چینی صدر کا برکس ممالک کے نیو ڈیولپمنٹ بینک کا دورہ
اشاعت کی تاریخ: 29th, April 2025 GMT
چینی صدر کا برکس ممالک کے نیو ڈیولپمنٹ بینک کا دورہ WhatsAppFacebookTwitter 0 29 April, 2025 سب نیوز
بیجنگ :چینی صدر شی جن پھنگ نے شنگھائی میں برکس ممالک کے نئے ترقیاتی بینک کا دورہ کیا اور بینک کی صدر دلما روسیف کے ساتھ بات چیت کی۔منگل کے روز شی جن پھنگ نے نشاندہی کی کہ نیو ڈیولپمنٹ بینک ابھرتی ہوئی مارکیٹ کے ممالک اور ترقی پذیر ممالک کی جانب سے قائم کئے جانے والا پہلا کثیر الجہتی ترقیاتی ادارہ ہے۔ میزبان ملک کی حیثیت سے چین نیو ڈیولپمنٹ بینک کے ساتھ تعاون کو مضبوط بنانے اوراس بینک کے ذریعے دیگر رکن ممالک کے ساتھ اپنے ترقیاتی منصوبوں کے اشتراک کا خواہاں ہے۔ہمیں گلوبل ساؤتھ کی ترقیاتی ضروریات کے مطابق زیادہ اعلی معیار، کم لاگت اور پائیدار انفراسٹرکچر فنانسنگ فراہم کرنا ہوگی۔ ترقی پذیر ممالک کو ڈیجیٹل تقسیم کو ختم کرنے اور سبز اور کم کاربن تبدیلی کو تیز کرنے میں مدد کے لئے مزید سائنس اور ٹیکنالوجی فنانس اور گرین فنانس منصوبوں کو نافذ کرنا ہوگا۔
ان کا کہنا تھا کہ بین الاقوامی مالیاتی ڈھانچے کی اصلاحات میں گلوبل ساؤتھ کے جائز حقوق اور مفادات کے تحفظ کے لئے گلوبل ساؤتھ کی آواز بلند کرنا ضروری ہے۔ روسیف نے کہا کہ نیو ڈیولپمنٹ بینک ترقی پذیر ممالک اور ابھرتی ہوئی مارکیٹ کے ممالک کی ترقی میں فعال کردار ادا کرے گا۔ یکطرفہ تحفظ اور خود پسندی بین الاقوامی قوانین کے اختیار کو ختم کرتی ہے ،صنعتی اور سپلائی چین کے استحکام کو کمزور کرتی ہے۔ چینی حکومت گلوبل ساؤتھ کے مفادات کا مضبوطی سے تحفظ کرتے ہوئے کثیرالجہتی اقدامات کی بھرپور حمایت کرتی ہے اور بین الاقوامی انصاف کا مضبوطی سے دفاع کرتی ہے، جو عالمی برادری کے لیے ایک مثال قائم کی گئی ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرٹیرف اور تجارتی جنگ کا کوئی فاتح نہیں ہوتا، چینی وزارت خارجہ ٹیرف اور تجارتی جنگ کا کوئی فاتح نہیں ہوتا، چینی وزارت خارجہ چینی صدر کی شمالی چین کے لیاؤیانگ شہر میں آتشزدگی کے حادثے پر اہم ہدایات عالمی اثر و رسوخ کے حامل سائنسی اور تکنیکی جدت طرازی کی نئی ہائی لینڈ کی تعمیر کو تیز تر کیا جائے، چینی صدر غیر ملکی سرمایہ کاروں کا چین کے اقتصادی “انجن” کے کردار پر بھرپور اعتماد چین اور روس کے درمیان باہمی اعتماد میں تبدیلی نہیں آئی، چینی وزیر خارجہ برکس ممالک کو ترقی کے نصب العین میں اہم قیادت کا کردار ادا کرنا چاہیے، چینی وزیر خارجہCopyright © 2025, All Rights Reserved
رابطہ کریں ہمارے بارے ہماری ٹیم.
