چیئرمین سی ڈی اے محمد علی رندھاوا کی زیر صدارت اجلاس:ادارے کی آمدنی بڑھانے کے حوالے سے مختلف آپشن پر غور
اشاعت کی تاریخ: 25th, April 2025 GMT
چیئرمین سی ڈی اے محمد علی رندھاوا کی زیر صدارت اجلاس:ادارے کی آمدنی بڑھانے کے حوالے سے مختلف آپشن پر غور WhatsAppFacebookTwitter 0 25 April, 2025 سب نیوز
اسلام آباد (سب نیوز )چیئرمین سی ڈی اے محمد علی رندھاوا کی زیر صدارت جمعہ کے روز سی ڈی اے کا ایک اہم اجلاس منعقد ہوا. اجلاس میں سی ڈی اے کے ممبر فنانس، ممبر اسٹیٹ، ممبر ایڈمن، ممبر انجینئرنگ، ممبر پلاننگ اینڈ ڈیزائن، ممبر انوائرمنٹ، سی ڈی اے، آئی سی ٹی اور ڈی ایم اے کے سنئیر افسران نے شرکت کی.
اجلاس میں بتایا گیا کہ سی ڈی اے نے امسال ترقیاتی کاموں کیلئے 25 ارب روپے کا ڈویلپمنٹ بجٹ خرچ کیا ہے جو کہ ایک ریکارڈ کامیابی ہے. چیئرمین سی ڈی اے محمد علی رندھاوا نے ہدایت کی کہ سی ڈی اے کو مالیاتی طور پر مضبوط اور خود مختار ادارہ بنانے کیلئے تمام اقدامات اٹھائے جائیں گے تاکہ وفاقی دارالحکومت اسلام آباد کی تعمیر و ترقی، خوبصورتی، سیاحتی منصوبوں، شہریوں کی فلاح و بہبود کے منصوبوں کو بروقت پایہ تکمیل تک پہنچ سکیں۔
چیئرمین سی ڈی اے محمد علی رندھاوا نے امسال سی ڈی اے کے مالیاتی اہداف کے حصول کو یقینی بنانے کیلئے ممبر فنانس کی زیرِ نگرانی سی ڈی اے کے نادہندگان سے سی ڈی اے کے واجبات کی ریکوری کو مزید بہتر بنانے کے لیے اسپیشل ریکوری یونٹ قائم کرنے کی ہدایت کی جسکو سی ڈی اے کے تمام ڈائریکٹوریٹس مکمل تعاون فراہم کریں گی. ریکوری سیل قائم کرنے کے علاوہ سی ڈی اے کے فنانشل مانیٹرنگ کے نظام کو مزید موثر بنانے کی ہدایت کی۔
چیئرمین سی ڈی اے محمد علی رندھاوا نے سی ڈی اے اور ڈی ایم اے کو اپنی تمام لیز شدہ پراپرٹیز کا سروے کرنے، مکمل ڈیٹا تیار کرنے اور لیز کی گئی تمام پراپرٹیز کے غیر قانونی استعمال کو بروقت روکنے کیلئے اقدامات کرنے اور سب لیز پر دینے والوں کو قانون کے مطابق نوٹسسز جاری کرنے کی ہدایت کی. انہوں نے تمام پراپرٹیز جنکی لیز کی معیاد ختم ہوچکی ہے انکو قانون کے مطابق نوٹسسز جاری کرنے، عدم ادائیگی پر لیز کی منسوخی اور جرمانہ عائد کرنے کی ہدایت کی۔
چیئرمین سی ڈی اے محمد علی رندھاوا نے ریسورس ونگ کو سی ڈی اے کو مالیاتی طور پر مزید مستحکم بنانے کیلئے مختلف ذرائع کو مزید بڑھانے کیلئے تجاویز پیش کرنے کی ہدایت کی۔ چیرمین سی ڈی اے نے کہا کہ سی ڈی اے اسلام آباد کی ترقی اور خوشحالی کے لیے پر عزم ہے اسکے لیے تمام وسائل بروئے کارلائے جائیں گے۔
چیئرمین سی ڈی اے نے ادارے کے موجودہ بجٹ کے اہداف کے حصول کے ساتھ آئندہ مالی سال کے سی ڈی اے کے بجٹ کی تیاری کیلئے قابل عمل تجاویز پیش کرنے کی ہدایت کی تاکہ سی ڈی اے کو مالیاتی طور پر مستحکم بناتے ہوئے ترقیاتی منصوبوں کی بروقت تکمیل کو یقینی بنایاجاسکے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرکینال منسوخی تحریری نوٹیفکیشن ملنے تک وکلا دھرنا جاری رکھنے کا اعلان کینال منسوخی تحریری نوٹیفکیشن ملنے تک وکلا دھرنا جاری رکھنے کا اعلان امریکی ناظم الامور کا دورہ کراچی، وزیراعلی سندھ اور کاروباری شخصیات سے ملاقاتیں پہلگام واقعے پر اقوام متحدہ کی پاکستان اور بھارت کو تحمل کا مظاہرہ کرنے کی تلقین پہلگام واقعے کے بعد مقبوضہ کشمیر میں غیرقانونی قید دو سے 3 پاکستانیوں کو جیل سے غائب کردیا گیا سی ڈی اے، 65لوئرکیڈرملازمین کو بطور جونیئراسسٹنٹ ترقی دے دی گئی نیتن یاہو اور مودی کا گٹھ جوڑ بے نقاب، 20 اسرائیلی اہلکار مقبوضہ کشمیر پہنچ گئےCopyright © 2025, All Rights Reserved
