دریائے سندھ سے نئی کینالز کا متنازعہ قاتل منصوبہ کسی صورت کامیاب نہیں ہونے دینگے، امین انصاری
اشاعت کی تاریخ: 3rd, April 2025 GMT
رہنما فکشنل علماء مشائخ سندھ نے کہا کہ دریائے سندھ سے 6 پانی کی نہریں نکالنے کے منصوبے کو غیر شرعی، غیر آئینی مقامی عوامی حقوق کے منافی، ظالمانہ، غیر منصفانہ، جانبدارانہ اقدام اور سندھ کے غریب ہاریوں کو فاقہ کشی پر مجبور کرنے کے مترادف سمجھتے ہیں۔ اسلام ٹائمز۔ پاکستان مسلم لیگ فنکشنل علماء مشائخ ونگ سندھ کے صدر مولانا محمد امین انصاری، سیکریٹری جنرل مولانا منظرالحق تھانوی، صوبائی رہنما شیخ الحدیث مولانا مفتی محمد داؤد، علامہ ڈاکٹر مفتی عبدالغفور اشرفی، مولانا مفتی اسدالحق چترالی، مولانا فہیم الدین انصاری، علامہ مرتضیٰ خان رحمانی، مولانا محمد جنید باڑی و دیگر رہنماؤں نے 6 اپریل اتوار کو ہونے والے سندھ بچاؤ تحریک کے احتجاجی مظاہرے کی بھرپور تائید و حمایت کرتے ہوئے عوام سے بھرپور شرکت کی اپیل کی ہے۔
مولانا محمد امین انصاری و دیگر علماء مشائخ نے کہا کہ ہم دریائے سندھ سے مزید 6 کینالز نکالنے کے خلاف پیر سائیں پگارا کے جرأت مندانہ موقف حق کے ساتھ کھڑے ہیں اور دریائے سندھ سے 6 پانی کی نہریں نکالنے کے منصوبے کو غیر شرعی، غیر آئینی مقامی عوامی حقوق کے منافی، ظالمانہ، غیر منصفانہ، جانبدارانہ اقدام اور سندھ کے غریب ہاریوں کو فاقہ کشی پر مجبور کرنے کے مترادف سمجھتے ہیں، دریائے سندھ سے 6 نئی کینالز کا متنازعہ قاتل منصوبہ کسی صورت کامیاب نہیں ہونے دینگے۔
ذریعہ: Islam Times
کلیدی لفظ: دریائے سندھ سے
پڑھیں:
مشہد مقدس، شیعہ علماء کونسل کے مرکزی ایڈیشنل سیکرٹری جنرل علامہ ناظر تقوی کا ایم ڈبلیو ایم کے دفتر کا دورہ
مولانا ناظر حسین تقوی نے کہا کہ ہمیں اپنے مشترکہ اہداف کے لئے باہم اکٹھا چلنے کی ضرورت ہے تاکہ پاکستان میں شیعہ کاز کو آگے بڑھانے، خصوصا امام زمانہ (عج)کے عالمی انقلاب کے لئے زمینہ ہموار کرنے کے لئے اپنی توانائیوں کو بروئے کار لا سکیں۔ اسلام ٹائمز۔ شیعہ علماء کونسل پاکستان کے مرکزی ایڈیشنل سیکرٹری جنرل علامہ سید ناظر حسین تقوی جو ان دنوں ایران کے دورے پر ہیں اُنہوں نے مشہد مقدس میں واقع دفتر مجلس وحدت مسلمین کا اپنے وفد کے ہمراہ دورہ کیا۔ مجلس وحدت مسلمین مشہد مقدس کے مسئول حجة الاسلام والمسلمین عقیل حسین خان نے مہمانوں کا استقبال کیا اور اُنہیں خوش آمدید کہا۔ مہمان وفد میں دفتر قائد ملت جعفریہ علامہ سید ساجد علی نقوی کے مسئول حجة الاسلام مولانا سید نجم الحسن جعفری، سینئر راہنما حجة الاسلام مولانا ڈاکٹر عقیل حیدر زیدی اور سابقہ مسوول حجة الاسلام مولانا سید موسی رضا نقوی بھی شامل تھے۔ پاکستان کی دونوں شیعہ ملی تنظیموں کے اہنماوں کے درمیان نہایت محبت آمیز صمیمی نشست میں مشترکات پر دوطرفہ تعاون کو آگے بڑھانے پر زور دیا گیا۔ مولانا ناظر حسین تقوی نے کہا کہ ہمیں اپنے مشترکہ اہداف کے لئے باہم اکٹھا چلنے کی ضرورت ہے تاکہ پاکستان میں شیعہ کاز کو آگے بڑھانے، خصوصا امام زمانہ (عج)کے عالمی انقلاب کے لئے زمینہ ہموار کرنے کے لئے اپنی توانائیوں کو بروئے کار لا سکیں۔ مولانا ناظر عباس تقوی نے قائد ملت جعفریہ آیت اللہ السید ساجد علی نقوی اور ناصر ملت سینیٹر علامہ راجہ ناصر عباس جعفری کی توفیقات میں اضافہ کی دعا کروائی۔
کیریبین جزائر میں رواں سال کا طاقتور ترین طوفان داخل، 3 افراد ہلاک