سرفراز احمد کو کامیاب کھلاڑی اور کپتان کس نے بنایا؟ سابق کپتان نے ساری کہانی سنادی
اشاعت کی تاریخ: 9th, April 2025 GMT
قومی ٹیم کے سابق کپتان اور وکٹ کیپر بیٹر سرفراز احمد کا کہنا ہے کہ اعظم خان اور ندیم عمر نے ہر اچھے برے وقت میں ان کا ساتھ دیا اور انہیں کامیاب کھلاڑی اور قومی ہیرو بنانے میں انہی 2 لوگوں کا ہاتھ ہے۔
سرفراز احمد کا ایک ویڈیو کلپ سوشل میڈیا پر وائرل ہو رہا ہے جسے انہوں نے خود بھی اپنے ایکس اکاؤنٹ پر شیئر کیا ہے۔ جس میں ان کا کہنا تھا کہ وہ 2003,2004 میں پاکستان کرکٹ کلب گئے جس کے روحِ رواں اعظم خان اور ندیم عمر صاحب ہیں جو اب کوئٹہ گلیڈی ایٹر کے اونر ہیں وہ اس کلب کے صدر تھے۔
یہ بھی پڑھیں: ثنا جاوید کی سرفراز احمد سے بدتمیزی کی ویڈیو وائرل
سرفراز احمد کا کہنا ہے کہ ’یہ دو لوگ ہیں جنہوں نے 17 سال کے اس بچے کو ڈھونڈا اور اپنے کلب میں کھلایا‘۔ ان کا کہنا تھا کہ ’17 سال کا بچہ اب 37 سال کا ہو گیا ہے لیکن وہ لوگ اب بھی کرکٹ میں موجود ہیں انہوں نے مجھے چنا اور اپنے کلب میں لے کر آئے۔ وہ اس وقت مجھ پر محنت کرتے تھے جب مجھے کوئی بھی نہیں جانتا تھا‘۔
تلاش ان کوکیجئے جو اندھیروں میں ساتھ دیتے ہیں
اجالوں میں تو کوئی نہ کوئی مل ہی جائے گا pic.
— Sarfaraz Ahmed (@SarfarazA_54) April 8, 2025
سابق کپتان نے مزید کہا کہ وہ تب سے آج تک میرے ساتھ ہر اچھے برے وقت میں کھڑے رہے ہیں اور انہی کی وجہ سے میں آج اس مقام پر ہوں۔ ان کا کہنا تھا کہ آپ کی زندگی میں بہت سے ایسے لوگ ہوتے ہیں جو نظر نہیں آتے وہی اصل لوگ ہیں۔
سرفراز احمد نے کہا کہ جیسے ہمارے ماں باپ ہمیں پڑھنا لکھنا سکھاتے ہیں، اچھا پہنانا سکھاتے ہیں ویسے ہی ہماری فیلڈ میں یہ دو لوگ ہیں جن کی میں دل سے عزت کرتا ہوں کیونکہ ہر اچھے برے وقت میں یہ دونوں میرے لیے کھڑے رہے اور آج بھی وہ نئے کھلاڑیوں کو متعارف کروا رہے ہیں جن میں صائم ایوب، سعود شکیل اور میر حمزہ شامل ہیں۔
یہ بھی پڑھیں: سابق کپتان سرفراز احمد نے کرکٹ سے ریٹائرمنٹ کا فیصلہ کرلیا؟
سرفراز احمد کا یہ ویڈیو کلپ سوشل میڈیا پر وائرل ہوا تو صارفین کی جانب سے اس پر مختلف تبصرے کیے گئے۔ اقراء نامی صارف نے لکھا کہ سرفراز احمد ہمارے اصل قومی ہیرو ہیں۔
Saifi is a real national hero ????
— Iqra (@Iqra87685226) April 8, 2025
سلیم خالق لکھتے ہیں کہ سرفراز احمد کی یہی خوبی ہے کہ وہ اپنے محسنوں کو نہیں بھولتے، نہ صرف سرفراز بلکہ ندیم عمر اور اعظم خان نے پاکستان کرکٹ کو دیگر کئی ایسے کرکٹرز بھی فراہم کیے جو بعد میں اسٹارز بنے۔ ان کا مزید کہنا تھا کہ ٹیلنٹ کو پرکھنا اور پھر مواقع فراہم کر کے تراشنا ان سے بہتر کوئی نہیں جانتا۔
سرفراز احمد کی یہی خوبی ہے کہ وہ اپنے محسنوں کو نہیں بھولتے،نہ صرف سرفراز بلکہ ندیم عمر اور اعظم خان نے پاکستان کرکٹ کو دیگر کئی ایسے کرکٹرز بھی فراہم کیے جو بعد میں اسٹارز بنے،ٹیلنٹ کو پرکھنا اور پھر مواقع فراہم کر کے تراشنا ان سے بہتر کوئی نہیں جانتا https://t.co/U8J5ks7OtT
— Saleem Khaliq (@saleemkhaliq) April 9, 2025
شہزاد نامی صارف نے لکھا کہ سرفراز بھائی، ایک عام پاکستانی کے طور پر میں آپ کے کھیل کے میدان میں اور میدان سے باہر کے رویے کو بہت پسند کرتا ہوں۔ جس طرح آپ نے پاکستان کے لیے کھیلا اور پاکستان ٹیم کی قیادت کی۔
انہوں نے مزید لکھا کہ یہ اتنا اہم نہیں ہے کہ آپ نے کتنے عرصے تک کھیلا، اہم یہ ہے کہ آپ نے کیسے کھیلا۔
Sarfaraz bhai, As a common Pakistani, I love you behavior on and off the field. The way you fought for Pakistan. The way you led the Pakistan team.
Even you are out of team but we love you and your passion for
Cricket.
It’s not important how long you played, imp is how you played
— shahzad (@shahzad28098896) April 8, 2025
ایک صارف نے سرفراز احمد کی تعریف کرتے ہوئے کہا کہ جو لوگ ساتھ دینے والوں کو نہیں بھولتے وہ ضرور کامیاب ہوتے ہیں اور آپ ان میں سے ایک ہیں۔
Jo log Sath dene walon ko bhoolta nae woh kamyab zaroor hota hain or app un mei sa aik hain ????
— jack (@silent_anas) April 8, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اعظم خان پاکستان کرکٹ ٹیم سرفراز احمد ندیم عمرذریعہ: WE News
کلیدی لفظ: پاکستان کرکٹ ٹیم سرفراز احمد کا پاکستان کرکٹ کہنا تھا کہ سابق کپتان کا کہنا
پڑھیں:
بھارتی ٹیم کے لیے بڑا دھچکا، اہم کھلاڑی انگلینڈ کے خلاف سیریز سے باہر
بھارتی وکٹ کیپر بیٹر رشبھ پنت انگلینڈ کے خلاف جاری ٹیسٹ سیریز کے بقیہ میچز سے باہر ہو گئے ہیں، چوتھے ٹیسٹ کے پہلے دن دائیں پاؤں پر لگنے والی چوٹ اب فریکچر ثابت ہو گئی ہے۔
بی سی سی آئی نے تصدیق کی ہے کہ پنت باقی ٹیسٹ میچ میں وکٹ کیپنگ نہیں کریں گے اور بیٹنگ ’ٹیم کی ضرورت کے مطابق‘ کریں گے، ان کی جگہ دھروو جریَل بقیہ میچ میں وکٹ کیپنگ کے فرائض انجام دیں گے۔
???? Stuart Broad heaped praises on Rishabh Pant.#RishabhPant #INDvsENG pic.twitter.com/TViHfGu9aI
— CricXtasy (@CricXtasy) July 24, 2025
اطلاعات کے مطابق یہ فریکچر پنت کے دائیں پاؤں کی میٹاٹارسَل ہڈی میں ہے، اور ابتدائی طبی تشخیص کے مطابق انہیں 6 سے 8 ہفتے آرام کی ضرورت ہوگی۔ مانچسٹر میں بھارتی ٹیم کے ہوٹل کے باہر شائقین کی جانب سے بنائی گئی ویڈیوز میں پنت کے دائیں پاؤں پر ’مون بوٹ‘ واضح طور پر دیکھا گیا۔
یہ چوٹ اس وقت لگی جب دوسرے سیشن میں رشبھ پنت نے کرس ووکس کی گیند پر ریورس سوئیپ کھیلنے کی کوشش کی، لیکن گیند ان کے بیٹ کے اندرونی کنارے سے لگ کر سیدھی ان کے پاؤں پر آ لگی، وہ فوری طور پر شدید تکلیف میں نظر آئے اور ان کے پاؤں پر سوجن آ گئی۔
یہ بھی پڑھیں:
اس وقت پنت 37 رنز پر کھیل رہے تھے جب انہوں نے ریٹائر ہرٹ ہونے کا فیصلہ کیا، انہیں گولف کارٹ پر گراؤنڈ سے باہر لے جایا گیا۔
ای ایس پی این کرک انفو کے مطابق رشبھ پنت نے جلد ہی اسکین کروائے، جن میں ان کے پاؤں میں فریکچر کی تصدیق ہوئی۔ جب گیند ان کے پاؤں پر لگی تو انگلینڈ کے کھلاڑیوں نے ایل بی ڈبلیو کی اپیل کی، تاہم پنت درد کے باوجود کھڑے رہے اور ریویو کے بعد ناٹ آؤٹ قرار دیے گئے، مگر اپنے پاؤں پر کھڑے نہ ہونے کی کیفیت ان کے کرب سے عیاں تھی۔
بھارتی نائب کپتان اور وکٹ کیپر رشبھ پنت کو پہلے اسٹیڈیم کے میڈیکل سینٹر لے جایا گیا، جہاں کپتان شبمن گل ان کی خیریت معلوم کرنے پہنچے، بعد ازاں رشبھ پنت کو اسپتال منتقل کیا گیا۔
انگلینڈ کے اسپنر لیام ڈاسن نے دن کے اختتام پر کہا کہ انہیں نہیں لگتا کہ رشبھ پنت اب اس میچ میں مزید حصہ لے پائیں گے، اسی دوران، رشبھ پنت کے بیٹنگ ساتھی بی سائی سدھارسن نے بھی تصدیق کی کہ جی ہاں، وہ واقعی شدید درد میں تھے۔
مزید پڑھیں:
یہ رشبھ پنت کی مسلسل دوسرے ٹیسٹ میں چوٹ ہے۔ اس سے پہلے لارڈز ٹیسٹ میں انگلینڈ کی پہلی اننگز کے دوران وکٹ کیپنگ کرتے ہوئے ان کی بائیں شہادت کی انگلی پر گیند لگی تھی، جس کے بعد دھروو جریَل نے اس میچ میں بھی وکٹ کیپنگ کی تھی۔
پنت کی 48 گیندوں پر 37 رنز کی اننگز مجموعی طور پر محتاط تھی، تاہم اس میں ان کے مخصوص جارحانہ شاٹس بھی شامل تھے، جن میں جوفرا آرچر کے خلاف ایک زبردست سلوگ سوئیپ شامل ہے، جس کے فوراً بعد انہوں نے ایک ناکام ریورس سوئیپ بھی کھیلا تھا۔
مزید پڑھیں:
بی سی سی آئی نے تاحال رسمی طور پر رشبھ پنت کے فریکچر کی تصدیق یا پانچویں ٹیسٹ کے لیے ان کے متبادل کا اعلان نہیں کیا ہے، انگلینڈ لائنز اور انڈیا اے کے درمیان کھیلے گئے 2 غیر سرکاری ٹیسٹ میچز کے دوران دھروو جریَل کے بعد ایشان کشن دوسرے وکٹ کیپر کے طور پر شامل تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انگلینڈ ایشان کشن بھارت جوفرا آرچر دھروو جریل رشبھ پنت کرکٹ
پی ٹی آئی کی تحریک کا مقصداگر عمران خان کی رہائی ہے تو تحریک کامیاب نہیں ہوگی