انوشکا سے پہلی ملاقات پر شرمندگی؛ ویرات کوہلی نے خود کو ’’احمق‘‘ کیوں محسوس کیا؟
اشاعت کی تاریخ: 28th, April 2025 GMT
آج دنیا انہیں ’’پرفیکٹ جوڑی‘‘ کے طور پر جانتی ہے، مگر ویرات کوہلی اور انوشکا شرما کی کہانی کا آغاز حیرت انگیز طور پر ایک نہایت عجیب لمحے سے ہوا تھا۔ کرکٹ کے ہیرو اور فلمی دنیا کی حسین اداکارہ پہلی بار ایک کمرشل شوٹ کے دوران ملے، جہاں ویرات کی گھبراہٹ نے ان کا خوب مذاق بنوایا۔
ایک انٹرویو کے دوران امریکی اسپورٹس جرنلسٹ گراہم بینسنگر سے گفتگو کرتے ہوئے ویرات نے اپنی پہلی ملاقات کی تفصیلات بیان کیں۔ کوہلی نے اعتراف کیا کہ اس وقت وہ شدید نروس تھے اور سب سے زیادہ اپنے قد کے فرق کو لے کر پریشان تھے، کیونکہ انہیں بتایا گیا تھا کہ انوشکا ان سے قدرے لمبی لگ سکتی ہیں۔
اسی بےچینی میں، انہوں نے ہلکے پھلکے انداز میں انوشکا سے کہہ دیا، ’’’آپ تھوڑی اور اونچی ہیلز نہیں پہن سکتی تھیں؟‘‘ یہ ایک ایسا مذاق تھا جو بدترین انداز میں ناکام ہو گیا۔
ویرات نے یاد کرتے ہوئے کہا، ’’میں بالکل نروس کھڑا تھا، سمجھ نہیں آرہا تھا بات کیسے شروع کروں، اس لیے بے ساختہ یہ بات منہ سے نکل گئی۔‘‘
لیکن انوشکا کا ردعمل اس کے بالکل برعکس تھا۔ انہوں نے تیکھے انداز میں جواب دیا، ’’ایکسکیوز می؟‘‘ بس وہی لمحہ تھا جب ویرات کو اپنی غلطی کا بھرپور احساس ہوا۔ کوہلی نے ہنستے ہوئے اعتراف کیا ’’میں اندر سے خود کو مکمل احمق محسوس کر رہا تھا‘‘۔
ویرات نے یہ بھی بتایا کہ جہاں وہ الفاظ ڈھونڈتے پھر رہے تھے، وہیں انوشکا مکمل اعتماد کے ساتھ شوٹ پر موجود تھیں۔ آخرکار، وہی اعتماد اور شخصیت وقت کے ساتھ دونوں کے درمیان گہری محبت میں ڈھل گیا۔ دسمبر 2017 میں دونوں نے اٹلی میں خوبصورت انداز میں شادی کرلی، اور ان کی کہانی ایک نئے باب میں داخل ہوئی۔
وقت کے ساتھ، یہ جوڑا دو خوبصورت بچوں کا والدین بھی بن چکا ہے۔ ان کی بیٹی وامیکا جنوری 2021 میں پیدا ہوئی، جبکہ 2024 میں بیٹے اکائے کی پیدائش نے ان کی خوشیوں کو دوبالا کر دیا۔ اپنے بچوں کو میڈیا کی چکاچوند سے دور رکھنے کے لیے، ویرات اور انوشکا نے حال ہی میں لندن منتقل ہونے کا فیصلہ کیا ہے، جہاں وہ زیادہ پرائیویسی میں اپنی فیملی لائف گزار رہے ہیں۔
دلچسپ بات یہ ہے کہ انوشکا کی موجودگی نے ویرات کی شخصیت پر حیران کن مثبت اثر ڈالا ہے۔ حال ہی میں اداکارہ سونل چوہان نے ایک انٹرویو میں انوشکا کی تعریف کرتے ہوئے کہا کہ وہ ویرات کی زندگی میں ’’صحیح عورت‘‘ ثابت ہوئی ہیں۔ سونل نے مزید کہا، ’’ویرات اب اپنے روحانی پہلو کو دریافت کر رہے ہیں، اور یہ مثبت تبدیلی اس بات کا ثبوت ہے کہ جب آپ کے اردگرد صحیح لوگ ہوں تو آپ کی شخصیت میں بھی نکھار آتا ہے۔‘‘
.ذریعہ: Express News
پڑھیں:
آئی پی ایل میں نیا ریکارڈ، سوریا کمار یادیو نے کوہلی کو بھی پیچھے چھوڑ دیا
نیو دہلی:انڈین پریمیئرلیگ (آئی پی ایل) کی ٹیم ممبئی انڈینز کی نمائندگی کرنے والے بھارتی بیٹر سوریا کمار یادیو نے ویرات کوہلی سمیت بڑے بڑے ناموں کو پیچھے چھوڑتے ہوئے بینگ میں نیا ریکارڈ اپنے نام کرلیا۔
ممبئی انڈینز کے بیٹر سوریا کمار یادیو نے آئی پی ایل کی تاریخ میں تیز ترین 4 ہزار رنز بنا کر ریکارڈ قائم کردیا ہے اور انہوں نے یہ سنگ میل رواں سیزن میں لکھنو سپر جائنٹس (ایل ایس جی) کے خلاف وانکھڈے اسٹیڈیم میں حاصل کرلیا۔
سوریا کمار یادیو نے آئی پی ایل کی تاریخ کے تیز ترین 4 ہزار رنز مکمل کرنے کے لیے دو ہزار 714 گیندوں کا سامنا کیا جبکہ اس سے قبل یہ ریکارڈ کے ایل راہل کے نام تھا جنہوں نے دو ہزار 820 گیندوں پر 4 ہزار رنز بنائے تھے۔
سوریا کمار یادیو ٹی20 کرکٹ میں مجموعی طور پر تیز ترین 4 ہزار رنز بنانے والے بیٹرز میں دنیا میں تیسرے نمبر پر ہیں، جنوبی افریقہ کے اے بی ڈی ولیئرز اور ویسٹ انڈیز کے کرس گیل نے دو ہزر 658 گیندوں پر 4 ہزار رنز بنا کر یہ ریکارڈ بنایا تھا۔
لکھنو سپرجائنٹس کے خلاف آئی پی ایل کے میچ میں سوریا کمار یادیو نے 28 گیندوں پر 54 بنائے تھے اور اس دوران انہوں نے آئی پی ایل کی تاریخ میں 150 چھکے لگانے کا سنگ میل بھی عبور کرلیا اور مزید ایک ریکارڈ بنالیا۔
پاکستان اور یو اے ای کے درمیان مفاہمت کی یادداشتوں پر دستخط