ملائکہ اروڑا بڑی مشکل میں، وارنٹ گرفتاری جاری
اشاعت کی تاریخ: 8th, April 2025 GMT
ممبئی(نیوز ڈیسک)ممبئی کی عدالت نے عدم پیشی پر اداکارہ کے وارنٹ جاری کیے۔اداکار سیف علی خان کے خلاف 2012 میں ہونے والے حملہ کیس میں بطور گواہ مسلسل غیر حاضری پر اداکارہ ملائکہ اروڑا اور دیگر کے خلاف عدالت نے وارنٹ گرفتاری جاری کردیے گئے ہیں۔
پیر کو سیف علی خان سمیت تمام ملزمان نے حاضری سے استثنیٰ کی درخواست کی اور غیر حاضر رہے جسے عدالت نے منظور کرلیا۔
مجسٹریٹ کے ایس گھنوار نےملائکہ اروڑہ کے خلاف 5 ہزار روپے کے قابل ضمانت وارنٹ دوبارہ جاری کرنے کی ہدایت کی کیونکہ اداکار کو پہلے عدالت میں پیش ہونا تھا۔
تاہم اس کے باوجود وہ غیر حاضر رہی اور عدالت نے 15 مارچ کو اداکارہ کے خلاف قابل ضمانت وارنٹ جاری کردیا۔
اس وقت عدالت نے ملائکہ کی بہن اور اداکار امریتا اروڑہ کے ساتھ ساتھ ایک اور دوست فرخ واڈیا کے بھی پانچ ہزار روپے کے وارنٹ جاری کیے تھے۔
اس وقت عدالت نے ملائکہ کی بہن اور اداکار امریتا اروڑہ کے ساتھ ساتھ ایک اور دوست فرخ واڈیا کے بھی پانچ ہزار روپے کے وارنٹ جاری کیے تھے، جس کے بعد فرخ واڈیا اور امریتا اروڑہ عدالت میں پیش ہوئے۔
عدالت نے رواں ماہ کے آخر تک قابل ضمانت وارنٹ کے حوالے سے رپورٹ طلب کی ہے۔
خیال رہے کہ یہ کیس 22 فروری 2012 کا ہے، جب سیف علی خان، کرینہ کپور، کرشمہ کپور، ملائکہ اروڑہ، امریتا اروڑا اور چند دوستوں کے ساتھ، جنوبی ممبئی کے ایک لگژری ریستوران میں کھانا کھا رہے تھے۔
اس موقع پر ایک بیرونِ ملک مقیم بھارتی شہری اقبال شرما اور ان کا خاندان قریب کی میز پر بیٹھے تھے۔
پولیس کے مطابق بھارتی نژاد جنوبی افریقی تاجر شرما نے اداکاروں کے گروپ کی جانب سے اونچی آواز میں باتیں کرنے پر اعتراض کیا اور ان سے اپنی آوازیں نیچی کرنے کی درخواست کی جس پر جھگڑا ہوا۔
بعدازاں اقبال شرما نےالزام لگایا کہ سیف علی خان نے ان کی ناک پر گھونسہ مار کر اسے فریکچر کردیا اور یہ بھی کہ اداکار اور ان کے دوستوں نے ان کے سسر، رمن پٹیل پر حملہ کیا۔
تاہم اداکار کا اس حوالے سے مؤقف ہے کہ اقبال شرما گروپ نے خواتین کے لیے اشتعال انگیز اور نازیبا زبان استعمال کی، جس سے صورتحال کشیدہ ہوگئی۔
اس واقعے کے بعد سیف اور ان کے دوستوں شکیل لداک اور بلال امروہی کو گرفتار کر لیا گیا، لیکن بعد میں ضمانت پر رہا کر دیا گیا تھا۔
گھر سے بے دخل خاتون ٹک ٹاکر نے نہر میں چھلانگ لگا دی
.ذریعہ: Daily Ausaf
کلیدی لفظ: سیف علی خان وارنٹ جاری عدالت نے کے خلاف اور ان
پڑھیں:
عمران خان کی ویڈیو لنک پیشی سے متعلق عدالت کی سخت ایس او پیز جاری
عمران خان کی ویڈیو لنک پیشی سے متعلق عدالت نے سخت ایس او پیز جاری کردیں۔انسداد دہشتگردی عدالت کی جانب سے بانی پی ٹی آئی عمران خان کی ویڈیو لنک کے ذریعے پیشی کے معاملے پر ایس او پیز جاری کردی گئی ہیں۔ عدالت عالیہ کے حکم کے پیرا 11 اور 12 پر مبنی یہ ایس او پیز انسداد دہشت گردی عدالت کے اندر اور باہر نمایاں جگہوں پر آویزاں کی جائیں گی۔عدالتی حکم نامے کے مطابق ویڈیو لنک کارروائی کی ریکارڈنگ صرف عدالت ہی کر سکے گی جب کہ کسی اور شخص کو اس کی اجازت نہیں ہوگی۔ عدالت کے اندر موبائل فون یا کسی بھی قسم کی ریکارڈنگ ڈیوائس لے جانا سختی سے ممنوع قرار دیا گیا ہے۔عدالت نے ایس او پیز میں واضح کیا ہے کہ اگر کوئی شخص ریکارڈنگ کرتے ہوئے پکڑا گیا تو اس کے خلاف فوجداری قوانین کے تحت کارروائی ہوگی۔ مزید برآں کوئی بھی شخص ویڈیو لنک کارروائی کا ٹرانسکرپٹ حاصل نہیں کر سکے گا۔
کراچی میں متوقع شدید بارش کے پیش نظر انتظامیہ کو ہائی الرٹ رہنے کا حکم