اقوام متحدہ کی سلامتی کونسل کا اظہار تشویش، پاکستان و بھارت پر سفارتی حل اپنانے پر زور
اشاعت کی تاریخ: 6th, May 2025 GMT
ترجمان دفتر خارجہ نے کہا ہے کہ اقوام متحدہ کی سلامتی کونسل نے سندھ طاس معاہدے کی معطلی پر گہری تشویش کا اظہار کرتے ہوئے پاکستان اور بھارت سے مطالبہ کیا ہے کہ وہ فوجی تصادم سے گریز کریں اور مسئلے کے حل کے لیے سفارتی راستہ اپنائیں ترجمان کے مطابق پاکستان کی درخواست پر اقوام متحدہ کی سلامتی کونسل کا بند کمرہ اجلاس منعقد ہوا جس میں خطے کی بگڑتی سکیورٹی صورتحال بھارتی اشتعال انگیزی اور 23 اپریل کی بھارتی کارروائیوں پر غور کیا گیا اجلاس میں کئی ارکان نے مسئلہ کشمیر کو جنوبی ایشیا میں کشیدگی کی بنیادی وجہ قرار دیا اور مطالبہ کیا کہ اس مسئلے کو اقوام متحدہ کی قراردادوں اور کشمیری عوام کی امنگوں کے مطابق حل کیا جائے پاکستانی مندوب نے اجلاس میں بریفنگ دیتے ہوئے بھارت کی یکطرفہ اور اشتعال انگیز کارروائیوں کے ممکنہ نتائج سے آگاہ کیا اور انٹیلیجنس اطلاعات کی روشنی میں بھارت کی ممکنہ عسکری کارروائیوں پر تشویش کا اظہار کیا۔ اجلاس میں بھارت کی ریاستی دہشتگردی اور ٹارگٹ کلنگز کا بھی ذکر کیا گیا ترجمان دفتر خارجہ نے کہا کہ سندھ طاس معاہدے کی معطلی بھارت کی خطرناک چال ہے دریاؤں کا بہاؤ روکنا یا موڑنا کھلی جارحیت کے مترادف ہوگا، جس پر اقوام متحدہ کے ارکان نے بھی تحفظات ظاہر کیے ہیں۔ ترجمان کے مطابق پاکستان نے اقوام متحدہ کے سیکرٹری جنرل اور سلامتی کونسل سے ثالثی کا مطالبہ کرتے ہوئے کہا ہے کہ عالمی برادری فوری طور پر مؤثر کردار ادا کرے دفتر خارجہ نے واضح کیا کہ پاکستان اپنی خودمختاری کے دفاع کے لیے مکمل طور پر تیار ہے اور جارحیت کی صورت میں اقوام متحدہ چارٹر کے تحت ہر ممکن اقدام کا حق رکھتا ہے ترجمان نے بھارت کی جانب سے پہلگام حملے سے متعلق الزامات کو مسترد کرتے ہوئے کہا کہ بغیر کسی تحقیق اور ثبوت کے الزام تراشی ناقابل قبول ہے اور ایسے الزامات کا مقصد کشمیری عوام کی جدوجہد کو بدنام کرنا ہے
.
ذریعہ
ذریعہ: Nawaiwaqt
پڑھیں:
ازبکستان میں پاکستان کے سفیر مدثر ٹیپو نے سفارتی اسناد ازبک وزیر خارجہ کو پیش کردیں
تصویر بشکریہ غیر ملکی میڈیاازبکستان میں پاکستان کے سفیر مدثر ٹیپو نے سفارتی اسناد ازبک وزیر خارجہ بخیتار سیدوف کو پیش کردیں۔
مدثر ٹیپو کا کہنا تھا کہ یہ ان کے لیے اعزاز ہے کہ انہوں نے وزیرخارجہ سے ملاقات میں یہ اسناد پیش کیں۔
ازبک وزیر خارجہ بختیار سیدوف کا کہنا تھا کہ ملاقات میں مختلف امور پر تفصیلی بات چیت کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار