وزیرخزانہ اور مشیرنجکاری نے بیرون ملک اسٹریٹجک انوسٹمنٹ ڈرائیو کا آغاز کردیا
اشاعت کی تاریخ: 6th, May 2025 GMT
لندن:
وفاقی وزیر خزانہ محمد اورنگزیب اور وزیراعظم کے مشیر برائے نج کاری محمد علی نے برطانیہ میں اسٹریٹجک انویسٹمنٹ ڈرائیو کا آغاز کر دیا۔
وفاقی وزارت خزانہ سے جاری اعلامیے کے مطابق ملک میں براہ راست غیر ملکی سرمایہ کاری کے فروغ اور پاکستان کے عالمی اقتصادی پروفائل کو بہتر بنانے کے لیے ایک جرات مندانہ اقدام کے تحت بین الاقوامی مالیاتی ماہرین کے ساتھ ملاقاتوں کے لیے وزیرخزانہ محمد اورنگزیب اور زیر اعظم کے مشیر برائے نج کاری محمد علی لندن پہنچ گئے ہیں۔
وزیر خزانہ کے ہمراہ وزیراعظم کے مشیر کا یہ دورہ پاکستان کے اعلیٰ درجے کے عالمی سرمایہ کاروں اور مالیاتی اداروں کے ساتھ تعلقات مزید گہرے کرنے کے لیے ایک اسٹریٹجک اقدام کی نشان دہی کرتا ہے۔
اعلامیے میں کہا گیا کہ دورے کے دوران وفد ٹی ٹی بی پارٹنرز، ایس ٹی جے پارٹنرز، ڈوئچے بینک، بیرنبرگ بینک اور امونڈی فنڈ گروپ سمیت معروف فرموں کے ایگزیکٹوز کے ساتھ اہم ملاقاتیں کرے گا، ان ملاقاتوں کا مقصد پاکستان کی نج کاری کے روڈ میپ اور اسٹریٹجک، طویل مدتی سرمایہ کاری کے مرکز کے طور پر پاکستان کی بڑھتی ہوئی صلاحیت کو اجاگر کرنا ہے۔
مزید بتایا گیا کہ اس دورے کا مرکزی نکتہ 8 مئی 2025 کو جیفریز کے زیراہتمام پاکستان انویسٹرز ڈے میں وزیر اعظم کے مشیر کی شرکت ہوگی یہ خصوصی تقریب پاکستان میں مضبوط سرمایہ کاری کے منظر نامے، جاری اقتصادی اصلاحات اور حکومت کی جانب سے شفافیت اور سرمایہ کاروں کے اعتماد کے حصول کے غیر متزلزل عزم کو ظاہر کرنے کے لیے ایک طاقت ور پلیٹ فارم فراہم کرے گی۔
وزیراعظم کے مشیر نے کہا کہ یہ دورہ پاکستان کے مستقبل کے حوالے سے نظریے کی عکاسی کرتا ہے، ہم یہاں اعتماد پیدا کرنے، شراکت داری قائم کرنے اور یہ ظاہر کرنے کے لیےآئے ہیں کہ پاکستان کاروبار کے لیے کھلا ہے جہاں ترقی، استحکام اور مواقع فراہم کرنے کا واضح ایجنڈا ہے۔
ملک میں سرمایہ کاری کے مواقع کے حوالے سے بات کرتےہوئے انہوں نے کہا کہ ایک پرجوش اصلاحاتی ایجنڈے اور پرائیویٹ سیکٹر کی قیادت میں ترقی پر مربوط توجہ کے ساتھ، پاکستان خود کو عالمی سرمائے کے لیے متعین منزل کے طور پر سامنے لا رہا ہے۔
وزارت خزانہ نے بتایا کہ لندن کا دورہ سرمایہ کاری کے نئے ذرائع پیدا کرنے اور پائیدار اقتصادی ترقی کو آگے بڑھانے میں ایک اہم قدم کی نمائندگی کرتا ہے۔
.
ذریعہ
ذریعہ: Express News
کلیدی لفظ: سرمایہ کاری کے کے مشیر کے ساتھ کے لیے
پڑھیں:
حج سے واپسی کا آغاز، 370 حجاج کرام اسلام آباد پہنچ گئے
حج 2026 کی ادائیگی کے بعد پاکستانی حجاج کرام کی وطن واپسی کا سلسلہ شروع ہو گیا۔ سعودی ائیرلائن کی پرواز ایس وی 5724 کے ذریعے 370 حجاج کرام آج اسلام آباد پہنچ گئے۔
مزید پڑھیں: سعودی وزارت حج و عمرہ کی حجاج کرام کے لیے مثالی انتظامات کرنے پر پاکستانی حج مشن کو خراج تحسین
وفاقی وزیر برائے پارلیمانی امور طارق فضل چوہدری نے اسلام آباد ہوائی اڈے پر حجاج کرام کا استقبال کیا اور انہیں فریضۂ حج کی سعادت حاصل کرنے پر مبارکباد دی۔
اس موقع پر گفتگو کرتے ہوئے انہوں نے کہا کہ امسال قریباً ایک لاکھ 80 ہزار پاکستانیوں نے حج کی سعادت حاصل کی، جن میں ایک لاکھ 20 ہزار عازمین سرکاری حج اسکیم کے تحت سعودی عرب گئے۔
پاکستانی حجاج کرام کی وطن واپسی کا سلسلہ شروع۔ سعودی ائیرلائن کے ذریعے 370 حجاج کرام اسلام آباد پہنچ گئے۔ وفاقی وزیر طارق فضل چوہدری نے اسلام آباد ہوائی اڈے پر حجاج کا استقبال کیا اور انہیں فریضۂ حج کی سعادت حاصل کرنے پر مبارکباد دی۔@iamabidmalik @AmirSaeedAbbasi @KulAalam pic.twitter.com/zBqJGjKIEa
— Media Talk (@mediatalk922) June 1, 2026
وفاقی وزیر کا کہنا تھا کہ حجاج کرام نے حج 2026 کے انتظامات پر اطمینان کا اظہار کیا ہے۔ انہوں نے کہا کہ وزیراعظم کی ہدایت پر وزارتِ مذہبی امور نے عازمین حج کو ہر ممکن سہولت فراہم کی۔
مزید پڑھیں:سعودی عرب، حجاج کرام میں قرآن پاک کے نسخوں کی تقسیم
ڈاکٹر طارق فضل چوہدری نے وفاقی وزیر مذہبی امور اور ان کی ٹیم کو حج کے بہترین انتظامات پر مبارکباد بھی پیش کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد آئیرپورٹ حجاج کرام طارق فضل چوہدری وفاقی وزیر برائے پارلیمانی امور طارق فضل چوہدری
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