکستان کو 84 رنز سے ہراکر سیریز میں فیصلہ کن برتری حاصل کرلی ہے۔ سیرز کا تیسرا اور آخری میچ 5 اپریل کو کھیلا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان اور نیوزی لینڈ قومی کرکٹ ٹیم محمد رضوان.ذریعہ: WE News
کلیدی لفظ: پاکستان اور نیوزی لینڈ قومی کرکٹ ٹیم محمد رضوان نیوزی لینڈ محمد رضوان
پڑھیں:
پہلگام واقعے کے بعد بھارت کا رویہ نہایت افسوسناک اور قابل مذمت ہے: بیرسٹر محمد سیف
مشیرِ اطلاعات خیبرپختونخوا بیرسٹر محمد سیف — فائل فوٹومشیرِ اطلاعات خیبرپختونخوا بیرسٹر محمد سیف کا کہنا ہے کہ پہلگام واقعے کے بعد بھارت کا رویہ نہایت افسوس ناک اور قابلِ مذمت ہے۔
بیرسٹر محمد سیف نے اپنے بیان میں کہا ہے کہ مودی سرکار خطے میں امن و امان کو خراب کر کے اپنے مذموم مقاصد حاصل کرنا چاہتی ہے۔
اُنہوں نے کہا کہ واقعے کے پیچھے مودی سرکار کے مذموم عزائم کار فرما ہیں۔
بیرسٹر محمد سیف نے کہا کہ موجودہ حالات قومی اتفاق و اتحاد، سیاسی استحکام کا تقاضہ کرتے ہیں۔
اُنہوں نے کہا کہ قومی اتحاد و یگانگت کے ذریعے موجودہ صورتِ حال سے نمٹا جائے۔
پی ایس ایل 2025: آج کراچی کنگز اور کوئٹہ گلیڈی ایٹرز مدِمقابل