نئے ہیڈکوچ کے اعلان کیلئے بورڈ ڈیڈلائن ختم ہونے کے انتظار میں
اشاعت کی تاریخ: 30th, April 2025 GMT
پاکستان کرکٹ ٹیم کیلئے نئے ہیڈکوچ کیلئے بورڈ کے اعلیٰ حکام نے مشاورتی عمل تیز کردیا۔
میڈیا رپورٹس کے مطابق بنگلادیش کیخلاف سیریز سے قبل پاکستان کرکٹ بورڈ (پی سی بی) ہیڈکوچ کی تعیناتی پر غور کررہا ہے اور درخواستوں کی ڈیڈ لائن ختم ہونے کا منتظر ہے۔
پی سی بی نے 4 مئی تک درخواستیں طلب کر رکھی ہیں اور اسکے بعد نئے ہیڈکوچ کی تقرری عمل میں لائی جائے گی۔
مزید پڑھیں: پاکستان کرکٹ ٹیم کا نیا ہیڈکوچ کون ہوگا؟ نام سامنے آگیا
رپورٹس میں دعویٰ کیا جارہا ہے کہ 4 مئی کے روز ہی پاکستان کرکٹ بورڈ (پی سی بی) ہیڈکوچ کے نام کا اعلان کرسکتا ہے، کیونکہ اسلام آباد یونائیٹڈ کے مائیک ہیسن کوچنگ کیلئے مضبوط دعویدار ہیں اور انہیں وائٹ بال کرکٹ میں پاکستانی ٹیم کی کمان سونپی جائے گی۔
مزید پڑھیں: سابق ہیڈکوچ تاحال اپنے واجبات کے انتظار میں!
خیال رہے کہ مائیک ہیسن اس وقت اسلام آباد یونائیٹڈ کے ہیڈ کوچ ہیں جبکہ گرین شرٹس کو پی ایس ایل 10 کے اختتام کے فوراً بعد بنگلادیش کیخلاف ہوم گراؤنڈ پر 5 ٹی20 انٹرنیشنل میچز کی سیریز کھیلنا ہے۔
مزید پڑھیں: پاک بنگلادیش ٹی20 سیریز کا شیڈول جاری
واضح رہے کہ پاکستان اور بنگلادیش کے درمیان 5 ٹی20 میچز کی سیریز کا آغاز 25 مئی سے ہوگا، ابتدائی دو میچز فیصل آباد میں کھیلے جائیں گے بعدازاں بقیہ 3 میچز کی میزبانی لاہور کرے گا۔
ذریعہ
ذریعہ: Express News
کلیدی لفظ: پاکستان کرکٹ
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
بھارت سے جنگ اور افغانستان میں کارروائی خارج ازامکان نہیں، وزیردفاع