پاک بھارت کشیدگی کے باعث خام مال کی امپورٹ پر پابندی
اشاعت کی تاریخ: 3rd, May 2025 GMT
اسلام آباد ( اُردو پوائنٹ اخبارتازہ ترین۔ 03 مئی 2025ء ) پاک بھارت کشیدگی کے باعث خام مال کی امپورٹ پر پابندی کی وجہ سے ملک میں زندگی بچانے والی ادویات کی شدید قلت پیدا ہونے کی اطلاعات پیں۔ میڈیا رپورٹس کے مطابق پاکستان اور بھارت کی جاری کشیدگی کے باعث دو طرفہ تجارت معطل ہونے کے باعث اس کے منفی اثرات ملکی فارماسیوٹیکل سیکٹر پر نمایاں ہونے لگے ہیں کیوں کہ ملک میں دوا سازی کے لیے تقریباً 30 فیصد خام مال بھارت سے درآمد کیا جاتا ہے جس کی فراہمی رکنے سے ادویات کی شدید قلت کا سامنا ہے، خاص طور پر وفاقی دارالحکومت اسلام آباد میں صورتحال تشویشناک ہے۔
بتایا گیا ہے کہ اسلام آباد میں عام اور ضروری ادویات ناپید ہوچکی ہیں، وفاقی دارالحکومت کی میڈیکل مارکیٹوں میں بخار، درد، پیٹ کی خرابی اور سانس میں دشواری کی عام استعمال ہونے والی ادویات شدید قلت کا شکار ہیں، کچھ ادویات مارکیٹ سے تقریباً غائب ہی ہو چکی ہیں جن میں بروفن، فلیجل، پیڈیٹرال او آر ایس، وینٹولین انہیلر نمایاں ہیں، میٹوڈائن، گریوی نیٹ، وینٹیک، کینالوس، ڈیانس، ویبرا مائی سین کیپسول، دماغی امراض کی ادویات کیمیڈائن بھی مارکیٹ میں قلت کا شکار ہیں، جس کی وجہ سے شہریوں کو روزمرہ کی عام ادویات بھی دستیاب نہیں، اس صورتحال میں فارمیسی مالکان نے حکومتی اداروں سے فوری مداخلت کا مطالبہ کردیا۔(جاری ہے)
دوسری طرف بھارت نے پاکستانی جہازوں کے بھارتی سمندری حدود سے گزرنے پر بھی پابندی عائد کردی ہے، بھارت کی وزارت تجارت کی جانب سے جاری کردہ نوٹیفکیشن مین کہا گیا ہے کہ فارن ٹریڈ پالیسی (FTP) میں ایک نیا ضابطہ شامل کیا گیا ہے جس میں پاکستان سے آنے والے یا پاکستان سے برآمد ہونے والے تمام سامان کی درآمدات یا ٹرانزٹ پر فوری طور پر پابندی عائد کی گئی ہے۔.ذریعہ: UrduPoint
کلیدی لفظ: تلاش کیجئے کے باعث
پڑھیں:
کراچی سے گوادر اسمگل کی جانے والی کروڑوں مالیت کی غیر رجسٹرڈ بھارتی ادویات ضبط
کراچی سے گوادر اسمگل کی جانے والی 5 کروڑ روپے مالیت کی غیر رجسٹرڈ بھارتی ادویات کے 18 ہزار باکسز ضبط کر لیے گئے۔
ڈرگ انسپیکٹر ساؤتھ ساجد میمن نے ایف آئی اے ٹیم کے ہمراہ کراچی کے علاقے لیاری چاکیواڑہ میں توحیدی گڈز ٹرانسپورٹ کے ویئر ہاؤس پر خفیہ اطلاع پر چھاپہ مارا اور غیر رجسٹرڈ بھارتی ادویات ضبط کرکے گڈز ٹراسپورٹر کو گرفتار کرلیا۔
ڈرگ انسپیکٹر ساؤتھ ساجد میمن کے مطابق غیر رجسٹرڈ بھارٹی ادویات کراچی سے گوادر اسمگل کی جا رہی تھی، ادویات نشے کے طور پر استعمال ہو سکتی ہیں۔ غیر رجسٹرڈ بھارتی ادویات کے 18 ہزار باکسز میں 19 لاکھ ٹیبلیٹس تھی جن کو ضبط کیا گیا۔
ضبط کی گئی ادویات توحیدی گڈز ٹراسپورٹ کے ذریعے کراچی سے گوادر اسمگل کی جا رہی تھی۔ غیر رجسٹرڈ بھارتی ادویات نشے کے طور پر استعمال ہو سکتی ہیں۔
ایف آئی اے ٹیم نے گڈز ٹرانسپورٹر حاجی محبوب کو گرفتار کرکے اپنی تحویل میں لے لیا ہے۔ ادویات کہاں سے آئی تھیں اور یہ گوادر سے کہاں اسمگل ہونی تھیں اس متعلق مزید تحقیقات شروع کر دی گئی ہے۔
ملتان سلطانز کی پوزیشن، اسپن بولنگ کوچ کا بیان سامنے آگیا