لکس اسٹائل ایوارڈز 2025 کیوں منسوخ کیے گئے؟
اشاعت کی تاریخ: 17th, April 2025 GMT
پاکستان کے معروف ترین ’لکس اسٹائل ایوارڈز‘2025 منسوخ کر دیے گئے، اس سال 24ویں لکس اسٹائل ایوارڈز کی تقریب 7 مئی کو لاہور میں منعقد ہونے والی تھی۔
تفصیلات کے مطابق، لکس اسٹائل ایوارڈز 2025 کو باقاعدہ طور پر منسوخ کر دیا گیا ہے۔ ایوارڈز کی منسوخی کی وجہ سیکیورٹی خدشات بتائی گئی ہے۔ منتظمین نے اسپانسرز اور مداحوں کا شکریہ ادا کیا اور امید ظاہر کی کہ مستقبل میں دوبارہ ایک ساتھ کام کیا جائے گا۔
لکس اسٹائل ایوارڈز میں نامزد امیدواروں کے مداح اس فیصلے پر مایوسی کا اظہار کر رہے ہیں اور کہہ رہے ہیں کہ منتظمین کا ایوارڈ شو منسوخ کرنا غیر پیشہ ورانہ رویہ ہے۔ بہت سے لوگوں نے سیکیورٹی کے خدشات کو مدنظر رکھتے ہوئے مقام تبدیل کرنے کا مشورہ دیا۔
ایک مداح نے لکھا، ’یہ واقعی مداحوں اور نامزد امیدواروں کے ساتھ ناانصافی ہے۔ اگر مقام سے مسئلہ ہے تو مقام بدل دو، ایونٹ کیوں منسوخ کیا؟‘۔
ایک اور صارف نے لکھا آپ یہ نہیں کر سکتے۔ پاکستان میں مشکل سے ایوارڈ شو ہوتے ہیں۔ ایک لکس اسٹائل ایوارڈز تھا، اب وہ بھی منسوخ کر دیا گیا ہے۔ آپ لوگ ایوارڈ شو کیسے نہیں کر سکتے؟ آپ کی صنعت کیسے ترقی کرے گی؟ یہ ناانصافی ہے۔
ایک مداح نے لکھا، یہ خود کو بھارتیوں کے ساتھ موازنہ کرتے ہیں اور وہ ایک ایوارڈ شو بھی نہیں کر سکتے۔ ایک صارف کا کہنا تھا کہ، مداحوں نے اپنے پسندیدہ اداکاروں کے لیے جنون کی حد تک ووٹ کیا اور ان کو اسٹیج پر ایوارڈ لیتے دیکھنے کا انتظار کر رہے تھے۔ یہ بہت مایوس کن ہے۔ آپ متبادل جگہ کا انتخاب کیوں نہیں کر سکتے؟ ایونٹ کیوں منسوخ کیا؟ بالکل ناانصافی۔
کئی صارفین کا کہنا تھا کہ بہت ہی غیر پیشہ وارانہ رویہ ہے جبکہ چند صارفین نے کہا کہ پاکستان سپر لیگ (پی ایس ایل) کے میچز بھی تو ہو رہے ہیں پھر لکس اسٹائل ایوراڈز کرانے میں کیا مسئلہ ہے۔
واضح رہے پاکستان کا ڈراما ہو، فلم، میوزک یا فیشن گذشتہ 24 سال سے لکس اسٹائل ایوارڈز ہر شعبے میں بہترین کارکردگی دکھانے والے فنکاروں کو حوصلہ افزائی کی غرض سے اعزازات سے نوازتا آیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی اداکار لکس اسٹائل ایوارڈز.ذریعہ: WE News
کلیدی لفظ: پاکستانی اداکار نہیں کر سکتے ایوارڈ شو
پڑھیں:
یوئیفا نیشنز کپ 2025، پرتگال نے اسپین کو پنالٹی شوٹ آؤٹ میں شکست دے کر ٹائٹل جیت لیا
MUNICH:پرتگال نے نیشنز لیگ 2025 کا فائنل ایک سنسنی خیز مقابلے کے بعد پنالٹی شوٹ آؤٹ میں اسپین کو 5-3 سے شکست دے کر دوسری بار ٹائٹل اپنے نام کر لیا۔
میچ کے اختتام پر اسٹار فٹبالر کرسٹیانو رونالڈو جذبات کی رو میں بہہ کر اشکبار ہو گئے۔
میونخ میں کھیلے گئے اس فائنل میں مقررہ وقت تک مقابلہ 2-2 گول سے برابر رہا، جس کے بعد میچ کا فیصلہ پنالٹی شوٹ آؤٹ پر ہوا۔
پرتگال کی جانب سے تجربہ کار مڈفیلڈر روبن نیوس نے فیصلہ کن پنالٹی اسکور کی، جبکہ اسپین کے ایلواور موراتا کی پنالٹی مس ہونے نے فیصلہ کن کردار ادا کیا۔
اسپین نے 21ویں منٹ میں مارٹن زوبیمنڈی کے گول کی بدولت برتری حاصل کی، تاہم پرتگال کی جانب سے نونو مینڈس نے کرسٹیانو رونالڈو کی شاندار موو کے نتیجے میں گیند کو جال میں پہنچا کر مقابلہ برابر کر دیا۔
مزید پڑھیں: یوئیفا یورو کپ اسپین نے فرانس کو ہرا کر فائنل میں جگہ بنا لی
اسپین نے دوبارہ برتری حاصل کی جب مڈفیلڈر پیڈری کے شاندار پاس پر میکل اویارزابال نے گول کیا، جو گزشتہ سال یورپی چیمپئن شپ کے فائنل میں انگلینڈ کے خلاف فاتحانہ گول کے ہیرو بھی تھے۔
تاہم 40 سالہ لیجنڈری فارورڈ رونالڈو نے 138 واں بین الاقوامی گول کرتے ہوئے پرتگال کو ایک بار پھر میچ میں واپس لایا۔
کھیل کا یہ لمحہ رونالڈو کے کیریئر میں ایک اور یادگار اضافہ تھا، جب کہ نوجوان ہسپانوی اسٹار لامین یامال اس میچ میں زیادہ نمایاں کارکردگی نہ دکھا سکے۔
میچ کے آخری لمحات میں رونالڈو زخمی ہو کر میدان سے باہر چلے گئے، جب کہ اضافی وقت میں بھی دونوں ٹیمیں کوئی گول نہ کر سکیں۔
شوٹ آؤٹ میں پرتگال نے تمام پانچ پنالٹیز کامیابی سے مکمل کیں، جبکہ اسپین کی ایک پنالٹی ضائع ہو گئی، جس نے پرتگال کی فتح پر مہر ثبت کر دی۔
جنوبی ایشیائی خطے میں نیوکلیئر تصادم کا خطرہ موجود ہے، جنرل شمشاد مرزا