تعلیم، صحت، بجلی و پانی سمیت دیگر مسائل کے حل کیلئے جدوجہد جاری رکھیں گے، منعم ظفر خان
اشاعت کی تاریخ: 1st, May 2025 GMT
پڑھو پڑھاؤ مہم کی اختتامی تقریب سے خطاب میں امیر جماعت اسلامی کراچی نے کہا کہ رائیویٹ تعلیمی ادارے سرکاری اداروں کے نہ ہونے کی وجہ سے آباد ہیں، حکمرانوں سے کہنا چاہتے ہیں کہ اگر آج بچوں کو مفت اور معیاری تعلیم دی جائے گی تو یہی بچے ملک و قوم کا نام روشن کریں گے۔ اسلام ٹائمز۔ امیر جماعت اسلامی کراچی منعم ظفر خان نے جماعت اسلامی علاقہ دستگیر کے تحت پڑھو پڑھاؤ تحریک کے سلسلے میں باغ رضوان فیڈرل بی ایریا میں منعقدہ اختتامی تقریب سے خطاب کرتے ہوئے کہا کہ پیپلز پارٹی کی صوبائی حکومت 17 سال سے کراچی سمیت سندھ پر قابض ہے، سندھ میں 5 سے 16 سال کی عمر کے 78 لاکھ بچوں کے لیے تعلیم کے کوئی مواقع موجود نہیں، وطن عزیز میں 2 کروڑ 62 لاکھ بچے اسکول جانے سے محروم ہیں، جماعت اسلامی پڑھو پڑھاؤ تحریک کو مزید آگے بڑھائے گی اور کراچی کے مختلف علاقوں میں اس طرح کے پروگرامات منعقد کرے گی، تعلیم، صحت، بجلی و پانی سمیت دیگر مسائل کے حل کے لیے جدوجہد جاری رکھیں گے اور وقت کے حکمرانوں کو مجبور کریں گے اور شہریوں کے جائز و قانونی حقوق دلوائیں گے۔ تقریب میں نمایاں کارکردگی دکھانے والے طلبہ و طالبات میں اسٹیشنری و اسکول بیگ کے تحائف اور سرٹیفکیٹ تقسیم کیے گئے جبکہ قراندازی کے ذریعے اسکول یونیفارم بھی تقسیم کئے گئے۔
منعم ظفر خان نے مزید کہا کہ کراچی میں جماعت اسلامی کے 9 ٹاؤنز ہیں، ہمارے ٹاؤن چیئرمینز نے حلف اٹھاتے ہی بلدیہ کے تحت چلنے والے اسکولز کو آپ گریڈ کیا، ہم نے آئی ٹی کے شعبے میں بنوقابل کے پروگرامات کیے اور اب تک 50 ہزار سے زائد طلبہ و طالبات تعلیم حاصل کر کے اپنا روزگار کمارہے ہیں، نفسا نفسی کے عالم میں مفت کتابوں کی تقسیم قابل تحسین ہے، مہنگائی و بے روزگاری جیسے مسائل میں والدین کے لیے مشکل ہوگیا ہے کہ بچوں کو بہتر اور معیاری تعلیم کیسے دلوائیں، سرکار نے تعلیم سے ہاتھ کھینچ لیے ہیں، حکومت کی ذمہ داری ہے کہ عوام کو معیاری اور فری تعلیم فراہم کی جائے، ہمیں ایک دوسرے کا سہارا بننے کی ضرورت ہے، جو والدین کتابیں لینے آئے ہیں کل وہ اپنے بچوں کی کتابیں دینے آئیں، پرائیویٹ تعلیمی ادارے سرکاری اداروں کے نہ ہونے کی وجہ سے آباد ہیں، حکمرانوں سے کہنا چاہتے ہیں کہ اگر آج بچوں کو مفت اور معیاری تعلیم دی جائے گی تو یہی بچے ملک و قوم کا نام روشن کریں گے۔
ذریعہ: Islam Times
کلیدی لفظ: جماعت اسلامی
پڑھیں:
جماعت اسلامی ویمن ونگ کراچی کا میڈیا اجلاس
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)جماعت اسلامی ویمن ونگ کراچی کی ناظمہ جاوداں فہیم کی زیر صدارت میڈیا ڈپارٹمنٹ کا ایک اہم اجلاس ادارہ نورِ حق میں منعقد ہوا، جس میں شہر بھر سے میڈیا کی ذمے دار خواتین و کارکنان نے شرکت کی۔ اجلاس میں اجتماعِ عام کے حوالے سے جاری میڈیا مہمات، حکمت عملی اور مختلف پلیٹ فارمز پر ہونے والی سرگرمیوں کا تفصیلی جائزہ لیا گیا اور میڈیا ٹیموں کی رپورٹس پیش کی گئیں۔اجلاس میں اس بات پر زور دیا گیا کہ سوشل میڈیا اور دیگر ایپس پر کام کی رفتار مزید تیز کی جائے، ہر پلیٹ فارم پر مربوط انداز میں پیغام پہنچایا جائے اور میڈیا کے سامنے آنے والے چیلنجز کو سمجھ کر ان کے حل کے لیے منظم منصوبہ بندی اختیار کی جائے۔ میڈیا ورکرز کو اجتماعِ عام کی کامیابی میں بڑا کردار ادا کرنے پر زور دیا گیا اور کہا گیا کہ ہر میڈیا کارکن اپنی تمام صلاحیتوں کے ساتھ اس اہم مہم میں حصہ لے۔اس موقع پر جماعت اسلامی ویمن ونگ کراچی کی ناظمہ جاوداں فہیم نے کہا کہ یہ محض ایک اجتماع عام نہیں بلکہ فکری و عملی جہاد ہے جو اس دور کے چیلنجز اور کرپٹ نظام کے خلاف کیا جارہا ہے۔ اس وقت پاکستان میں ایک متبادل قیادت ناگزیر ہے۔ ایسی قیادت جو عوام کے مسائل کو سمجھے، ان کی ضروریات کا خیال رکھے اور عالمی سطح پر پاکستان کے وقار کو بحال کرتے ہوئے امت مسلمہ کے ساتھ مل کر آگے بڑھے۔ انہوں نے کہا کہ ملک کو جس قیادت کی ضرورت ہے وہ جلد سامنے آئے گی۔عوام بھی اس ناکام نظام سے نجات چاہتے ہیں اور بدل دو نظام کا نعرہ اب ہر دل کی آواز بن چکا ہے۔ جب تک موجودہ نظام درست نہیں ہوگا، عوام کی فلاح و بہبود اور انسانیت کی ترقی ممکن نہیں۔ جماعت اسلامی اس کوشش میں مصروف ہے کہ عوامی طاقت کے ذریعے ایک منصفانہ اور منظم نظام قائم کیا جائے جو پاکستان کے وقار کو بلند اور تابندہ کرسکے۔ اجلاس میں نائب ناظمہ کراچی ندیمہ تسنیم، نگران میڈیا ڈپارٹمنٹ کراچی ثمرین احمد، ڈپٹی سیکرٹری میڈیا ڈپارٹمنٹ صائمہ عاصم، سمیہ عامر اور رضوانہ قطب سمیت دیگر ذمے داران بھی موجود تھیں۔
وزیراعظم شہباز شریف 3 روزہ دورے پر سعودی عرب پہنچ گئے