ذریعہ
ذریعہ: Daily Sub News
کلیدی لفظ: برکس ممالک چینی صدر ممالک کے
پڑھیں:
چینی شہریوں کی سیکیورٹی کیلیے بلٹ پروف لینڈ کروزر خریدنے کا فیصلہ
اسلام آباد:حکومت نے چینی شہریوں کی سیکیورٹی کو مزید موثر بنانے کے لیے 95.049 ملین روپے (تقریباً 9 کروڑ 50 لاکھ روپے) مالیت کی نئی بلٹ پروف ٹویوٹا لینڈ کروزر خریدنے کا فیصلہ کیا ہے۔
یہ گاڑی چین پاکستان اقتصادی راہداری (سی پیک) سیکریٹریٹ کے استعمال کے لیے حاصل کی جائے گی تاکہ چینی وفود اور ماہرین کو محفوظ سفری سہولت فراہم کی جا سکے۔
وفاقی وزیر برائے منصوبہ بندی احسن اقبال کے مطابق چینی شہریوں کا تحفظ حکومتِ پاکستان کی اولین ذمے داری ہے اسی مقصد کے تحت یہ گاڑی خریدی جا رہی ہے۔
سرکاری دستاویزات کے مطابق یہ نئی لینڈ کروزر پہلے سے موجود بلٹ پروف گاڑیوں اور کم از کم 2ہیلی کاپٹروں کے علاوہ ہوگی، جنھیں مختلف سرکاری ادارے چینی شہریوں کی حفاظت کے لیے استعمال کر رہے ہیں یا خریدنے کے عمل میں ہیں۔
سی پیک سیکریٹریٹ نے موقف اختیار کیا کہ کابینہ ڈویژن کے محدود گاڑیوں کے بیڑے کے باعث مطلوبہ وقت پر بلٹ پروف گاڑیاں دستیاب نہیں ہوتیں، جس سے اہم سرکاری ملاقاتوں، غیر ملکی وفود کے دوروں اور اجلاسوں میں تاخیر یا بعض اوقات منسوخی کی نوبت آ جاتی ہے۔
دستاویزات کے مطابق نجی مارکیٹ سے کرائے پر بلٹ پروف گاڑیاں لینا نہ صرف غیر یقینی بلکہ انتہائی مہنگا بھی ثابت ہوتا ہے، جس سے قومی خزانے پر اضافی بوجھ پڑتا ہے۔حکومت نے پبلک پروکیورمنٹ ریگولیٹری اتھارٹی (PPRA) کے رول 42(c)(vii) کے تحت براہِ راست معاہدے کے ذریعے گاڑی خریدنے کا فیصلہ کیا ہے۔
3 ٹویوٹا ڈیلرز نے قیمتیں پیش کیں، جن میں،ٹویوٹا سینٹرل موٹرز: 95.049 ملین روپے،ٹویوٹا پورٹ قاسم: 95.25 ملین روپے،ٹویوٹا سوسائٹی: 95.45 ملین روپے ہے،حکومت نے سب سے کم بولی دینے والی ٹویوٹا سینٹرل موٹرز کی پیشکش منظور کر لی۔
سی پیک سیکریٹریٹ کے پاس گاڑی کی خریداری کے لیے مطلوبہ رقم موجود نہیں تھی، جس پر وزارتِ منصوبہ بندی نے مختلف منصوبوں سے 5 کروڑ 83 لاکھ روپے منتقل کرنے کا فیصلہ کیا۔
تاہم مالی سال کے اختتام تک ضروری منظوری نہ ملنے کے باعث آرڈر جاری نہ ہو سکا۔
وزارت نے یہ رقم مختلف منصوبوں سے فراہم کرنے کا انتظام کیا، جن میں،سینٹر فار ایکسی لینس برائے سی پیک سے 1 کروڑ 88 لاکھ روپیوفاقی ایس ڈی جیز پروگرام سے 91 لاکھ روپے،مانیٹرنگ اینڈ ایویلیوایشن منصوبے سے 1 کروڑ 10 لاکھ روپے،پالیسی ریسرچ گرانٹس پروگرام سے 1 کروڑ 60 لاکھ روپے ہے ،ان میں 62 لاکھ روپے وہ بھی شامل تھے جو کنٹریکٹ ملازمین کی ادائیگی کے لیے مختص تھے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار