پاک چین دوستی کا شاہکار: اب ایک چارج پر کہیں زیادہ چلنے والی موٹرسائیکل پاکستان میں دستیاب
اشاعت کی تاریخ: 6th, May 2025 GMT
پاکستان میں الیکٹرک گاڑیوں اور موٹرسائیکلوں کی مانگ میں اضافہ ہوتا دکھائی دے رہا ہے، اور اسی وجہ سے مینوفیکچرر کوشش کررہے ہیں کہ جلد سے جلد الیکٹرک گاڑیوں کی صنعت کو ترقی دے کر اس شعبے سے نا صرف فائدہ لیا جائے بلکہ ملکی معیشت کو بھی فائدہ پہنچایا جائے۔
یہ بھی پڑھیں وفاقی حکومت کا طلبا کو الیکٹرک بائیکس ایوارڈ دینے کا اعلان
موٹرسائیکل کو غریب کی سواری کہا جاتا ہے، اور ہر شخص کی کوشش ہوتی ہے کہ کم از کم موٹرسائیکل خرید لی جائے تاکہ روز مرہ کے امور میں سفر کرنے میں آسانی ہو۔ پیٹرول کی قیمت میں اضافے کے بعد اب ہر شخص کی کوشش ہے کہ الیکٹرک موٹرسائیکل خریدی جائے۔
ملک میں بہت سے کمپنیاں الیکٹرک بائیک فراہم بھی کررہی ہیں۔ لیکن ان موٹرسائیکلوں کے حوالے سے سوال پیدا ہوتا ہے کہ کیا ایک بار چارج کرنے کے بعد موٹرسائیکل گھر بھی پہنچ پائے گی یا نہیں۔
اب لگتا ہے یہ پریشانی بھی دور ہوگئی ہے کیوں کہ پاکستان اور چائنا کی مشترکہ ایک الیکٹرک بائیک کمپنی ریوو جو 6 ماڈلز میں الیکٹرک بائیکس اور سروسز فراہم کررہی ہے اس کمپنی کی سب سے کم قیمت الیکٹرک بائیک ایک لاکھ 45 ہزار روپے میں دستیاب ہے۔
اس کمپنی کی موٹرسائیکل کی زیادہ سے زیادہ قیمت 3 لاکھ 95 ہزار روپے ہے، کم قیمت بائیک 30 کلومیٹر فی گھنٹہ کی رفتار سے چلے گی اور ایک چارج پر اس پر 60 کلومیٹر سفر کیا جا سکے گا اور 4 گھنٹے میں چارج ہوگی۔
یہ بھی پڑھیں پاکستانی بائیکرز کے لیے اچھی خبر، ایک ہی چارج میں سینکڑوں کلومیٹر چلنے والی بائیک تیار
سب سے مہنگی موٹرسائیکل ایک چارج پر 110 کلومیٹر چلے گی اور اس پر فی گھنٹہ 75 کلومیٹر کی اسپیڈ سے سفر کیا جا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews الیکٹرک موٹرسائیکل بائیک پاک چائنا پاک چین دوستی وی نیوز.ذریعہ: WE News
کلیدی لفظ: الیکٹرک موٹرسائیکل بائیک پاک چائنا پاک چین دوستی وی نیوز الیکٹرک بائیک
پڑھیں:
کراچی: گلبائی پُل پر گاڑی کی ٹکر سے 2 موٹرسائیکل سوار جاں بحق
فائل فوٹوکراچی کے علاقے گلبائی پُل پر گاڑی کی ٹکر سے 2 موٹرسائیکل سوار افراد جاں بحق اور ایک شخص زخمی ہوگیا۔
ریسکیو ذرائع کے مطابق حادثے میں جاں بحق ایک شخص کی شناخت واجد کے نام سے ہوئی ہے جبکہ دوسرے شخص کی شناخت نہیں ہوسکی۔
لاشوں کو اسپتال منتقل کردیا گیا ہے جبکہ پولیس نے تحقیقات بھی شروع کردی ہیں۔
تیزاب پھینک کر اچھا نہیں کیا، ناکام عاشق تھا تو خود کو مار کر نام پیدا کر لیتا، جسٹس ہاشم کاکڑ