سندھ کابینہ نے انٹر بورڈ کراچی کے طلبہ کو گریس مارکس دینے کی منظوری دے دی
اشاعت کی تاریخ: 15th, April 2025 GMT
کراچی:
سندھ کابینہ نے اسمبلی کی سب کمیٹی کی سفارش پر کراچی بورڈ کے تحت انٹر سال اول کے طلبہ کو گریس مارک دینے کی منظوری دے دی ہے۔
ترجمان وزیر اعلی سندھ کی جانب سے اعلامیہ کے مطابق 20 فیصد گریس مارکس تمام طلبہ و طالبات کو کیمسٹری، فزکس اور ریاضی کے مضامین میں دیے جائیں گے۔
وزیراعلیٰ سندھ نے محکمہ یونیورسٹیز اینڈ بورڈز کو تعلیمی بورڈز میں اصلاحات لانے کی ہدایت بھی دی ہے جبکہ چیف سیکریٹری کو ہدایت دی کہ وہ اعلہ سطح کی ایک کمیٹی بنائیں۔
کمیٹی تمام تعلیمی بورڈز میں بے ضابطگیوں کی تحقیقات کر کے رپورٹ دے گی۔
ادھر امتحانات سے محض 12 روز قبل اس فیصلے سے انٹر کے امتحانات بروقت شروع نہ ہونے کے امکانات بھی پیدا ہوگئے ہیں۔ محکمہ یونیورسٹیز اینڈ بورڈز کو ابھی اس فیصلے کا نوٹیفکیشن جاری کرنا یے جس کے بعد انٹر بورڈ کراچی اس معاملے پر عملدرآمد شروع کرے گا، اس فیصلے پر عملدرآمد میں کافی وقت درکار ہے اور نتائج کو تبدیلی کے لیے کئی مرحلوں سے گزرنا ہے لیکن انٹر بورڈ کراچی میں فی الحال کو سربراہ نہیں ہے۔
قائم مقام چیئرمین بورڈ پروفیسر شرف علی شاہ کی سبک دوشی سے تاحال کسی افسر کی مستقل یا عارضی چیئرمین کے طور پر تعیناتی نہیں ہوسکی ہے لہذا بورڈ میں فیصلے کرنے کے لیے کوئی اتھارٹی ہی موجود نہیں ہے۔
حکومت سندھ کے ذرائع کے مطابق محکمہ یونیورسٹیز اینڈ بورڈز کی جانب سے کچھ روز قبل ایک سمری کنٹرولنگ اتھارٹی کو بھجوائی گئی تھی جس میں انٹر بورڈ کراچی کا چارج میٹرک بورڈ کراچی کے نئے تعینات چیئرمین جبکہ حیدرآباد بورڈ کا چارج محکمہ یونیورسٹیز اینڈ بورڈز کے ایک ایڈیشنل سیکریٹری کے سپرد کرنے کی سفارش کی تھی اور کنٹرولنگ اتھارٹی کی جانب سے متعلقہ ایڈیشنل سیکریٹری کے حوالے سے تجربہ اور مہارت کی تفصیلات مانگی گئی تھی جس کے بعد سے یہ دونوں سمریز واپس ہوگئی اور دونوں ہی بورڈ بغیر چیئرمین کے کام کررہے ہیں۔
.ذریعہ: Express News
کلیدی لفظ: محکمہ یونیورسٹیز اینڈ بورڈز انٹر بورڈ کراچی
پڑھیں:
سندھ گورنمنٹ چلڈرن اسپتال کے سینکڑوں ملازمین کئی ماہ سے تنخواہ سے محروم
ملازمین نے اسپتال انتظامیہ کو انتباہ کیا ہے کہ اگر اگست میں تنخواہ نہیں ملی تو احتجاج کیا جائے گا۔ اسلام ٹائمز۔ پبلک پرائیویٹ پارٹنرشپ کے تحت چلنے والے سندھ گورنمنٹ چلڈرن اسپتال کراچی کے 400 ملازمین 4 ماہ سے اپنی تنخواہوں سے محروم ہیں، ملازمین نے اسپتال انتظامیہ کو انتباہ کیا ہے کہ اگر اگست میں تنخواہ نہیں ملی تو احتجاج کیا جائے گا۔ ملازمین کو تنخواہیں نہ ملنے کے حوالے سے اسپتال انتظامیہ نے تصدیق کرتے ہوئے کہا کہ آئندہ ماہ ان ملازمین کو تنخواہوں کی ادائیگی کر دی جائے گی، کیونکہ اسپتال کو بجٹ ابھی پروسس میں ہے، توقع ہے کہ آئندہ ہفتے تک بجٹ اسپتال کو مل جائے گا، جس کہ بعد ملازمین کے بقایہ جات سمیت تنخواہوں کی کر دی جائیں گی۔ واضح رہے کہ اسپتال میں آئے دن احتجاج جاری رہتا ہے، 2013ء میں جاپان کی این جی او JICA کے اشتراک سے اسپتال میں نئی عمارت تعمیر کی گئی تھی، جس کے بعد یہ اسپتال کراچی میں بچوں کے اسپتال کی منفرد حثیت رکھتا تھا، تاہم اس وقت چلڈرن کو محکمہ صحت کی جانب سے 10 کروڑ روپے کا بجٹ جاری کیا جاتا تھا اور اسپتال میں رات گئے تک علاج و معالجے کی سہولتیں فراہم کی جاتی تھی۔
اکتوبر 2016ء میں محکمہ صحت نے پبلک پرائیویٹ پارٹنرشپ کے نام پر اس اسپتال کو ایک این جی او کے تحت کر دیا، جس کے بعد اسپتال کا بجٹ میں اضافہ کر کے 44 کروڑ روپے کر دیا گیا۔ محکمہ صحت کے مطابق سندھ گورنمنٹ چلڈرن اسپتال اکتوبر 2026ء تک این جی او کو 10 سال کے معاہدے پر دے رکھا ہے، اکتوبر 2026ء میں اس اسپتال کے مستقبل کا فیصلہ کیا جائے گا، پبلک پرائیویٹ پارٹنرشپ کے بعد اسپتال میں ملازمین کو بروقت تنخواہوں کی عدم ادائیگی کی وجہ سے ملازمین کی جانب سے 10 ہڑتالیں کی جا چکی ہیں اور کئی بار اسپتال بھی بند رہا ہے۔ اس اسپتال میں 2004ء سے 2025ء تک بچوں کی کوئی بڑی سرجری نہیں کی جا سکی، اسپتال میں بچوں کی صرف عام بیماریوں کا علاج کیا جاتا ہے، چلڈرن اسپتال میں 300 سے زائد کا عملہ این جی او کے ماتحت ہے، جبکہ ایم ایس سمیت 65 افراد کا عملہ محکمہ صحت کے ماتحت ہے۔ اسپتال آنے والی ایک خاتون رابعہ نے بتایا کہ پیچیدہ امراض میں مبتلا آنے والے بچوں کو NICH یا سول اسپتال بھیجا جاتا ہے اور اس اسپتال میں بچوں کے کسی بھی پیچیدہ امراض کی سرجری کی کوئی سہولت موجود نہیں۔
حب چوکی پرتیز رفتار گاڑی کی ٹکرسے 2نوجوان جاں بحق