پاکستانی حدود کی بندش سے بھارتی پروازوں کا کتنا نقصان ہوا؟ اعداد و شمار سامنے آگئے
اشاعت کی تاریخ: 4th, May 2025 GMT
کراچی:
مقبوضہ کشمیر کے علاقے پہلگام کے واقعے کے بعد بھارتی پروازوں کے لیے پاکستانی فضائی حدود کی بندش بدستور جاری ہے اور بھارتی پروازوں کو شدید مشکلات اور نقصان کا سامنا ہے، جس کے اعداد و شمار بھی سامنے آگئے ہیں۔
ایکسپریس نیوز کے مطابق بھارتی پروازوں کے لیے پاکستانی فضائی حدود کی بندش کو 10 روز گزر چکے ہیں اور اس دوران 1150 بھارتی پروازیں متاثر ہوئی ہیں اور بھارتی ائیرلائنز کو گزشتہ 10 روز میں 225 کروڑ بھارتی روپے سے زائد نقصان کا سامنا کرنا پڑا ہے۔
فضائی حدود کی بندش سے ائیرانڈیا، آکاسا ائیر، اسپائس جیٹ، انڈیگو ائیر، ائیرانڈیا ایکسپریس کی پروازیں متاثر ہوئی ہیں کیونکہ بھارتی طیاروں کو آدھے بھارت سے ہوکر بحیرہ عرب سے جانا پڑ رہا ہے۔
رپورٹس کے مطابق بھارتی ائیرلائنز کی طویل روٹس سے گزرنے پر فیول اور دیگر آپریشنل اخراجات دگنے ہونے پر مالی نقصان نے چیخیں نکال دی ہیں اور سب سے زیادہ ایئر انڈیا کو جھٹکا لگا ہے۔
پاکستان کی فضائی حدود بند ہونے سے انڈیگو ائیرکو بھی بھاری نقصان کا سامنا ہے، انڈیگوائیر کا الماتی تاشقند سمیت دیگر وسط ایشیائی ممالک کے لیے فلائٹ آپریشن بدستور بند ہے۔
اسی طرح امرتسر، دہلی، ممبئی، احمد آباد اور بنگلور سمیت دیگر شہروں سے جانے والی بھارت کی تمام ائیرلائنز کو یومیہ کروڑوں روپے کا نقصان سامنا ہے، پاکستانی فضائی حدود کی بندش سے دہلی، ممبئی، امرتسر، بنگلور اور احمد آباد سے امریکا، یورپ اور برطانیہ کی بھارتی ائیرلائنز کی پروازوں کو ڈائیورٹ کیا جا رہا ہے۔
امریکا جانے والی بھاتی پروازوں کے عملے کو یورپ میں تبدیل کرنا پڑ رہا ہے، دو بار لینڈنگ اور ری فیولنگ سے بھارتی ائیرلائنز کو ایئرپورٹ چارجز کی مد میں بھی یومیہ کروڑوں کے نقصان کا سامنا ہے۔
ذرائع کے مطابق بھارتی مسافر بھارتی ائیرلائنز کے بجائے دیگر ملکوں کی فلائٹس کو ترجیح دینے لگے ہیں اور دہلی، ممبئی، امرتسر احمد سے امریکا برطانیہ یورپ کی پروازوں کا دورانیہ 10 گھنٹے سے تجاوز ہونے پر بھارتی مسافروں کی مودی سرکار کے خلاف پھٹ پڑے۔
بھارتی مسافروں کو بھارتی ائیرلائنز سے پروازیں منسوخ ہونے پر ریفنڈز ملنے میں بھی دشواری کا سامنا کرنا پڑ رہا ہے۔
خیال رہے کہ پاکستان نے ابتدائی طور ہر 23 اپریل سے 23 مئی تک ایک ماہ کے لیے بھارتی طیاروں کے لیے اپنی فضائی حدود بند کرنے کا فیصلہ کیا ہے۔
ذرائع نے بتایا کہ 2019 میں پاکستان کی فضائی حدود کی بندش سے بھارتی ایرلائنز کو 700 کروڑ بھارتی روپے کا جھٹکا لگا تھا۔
.ذریعہ: Express News
کلیدی لفظ: فضائی حدود کی بندش بھارتی ائیرلائنز حدود کی بندش سے بھارتی پروازوں نقصان کا سامنا سامنا ہے ہیں اور رہا ہے کے لیے
پڑھیں:
میر پور خاص، بجلی کی طویل بندش کیخلاف شہری سڑکوں پر آگئے
data-id="863a0a8" data-element_type="widget" data-widget_type="theme-post-content.default">
میرپورخاص(نمائندہ جسارت) سیال کالونی کے مکینوں کا بجلی کی بندش کے خلاف احتجاج اور دھرنا سانگھڑ کپرو روڈ پر ٹائر جلا کر سڑک ٹریفک کے لیے بند کردی ، پانچ ماہ گزرنے کے باوجود علاقے میں ٹرانسفارمر نصب نہیں کیا گیا علاقہ مکینوں کا الزام تفصیلات کے مطابق میرپورخاص کے علاقے سیال کالونی میں نصب ٹرانسفارمر کو واپڈا حکام نے پانچ ماہ قبل بلوں کی عدم ادائیگی کی وجہ سے ہٹا دیا تھا جسے تاحال بحال نہیں کیا گیا بجلی کی بندش کے باعث علاقہ مکینوں کو پانی کی قلت سمیت شدید مشکلات کا سامنا ہے اس سلسلے میں کالونی کے سینکڑوں مکینوں نے سانگھڑ کپرو روڈ پر ٹائر جلا کر ڈیڑھ گھنٹے تک روڈ بلاک کر دی جس کے باعث ٹریفک کی آمدورفت معطل رہی مظاہرین علی سیال، کامریڈ علی مراد شر، لالہ زبیر پٹھان، فقیر محمد شر اور دیگر صحافیوں کو بتایا کہ یوم عاشور کی تقریبات، مجالس اور ماتمی تقریبات کے لیے بجلی نہ ہونے سے شدید پریشانی کا سامنا ہے ان کا الزام ہے کہ حیسکو حکام نے ٹرانسفارمر کو ڈیفالٹر قرار دے کر طور پر ہٹا دیا تھا جبکہ متعدد متاثرہ افراد کے پاس بل کی باقاعدہ ادائیگی کے ثبوت موجود ہیں مظاہرین نے اعلیٰ حکام اور حیسکو چیف سے مطالبہ کیا کہ ٹرانسفارمر کو فوری طور پر بحال کرکے بجلی بحال کی جائے اور بلوں کی باقاعدگی سے ادائیگی کرنے والے مکینوں کے ساتھ انصاف کیا جائے۔
سندھ حکومت نے 2 روز کی عام تعطیل کا اعلان کردیا