ملک دیوالیہ پن سے ترقی کی راہ پر گامزن ہے: بیرسٹر دانیال چوہدری
اشاعت کی تاریخ: 5th, April 2025 GMT
پارلیمانی سیکرٹری اطلاعات و نشریات بیرسٹر دانیال چوہدری نے آج ملکی ترقی اور حکومتی اقدامات کے حوالے سے پریس کانفرنس میں اہم بیان دیا۔ انہوں نے کہا کہ ’’ملک گزشتہ ادوار کے اقتصادی بحران سے نکل کر ترقی کی نئی راہ پر گامزن ہے۔ جس وقت موجودہ حکومت برسرِاقتدار آئی، ملک دیوالیہ پن کے دہانے پر تھا، مگر آج معاشی و سیاسی استحکام نے نہ صرف صورتحال بدل دی ہے بلکہ عوام کو حقیقی ریلیف بھی دیا جا رہا ہے۔ ہماری ترجیح گالی گلوچ کی بجائے تعمیراتی سیاست ہے۔‘‘
انہوں نے تفصیل بتاتے ہوئے کہا کہ وفاقی حکومت نے رمضان کے دوران 40 لاکھ مستحق خاندانوں کو مالی امداد دی، جبکہ وزیراعلیٰ پنجاب کے ریلیف پیکج اور سہولت بازاروں سے 1 کروڑ 20 لاکھ شہریوں کو راحت پہنچائی گئی۔ بجلی کے شعبے میں وزیراعظم شہباز شریف کیطرف سے کئے گئے تاریخی اصلاحات کا ذکر کرتے ہوئے کہا گیا کہ ’’لوڈشیڈنگ کے خاتمے، بجلی کے بلوں میں رعایت، اور گردشی قرضوں میں 400 ارب روپے کی ادائیگی اور آئ پی پیز کے ساتھ مذاکرات سے بجلی کی قیمتیں کم ہوئی ہیں اور ان شاء اللہ ہر ماہ عوام کو مزید ریلیف ملتا رہے گا۔‘‘
پنجاب حکومت کی کامیابیوں پر روشنی ڈالتے ہوئے کہا گیا کہ “پنجاب ترقیاتی پروگراموں کے تحت 1 کروڑ 90 لاکھ سکول کے بچوں کو مفت کھانا، کسانوں کو سستے ٹریکٹر، اور نوجوانوں کو لیپ ٹاپ جیسے اقدامات سے معاشرتی شفافیت کو یقینی بنایا گیا ہے۔ سرکاری ٹھیکوں کو ای پورٹل پر منتقل کر کے بدعنوانی کے تمام راستے بند کر دیے گئے ہیں۔‘‘
خیبرپختونخوا حکومت پر سخت تنقید کرتے ہوئے بیرسٹر دانیال نے کہا کہ ’’صوبے میں کرپشن کی داستانیں روز روشن کی طرح عیاں ہیں۔ باچاخان یونیورسٹی میں جعلی بورڈ کی تشکیل، زرعی یونیورسٹی میں سینکڑوں غیرقانونی بھرتیاں، اور احتساب سیل کو بند کرنا ثابت کرتا ہے کہ کرپشن کے خلاف دعوے محض نعرے تھے۔ بلین ٹری سونامی منصوبے میں اربوں روپے کی بے ضابطگیاں سامنے آئی ہیں، جبکہ 20% درخت بھی نہیں لگائے گئے۔ عوامی فنڈز کو مساجد کے نام پر لوٹا گیا اور افواجِ پاکستان کے خلاف پراپیگنڈے میں استعمال کیا گیا۔‘‘
مستقبل کے وعدوں کا حوالہ دیتے ہوئے بیرسٹر دانیال نے کہا کہ ’’اڑان پاکستان پروگرام کے تحت ملک کو ٹریلین ڈالر کی معیشت بنانے کا عزم پختہ ہے۔ ہم عوام کے وعدے پورے کرنے، نفرت کی سیاست کو مسترد کرنے، اور ترقی کے ہر شعبے میں شفافیت کو فروغ دینے پر کاربند ہیں۔‘‘
Post Views: 1.ذریعہ: Daily Mumtaz
کلیدی لفظ: بیرسٹر دانیال کہا کہ
پڑھیں:
وزیراعلیٰ خیبرپختونخوا کی آل پارٹیز کانفرنس آج، اپوزیشن کا بائیکاٹ کا اعلان
پشاور(نیوز ڈیسک) خیبرپختونخوا میں دہشت گردی کے بڑھتے ہوئے خطرات پر بات چیت کے لیے وزیراعلیٰ علی امین گنڈاپور کی جانب سے آج وزیراعلیٰ ہاؤس پشاور میں آل پارٹیز کانفرنس (اے پی سی) طلب کی گئی، تاہم اپوزیشن جماعتوں نے کانفرنس میں شرکت سے انکار کر کے سیاسی درجہ حرارت بڑھا دیا ہے۔
اپوزیشن لیڈر ڈاکٹر عباداللہ نے اے پی سی کو نمائشی قرار دیتے ہوئے کہا ہے کہ صوبائی حکومت کے فیصلے غیر سنجیدہ ہیں اور ایسی کانفرنس محض سیاسی دکھاوا ہے۔ ان کے مطابق حقیقی مسائل کا حل پارلیمانی فلور پر ممکن ہے، نہ کہ نمائشی اجلاسوں میں۔
مسلم لیگ ن، جمعیت علمائے اسلام، عوامی نیشنل پارٹی اور پاکستان پیپلز پارٹی نے متفقہ طور پر اے پی سی میں شرکت نہ کرنے کا اعلان کیا ہے۔ عوامی نیشنل پارٹی کے صوبائی صدر میاں افتخار حسین نے اے پی سی کو ”بے مقصد مشق“ قرار دیا۔
دوسری جانب وزیراعلیٰ علی امین گنڈاپور نے کانفرنس کے بائیکاٹ پر ردعمل دیتے ہوئے کہا کہ جو جماعتیں شرکت نہیں کر رہیں وہ درحقیقت صوبے کے مسائل سے لاتعلق ہیں۔ ان کا کہنا تھا کہ امن عوام کے تعاون سے ہی ممکن ہے، اور حکومت تمام سیاسی جماعتوں کو اعتماد میں لینے کے لیے کوشاں ہے۔
وزیراعلیٰ نے واضح کیا کہ سینیٹ انتخابات میں کسی قسم کی ہارس ٹریڈنگ نہیں ہوئی۔ انہوں نے کہا کہ سینیٹ امیدواروں کی فہرست پارٹی بانی نے خود دی تھی، اور عرفان سلیم کا نام بانی کے فیصلے پر فہرست سے نکالا گیا۔ وزیراعلیٰ نے دعویٰ کیا کہ کچھ عناصر پارٹی بانی کے بیانیے کو غلط انداز میں پیش کر رہے ہیں، حالانکہ بانی نے کہا تھا کہ پارٹی میں غلط فہمیاں پیدا کرنے والوں کو نکالا جائے گا۔
انہوں نے مزید کہا کہ خیبرپختونخوا میں کسی بھی جانب سے ڈرون حملہ قابل قبول نہیں اور حکومت ہر قیمت پر صوبے کے امن و امان کو یقینی بنائے گی۔
Post Views: 2
چینی معیشت کوئی بھی بیرونی جھٹکا برداشت کرسکتی ہے، وزیراعظم لی چیانگ