خبردار!!!کھانا پارسل کرواتےہوئے یہ غلطی آپ کیلئے جان لیوا ثابت ہوسکتی ہے
اشاعت کی تاریخ: 6th, May 2025 GMT
کھانا گھر پہنچانے کا عمل انتہائی آسان ہوگیا ہے، بہت سے لوگ کھانا پارسل کروا کر گھر لے جاتے ہیں اور اسے کھا کر فریج میں رکھ دیتے ہیں، تاہم انہیں اپنا بچا ہوا کھانا فریج میں رکھنے خاص طور پر چاولوں سے متعلق کھانوں کے حوالے سے دوبارہ گرم کرنے میں محتاط رہنا چاہیے۔
ایک رپورٹ کے مطابق حیران کن طور پر، پکے ہوئے چاول ایک بیکٹیریا، باسیلس سیریس (Bacillus cereus) کا گڑھ بن سکتا ہے جو زہریلے ٹاکسن پیدا کرتا ہے۔
یونیورسٹی آف واشنگٹن اسکول آف پبلک ہیلتھ کی اسسٹنٹ ایملی ہووس نے بتایا کہ یہ بیکٹیریا ابتدائی کوکنگ کے عمل کے دوران جرثومے کی شکل میں زندہ رہتا ہے اور اگر چاول کمرے کے درجہ حرارت پر چھوڑ دیے جائیں، تو یہ ٹاکسن پیدا کرسکتا ہے۔
ان کا کہنا تھا کہ جب آپ چاول دوبارہ گرم کرتے ہیں تو آپ صرف بیکٹیریا کی سبزیاتی خلیوں کو مار رہے ہوتے ہیں، لیکن ٹاکسن کو ختم نہیں کرتے۔
ماہرین کے مطابق چولہے پر یا مائیکروویو میں جب چاول یا کوئی بھی بچا ہوا کھانا دوبارہ گرم کیا جائے تو کھانے کا اندرونی درجہ حرارت کم از کم 165 ڈگری تک پہنچنا چاہیے۔ آپ فوڈ تھرمامیٹر استعمال کرکے چیک کر سکتے ہیں۔
ری ہیٹنگ (دوبارہ گرم کرنے کا عمل) کے بارے میں بات کرتے ہوئے، اگرچہ یہ لذیذ لگتا ہے کہ کل کا ویڈکا پاستا مائیکروویو میں پلاسٹک کے کنٹینر میں دوبارہ گرم کیا جائے، تاہم ماہرین ایسا کرنے سے خبردار کرتے ہیں۔
ویلز اینڈ گوڈ کے مطابق ان کنٹینرز میں ایسے مواد ہو سکتے ہیں جو کیمیکلز جیسے مائیکروپلاسٹکس، فتالٹس یا بی پی اے کو کھانے میں شامل کر سکتے ہیں۔
شانیہ نائٹن، جو کیس ویسٹرن ریزرو یونیورسٹی کی انفیکشن پریکٹیشنر اور ایسوسی ایٹ پروفیسر ہیں، نے اس آؤٹ لیٹ سے بات کرتے ہوئے کہا، “جب یہ پلاسٹک گرم ہوتے ہیں، تو یہ ٹوٹ کر آپ کے کھانے میں نقصان دہ کیمیکلز چھوڑ سکتے ہیں۔
انہوں نے مزید کہا، “جتنا زیادہ آپ کا کھانا گرم، چکنائی والا یا تیزابیت والا ہو تو اتنا ہی زیادہ امکان ہوتا ہے کہ یہ کیمیکلز آپ کے کھانے میں شامل ہو جائیں۔
امریکہ میں 32 فیصد افراد اس بات کا اعتراف کرتے ہیں کہ وہ بچا ہوا کھانا نظر سے ہٹ جانے کے بعد بھول جاتے ہیں، اس لیے کوشش کریں کہ اپنی بچی ہوئی پیزا کو فریج میں تین یا چار دن سے زیادہ نہ رکھیں، کیونکہ کھانا وہاں بھی خراب ہو سکتا ہے۔
.ذریعہ: Daily Ausaf
کلیدی لفظ: سکتے ہیں
پڑھیں:
کانگریس اور مسلم لیگ کو ایک جیسا مان کر کمیونسٹوں نے غلطی کی تھی، پروفیسر عرفان حبیب
پروفیسر عرفان حبیب نے کہا کہ مسلم لیگ فرقہ پرست تھی، جبکہ انڈین نیشنل کانگریس ایک قومی پارٹی تھی، مسلم لیگ نے تقسیم کی حمایت کی لیکن کانگریس نے نہیں کی تو یہ کس بنیاد پر کہا جاسکتا ہے کہ دونوں ایک جیسے تھے۔ اسلام ٹائمز۔ کمیونسٹ پارٹی آف انڈیا (مارکسسٹ) کے سابق جنرل سکریٹری سیتارام یچوری کی پہلی برسی کے موقع پر منعقدہ ایک یادگاری خطبے میں نامور تاریخ دان پروفیسر عرفان حبیب نے اپنے سامعین پر زور دیا کہ انہیں ہندوستان کی جدوجہد آزادی کے چند اہم ترین ابواب کے مارکسی تنقیدوں کا از سر نو جائزہ لینا چاہیئے۔ خاص طور پر ان ابواب کا، جن کے بارے میں انہیں لگتا ہے کہ وہ ہندوستانی کمیونسٹ تحریک کے کردار کو دھندلا کرتے ہیں۔ پروفیسر عرفان حبیب نے کہا کہ شاید اب وقت آگیا ہے کہ ہم اپنی خامیوں پر بھی نظر ڈالیں۔ انہوں نے واضح طور پر خود کو بائیں بازو کا دانشور مانا۔ عالمی سطح پر قرون وسطیٰ کے ہندوستان کے ایک انقلابی مؤرخ کے طور پر معروف، لیکن جن کا کام قدیم سے جدید ہندوستان تک کے مختلف ادوار پر محیط ہے، پروفیسر عرفان حبیب اب 90 سال سے زیادہ کے ہوچکے ہیں۔ پروفیسر حبیب نے دہلی میں گزشتہ دہائی کا اپنا پہلا عوامی لیکچر دیا۔
پروفیسر عرفان حبیب نے کہا کہ برطانوی استعمار پر کمیونسٹ تنقید، ہندوستان میں کمیونسٹ تحریک سے پہلے شروع ہو چکی تھی۔ (کارل) مارکس اور (فریڈرک) اینگلز نے 1840ء کی دہائی میں نو آبادیات پر تنقید کی، لیکن نوروجی اور دت نے ہندوستان میں اس تنقید کو فروغ دیا، ہمیں بھی ان کا احترام کرنا چاہیئے۔ عرفان حبیب نے مزید وضاحت کی کہ کمیونسٹ انڈین نیشنل کانگریس کا ایک اہم حصہ تھے اور وہ اکثر سوشلسٹوں کے ساتھ اتحاد کرتے تھے۔ یہ صورتحال آزادی کے بعد بدلی، جب دونوں کے درمیان اختلافات نمایاں ہونے لگے۔ تاہم، انہوں نے یہ بھی کہا کہ کمیونسٹوں نے ایک اسٹریٹجک غلطی کی تھی، جب انہوں نے مسلم لیگ اور کانگریس کو ایک جیسا مان لیا۔ انہوں نے کہا کہ 1930ء کی دہائی سے لے کر 1947ء تک، کانگریس اور مسلم لیگ دو مختلف سمتوں میں آگے بڑھ رہی تھیں۔ کانگریس فوری اور مکمل آزادی چاہتی تھی، اور مسلم لیگ مسلمانوں کے لئے علیحدہ حصہ (ڈیویڈنڈ) کا مطالبہ کر رہی تھی۔ عرفان حبیب نے دلیل دی کہ اگرچہ کمیونسٹوں نے کانگریس کے مطالبے کی حمایت کی، لیکن انہوں نے غلطی سے دونوں سیاسی جماعتوں کو ایک ہی مان لیا۔
پروفیسر عرفان حبیب نے کہا کہ مسلم لیگ فرقہ پرست تھی، جبکہ انڈین نیشنل کانگریس ایک قومی پارٹی تھی، مسلم لیگ نے تقسیم کی حمایت کی، لیکن کانگریس نے نہیں کی، تو یہ کس بنیاد پر کہا جا سکتا ہے کہ دونوں ایک جیسے تھے۔ انہوں نے مزید کہا کہ ہم دونوں میں فرق کیوں نہیں دیکھ پائے۔ کانگریس کے پاس پہلے ہی سوشلسٹ پروگرام تھا۔ عرفان حبیب نے یاد کیا کہ غیر منقسم کمیونسٹ پارٹی آف انڈیا نے کانگریس اور مسلم لیگ کو ایک جیسا مانتے ہوئے، ایسی پالیسی اپنائی تھی، جس کے تحت اپنے مسلم کارکنوں کو مسلم لیگ میں بھیجا اور ہندو اراکین کو کانگریس میں، یعنی عملی طور پر کانگریس کو ایک "ہندو پارٹی" مان لیا گیا۔ انہوں نے اسے ایک بڑی غلطی قرار دیا اور یاد کیا کہ کیسے کئی مسلم کمیونسٹوں نے مسلم لیگ کے ساتھ کام کرنے پر مجبور کیے جانے پر مارکسزم سے خود کو دور کر لیا۔ تاہم انہوں نے یاد دلایا کہ جب کمیونسٹ ایک متنازعہ سیاسی موقف اپنا رہے تھے، اس زمانے کے ایک ممتاز کمیونسٹ ترجمان آر پی دت نے اپنی مشہور کتاب انڈیا ٹوڈے (1940ء) میں ایک الگ باب لکھا تھا جس میں یہ دلیل دی گئی کہ ہندوستان کو مذہبی بنیادوں پر تقسیم نہیں کیا جانا چاہیے۔ تاہم انہوں نے کہا کہ ان کی دلیل کو کمیونسٹ پارٹی آف انڈیا کے اس وقت کے جنرل سکریٹری پی سی جوشی نے نظرانداز کر دیا، جو مسلم لیگ کے تئیں اپیزمنٹ کی پالیسی پر عمل پیرا تھے۔
بچپن میں گھریلو ملازم نے جنسی ہراسانی کا نشانہ بنایا، عینی جعفری