پارٹی کی اندرونی بات میڈیا پر نہ کی جائے، عاطف خان
اشاعت کی تاریخ: 5th, April 2025 GMT
پاکستان تحریک انصاف (پی ٹی آئی) کے رکن قومی اسمبلی محمد عاطف خان نے کہا ہے کہ ورکرز کو آپس کی لڑائی پر تشویش ہوتی ہے، پارٹی کی اندرونی بات میڈیا پر نہ کی جائے۔
پشاور میں جیونیوز سے گفتگو میں عاطف خان نے کہا کہ وزیراعلیٰ علی امین گنڈاپور نے ہمارے متعلق بیان دیا ہے، اگر بانی پی ٹی آئی نے ہمارے متعلق کوئی بیان دیا تو تصدیق ہونی چاہیے۔
انہوں نے کہا کہ اختلافات کے معاملے پر علیمہ خان اور سلمان اکرم راجا نے میڈیا پر بات کرنے سے منع کیا، کسی کو بھی پارٹی کی اندرونی بات میڈیا پر نہیں کرنی چاہیے۔
پی ٹی آئی رہنما نے مزید کہا کہ وزیراعلیٰ کو صوبے کی گورننس اور امن و امان پر توجہ دینی چاہیے، خیبر پختونخوا کی گورننس کو بالکل ٹھیک نہیں کہا جاسکتا۔
اُن کا کہنا تھا کہ وزیراعلیٰ کا میرے ساتھ اختلاف ہے تو صحیح ہے، اسد قیصر، شکیل خان، سینئر رہنماؤں کے خلاف باتیں نہیں ہونی چاہئیں۔
عاطف خان نے یہ بھی کہا کہ پی ٹی آئی میں کوئی فارورڈ گروپ بننے نہیں جا رہا، انتخابات کے دوران ٹکٹس کی تقسیم کے وقت صرف بیرسٹر گوہر نے رابطہ کیا تھا۔
انہوں نے کہا کہ بیرسٹر گوہر نے شہرام اور اسد قیصر سے بھی رابطہ کیا تھا اور بانی پی ٹی آئی کا پیغام پہنچایا کہ انتخابات صرف ایک نشست پر لڑیں۔
پی ٹی آئی رہنما نے مزید کہا کہ اس پر ہم نے بیرسٹر گوہر کو کہا ٹھیک ہے ہم اپنی مرضی کی نشست پر لڑتے ہیں، تو انہوں نے جواب دیا بانی پی ٹی آئی کے احکامات ہیں کہ آپ تینوں قومی اسمبلی نشست پر لڑیں۔
اُن کا کہنا تھا کہ اس وقت بانی پی ٹی آئی اور ان کی اہلیہ کی رہائی پر پورا فوکس ہونا چاہیے، اس موقع پر آپس کے اختلافات نہیں ہونے چاہئیں۔
.ذریعہ: Jang News
کلیدی لفظ: بانی پی ٹی ا ئی میڈیا پر
پڑھیں:
پانی ہماری ناگزیر ضرورت ہے، اس پر کوئی سمجھوتہ نہیں ہوگا، بلاول بھٹو
پاکستان پیپلز پارٹی کے چیئرمین بلاول بھٹو نے کہا ہے کہ بھارت کےساتھ سیزفائرتوہوئی ہےلیکن امن ابھی حاصل نہیں ہوا، پانی ہماری ناگزیرضرورت ہے، اس پرکوئی سمجھوتہ نہیں ہوگا۔
برطانوی نشریاتی ادارے کو دیے گئے ایک انٹرویو میں انہوں نے کہا کہ پاکستان ایک ذمہ دارایٹمی ریاست ہے، سندھ طاس معاہدےکی معطلی عالمی قوانین کی خلاف ورزی ہے۔
ان کا کہنا تھا کہ پاکستان نے واضح کیا ہے کہ پانی روکنا اعلان جنگ تصورہوگا، پاکستان نے ہمیشہ مذاکرات اورسفارتکاری کے ذریعے مسائل کے حل کی بات کی۔
بلاول بھٹو نے کہا کہ بھارت یکطرفہ طورپرسندھ طاس معاہدے کو معطل یاختم نہیں کرسکتا، پانی ہماری ناگزیرضرورت ہے، اس پرکوئی سمجھوتہ نہیں ہوگا۔
چیئرمین پیپلز پارٹی نے کہا کہ بلاول بھٹو بھارت کےساتھ کشمیرسمیت تمام مسائل پرمذاکرات چاہتےہیں، تمام مسائل کا حل کشمیر سے ہو کر نکلتا ہے۔
انہوں نے کہا کہ پاکستان ایک پرامن ملک ہے، بھارت مس انفارمیشن اورڈس انفارمیشن پھیلا رہا ہے، صدرٹرمپ کو سیز فائر کا کریڈٹ جاتا ہے، صدرڈونلڈٹرمپ کا جنگ بندی کے حوالے سے کردار لائق تحسین ہے۔
بلاول بھٹو نے کہا کہ بھارت نے بغیر شواہد پہلگام واقعہ کا الزام پاکستان پرعائد کردیا، ہم نے پہلگام پرغیرجانبدارانہ تحقیقات کی پیشکش کی تھی۔
چیئرمین پیپلز پارٹی نے کہا کہ بھارت کے پاس پانی روکنےکی صلاحیت ہی نہیں ہے، دونوں جوہری ممالک کے درمیان تنازعات کے حل کے لیے کوئی میکنزم موجود نہیں۔
بنارس کی تاریخی اور مسلم اکثریتی بازار کے انہدام پر کورٹ سے راحت