رابطہ کریں ہمارے بارے ہماری ٹیمذریعہ: Daily Sub News
کلیدی لفظ: چیئرمین سی ڈی اے محمد علی رندھاوا کی زیر
پڑھیں:
چین سب سے جدید اور متحرک مارکیٹ کے طور پر ترقی کر رہا ہے،سیمنز اے جی کے بورڈ آف ڈائریکٹرز کے چیئرمین رولینڈ بش
چین سب سے جدید اور متحرک مارکیٹ کے طور پر ترقی کر رہا ہے،سیمنز اے جی کے بورڈ آف ڈائریکٹرز کے چیئرمین رولینڈ بش
بیجنگ :کچھ عرصہ قبل چینی صدر شی جن پھنگ نے بیجنگ کے عظیم عوامی ہال میں بین الاقوامی کاروباری برادری کے نمائندوں سے ملاقات کی تھی ، جن میں جرمنی کے سیمنز اے جی کے بورڈ آف ڈائریکٹرز کے
چیئرمین رولینڈ بش شامل تھے۔
حال ہی میں چائنا میڈیا گروپ کو دیئے گئے ایک خصوصی انٹرویو میں انہوں نے کہا کہ یہ ملاقات بہت حوصلہ افزا رہی ۔ان کا کہنا تھا کہ اس ملاقات میں چینی صدر شی جن پھنگ کی شرکت سے مارکیٹ کو مزید کھولنے اور غیر ملکی صنعتی و کاروباری اداروں کا چین میں سرمایہ کاری اور کاروبار کرنے کا خیرمقدم کرنے کا پیغام دیا گیا۔
رولینڈ بش کے مطابق بیلٹ اینڈ روڈ انیشی ایٹو (بی آر آئی) بنیادی ڈھانچے کی ترقی پر توجہ مرکوز کرنے اور ترقی پذیر ممالک کے لئے قدر پیدا کرنے کے لئے اہم ہے۔ ان کا کہنا تھا کہ کیونکہ بیلٹ اینڈ روڈ انیشی ایٹو ترقی پذیر ممالک کے درمیان رابطوں کی تکمیل کے حوالے سے مددگار ہے اور تجارت کو آسان بنانے اور مارکیٹ کے کھلے پن کو فروغ دینے کے لئے نہایت اہم ہے.اس کے علاوہ یہ تحفظ پسندی کی مخالفت کرتا ہے اور عالمی معیشت کو تیزی سے ترقی دینے میں مدد کرتا ہے۔
انہوں نے کہا کہ سیمنز 150 سال سے زائد عرصے سے چینی مارکیٹ میں موجود ہے۔ اس وقت، سیمنز کے چین میں 30،000 ملازمین ہیں، جن میں سے 5،000 آر اینڈ ڈی سیکٹر میں مصروف عمل ہیں. سیمنز کے پاس 12,000 فعال پیٹنٹ ہیں اور مستقبل میں سیمنز کمپنی نا صرف چین کے لئے مزید موزوں مصنوعات تیار کرنا جاری رکھےگی بلکہ مناسب موقع پر ان مصنوعیات کو پوری دنیا میں متعارف بھی کروائےگی .
بش کے مطابق سیمنز کے لئے چین دنیا میں سب سے بڑی مارکیٹوں میں سے ایک ہے اور کمپنی نے کبھی بھی چینی مارکیٹ سے دستبرداری پر غور نہیں کیا ۔ان کا کہنا تھا کہ چین سب سے جدید اور متحرک مارکیٹ کے طور پر ترقی کر رہا ہے اور اگر سیمنز بین الاقوامی سطح پر مسابقتی عمل میں رہنا چاہتا ہے تو اسے چین مین مقابلہ کرنا ہوگا.
ان کا کہان تھا کہ چین میں شاندار ٹیلنٹ موجود ہے ۔ اس وقت، چین نئے معیار کی پیداواری قوتوں کو فروغ دے رہا ہے، جو کئی سالوں کی ترقی کا تسلسل ہے.
سی ایم جی کو دیے گئے اس خصوصی انٹرویو میں مسٹر رولینڈ بش نے کہا کہ چین دنیا کی جدید ترین مارکیٹوں میں سے ایک ہے او ر چین کے اعلیٰ معیار کے کھلے پن میں وسعت غیر ملکی کاروباری اداروں کے لئے اچھے مواقع فراہم کرتی ہے۔ مسٹر بش نے چین کی مستقبل کی ترقی پر اعتماد کا اظہار کیا ۔
Post Views: 5
بنارس کی تاریخی اور مسلم اکثریتی بازار کے انہدام پر کورٹ سے راحت