وزیراعلیٰ پنجاب کا آج تعلیمی ادارے آج بند رکھنے کا اعلان
اشاعت کی تاریخ: 7th, May 2025 GMT
وزیراعلیٰ پنجاب مریم نواز نے بھارتی بزدلانہ حملے کی مذمت کی ہے اور آج صوبے بھر کے تعلیمی ادارے بند رکھنے کا اعلان کیا ہے۔
مریم نواز نے پنجاب بھر میں ہنگامی حالت نافذ کرنے کا اعلان کرتے ہوئے
پنجاب کے تمام اسپتالوں کے ڈاکٹروں اور طبی عملے کی چھٹیاں منسوخ کر دی ہیں۔
شہری دفاع سمیت دیگر تمام اداروں کے افسران اور عملہ بھی طلب کر لیا گیا
وزیراعلیٰ پنجاب کا کہنا ہے کہ پاکستان کے ایک ایک انچ کی حفاظت ہمارے ایمان کا حصہ ہے۔
انہوں نے کہا کہ پنجاب کی سرزمین غازیوں اور شہداء کی امین ہے، اس سرزمین پر آج رات بہنے والا معصوموں کا خون ہم پر قرض ہے۔
وزیراعلیٰ پنجاب نے انتظامیہ کو فوری ایمرجنسی رسپانس کے احکامات دیے اور کہا کہ کامیابی ان شاءاللّٰہ ہمارا مقدر ہوگی، نعرہ تکبیر، اللّٰہ اکبر، پاکستان زندہ باد۔
Post Views: 5.ذریعہ: Daily Mumtaz
پڑھیں:
’کلینک آن وہیلز کا کمال فیڈ بیک آیا ہے‘، مریم نواز نے منصوبے کے فیزٹو کا افتتاح کر دیا
---فائل فوٹووزیرِ اعلیٰ پنجاب مریم نواز نے کہا ہے کہ ’کلینک آن وہیلز‘ کا اتنا کمال فیڈ بیک آیا ہے، ان کے ذریعے ایک کروڑ سے زائد لوگوں کا علاج کیا جا چکا ہے۔
وزیرِ اعلیٰ پنجاب مریم نواز فورٹریس اسٹیڈیم لاہور پہنچیں جہاں انہوں نے ’کلینک آن وہیل‘ کی نئی وین میں مختصر سفر کر کے منصوبے کے ’فیز ٹو‘ کا افتتاح کیا۔
مریم نواز نے سی ای اوز کو متعلقہ اضلاع کے لیے کلینک آن وہیلز کی چابیاں دیں، کلینک آن وہیل کے ڈاکٹروں اور عملے کی خدمات کو سراہا اور انہیں مزید تندہی اور لگن کے ساتھ خدمت کرنے کی ہدایت کی۔
اپنے خطاب میں مریم نواز نے کہا کہ عوام نے بلڈ پریشر چیک کرانا ہے یا اسکریننگ کرانی ہے، اب اسپتال جانے کی ضرورت نہیں، اسپتال خود چل کر آپ کے پاس آئے گا۔
اس موقع پر ان کا کہنا تھا کہ دل کے امراض کی ادویات اور انسولین لوگوں کے گھروں پر پہنچائی جا رہی ہیں، اینٹی بائیوٹک سمیت تمام ضروری ادویات مہیا کی جاتی ہیں، 911 کلینک آن وہیلز چلتے پھرتے اسپتال ہیں جنہوں نے گزشتہ عرصے میں ایک کروڑ سے زائدلوگوں کا علاج کیا ہے۔
مریم نواز نے کہا ہے کہ فیلڈ اسپتال بھی دیہات میں جا کر کئی ملین لوگوں کا علاج کر چکے ہیں۔
وزیراعلیٰ پنجاب نے یہ بھی کہا کہ بون میرو ٹرانسپلانٹ اور آرتھوپیڈکس کا اسپتال بن رہا ہے۔
ان کا کہنا تھا کہ سیالکوٹ کے ضمنی الیکشن کا نتیجہ آپ نے دیکھا، عوام نے اپنا فیصلہ سنا دیا ہے۔
کراچی میں پھر زلزلے کے جھٹکے