نیو کراچی انڈسٹریل ایریا میں پُراسرار فائرنگ، 50 سالہ خاتون زخمی
اشاعت کی تاریخ: 22nd, April 2025 GMT
کراچی:
شہر قائد کے علاقے نیو کراچی انڈسٹریل ایریا میں پُراسرار فائرنگ کے نتیجے میں ایک خاتون زخمی ہو گئی۔
واقعہ سیکٹر 5/G مدینہ کالونی میں ایک گھر کے اندر پیش آیا۔
پولیس ترجمان کے مطابق زخمی ہونے والی خاتون کی شناخت 50 سالہ ثوبیہ زوجہ سلیم کے نام سے ہوئی ہے۔
مزید پڑھیں: کراچی فائرنگ کے مختلف واقعات میں 3 افراد زخمی
خاتون کو فوری طور پر طبی امداد کے لیے عباسی شہید اسپتال منتقل کر دیا گیا ہے، جہاں ان کی حالت خطرے سے باہر بتائی جا رہی ہے۔
فائرنگ کے محرکات تاحال واضح نہیں ہو سکے۔ پولیس کا کہنا ہے کہ واقعے کی تفتیش جاری ہے۔
.ذریعہ: Express News
پڑھیں:
لاہور: شاپنگ مال کے سامنے فائرنگ کرنے والا شخص زخمی حالت میں گرفتار
—فائل فوٹولاہور میں شاپنگ مال کے سامنے فائرنگ کرنے والے شخص کو زخمی حالت میں گرفتار کر لیا گیا۔
ذرائع کے مطابق فائرنگ کرنے والا شخص اہم شخصیت کی بھتیجی کا خاوند ہے، ملزم فائرنگ کر کے فرار ہوا تو پولیس نے پیچھا شروع کردیا، فائرنگ کرنے والے ملزم نے خود کو بھی گولی مار کر زخمی کر لیا۔
پولیس کا کہنا تھا کہ ملزم کی شناخت عدنان بٹ کے نام سے ہوئی ہے اور وہ ماڈل ٹاؤن کا رہائشی ہے۔
دوسری جانب گرفتار شخص کے والد عارف بٹ نے کہا کہ پولیس پیچھا کرتی ہوئی ماڈل ٹاؤن پہنچی اور گھر کے اندر بیٹے پر فائر کیا، میرے بیٹے کا دماغی توازن خراب ہے۔
پولیس نے کہا کہ تحقیقاتی ٹیمیں ملزم سے تفتیش کر رہی ہیں، حقائق جلد سامنے آ جائیں گے۔
فائرنگ کے واقعہ کا مقدمہ تھانہ سرور روڈ میں دہشت گردی سمیت مختلف دفعات کے تحت درج ہے، مقدمہ تھانہ سرور روڈ کے ایس ایچ او کی مدعیت میں درج کیا گیا ہے۔
ایف آئی آر کے متن مطابق نامعلوم کار سوار اندھا دھند فائرنگ کر رہا تھا، ملزم نے پولیس کو اپنی طرف آتا دیکھ کر فائرنگ کر دی، سرکاری گاڑی پر 2 فائر بھی لگے۔
مقدمے میں کہا گیا ہے کہ پولیس ملزم کی گاڑی کا تعاقب کرتے ہوئے ماڈل ٹاؤن پہنچ گئی، ملزم فائرنگ کرتا ہوا مکان کے اندر بھاگا اور اندر جا کر دوبارہ فائرنگ کر دی، پولیس پارٹی نے بالائی منزل پر پہنچ کر ملزم کو قابو کیا، ملزم کی اپنی فائرنگ سے اس کی ایڑھی پر گولی لگی، ملزم کے قبضے سے پستول، گولیاں، پمپ ایکشن اور چھرا ملا۔2
آئی ایم ایف وفد کا دورہ پاکستان مکمل، بجٹ مذاکرات جاری رکھنے کا اعلان