پنجاب میں پہلی بار 30 لاکھ افراد کو گھر گھر مالی امداد فراہم کی گئی، مریم نواز شریف
اشاعت کی تاریخ: 6th, November 2025 GMT
وزیراعلیٰ مریم نواز شریف نے کہا کہ پنجاب میں پہلی بار 30 لاکھ افراد کو 10 ہزار روپے کے پے آرڈر گھر گھر پہنچائے گئے جبکہ 15 لاکھ افراد کو راشن کارڈ کے ذریعے 3 ہزار روپے ماہانہ فراہم کیے جا رہے ہیں۔
ان کا کہنا تھا کہ حکومت نے کسان کارڈ، گھر کی دہلیز تک فری میڈیسن پروجیکٹ اور پے آرڈر اسکیم جیسے اقدامات کے ذریعے عوامی فلاح کے نئے باب رقم کیے ہیں۔
یہ بھی پڑھیں: گڈ گورننس ن لیگ کا ایجنڈا، جرائم کی شرح میں نمایاں کمی آ چکی: وزیراعلیٰ پنجاب مریم نواز
میانوالی اور وزیرآباد کے ارکان اسمبلی اور پارٹی ٹکٹ ہولڈرز سے ملاقات میں انہوں نے بتایا کہ عوام کی خدمت ہی مسلم لیگ (ن) اور قائد نواز شریف کا منشور ہے۔
وزیراعلیٰ پنجاب سے میانوالی اور وزیرآباد کے ارکان اسمبلی اور پارٹی ٹکٹ ہولڈرز نے ملاقات میں عوامی مسائل، ترقیاتی منصوبوں اور صوبائی حکومت کے جاری اقدامات پر تبادلہ خیال کیا گیا۔
مزید پڑھیں: وزیراعلیٰ پنجاب مریم نواز نے ٹی ایل پی کی دھمکیوں کے بعد سرگرمیاں محدود کردیں، سیکیورٹی اسٹاف تبدیل
مریم نواز شریف نے کہا کہ ریاست عوام کی جان و مال کی محافظ ہے اور کسی کو انتشار پھیلانے کی اجازت نہیں دی جائے گی۔
انہوں نے یقین دہانی کرائی کہ کسانوں کو مایوس نہیں کیا جائے گا اور صوبے میں ترقی کا سفر تیزی سے جاری رہے گا۔
مزید پڑھیں: وزیراعلی پنجاب مریم نواز جنوبی پنجاب کے ایم پی ایز سے کیوں ناراض ہیں؟
پارلیمنٹرینز نے کہا کہ وزیراعلیٰ مریم نواز شریف اعلان سے پہلے عمل کرتی ہیں، ان کی شفافیت اور میرٹ پالیسی نے عوام کا اعتماد بحال کیا ہے۔
ان کے مطابق مریم نواز شریف کی قیادت میں پنجاب کی تقدیر بدل رہی ہے اور ان کے ترقیاتی منصوبے عوام کے دل جیت چکے ہیں۔
ملاقات میں پارلیمنٹرینز نے وزیراعلیٰ مریم نواز شریف کے خصوصی منصوبوں کو سراہتے ہوئے خصوصاً میانوالی اور وزیرآباد میں گرین بس پروجیکٹ کے آغاز پر شکریہ ادا کیا۔
مزید پڑھیں: شیر کے حملے میں زخمی افراد کے لیے وزیراعلیٰ پنجاب مریم نواز کی جانب سے امداد کا اعلان
ارکان نے کہا کہ وزیراعلیٰ مریم نواز شریف نے وعدے پورے کرکے عوامی قیادت کی بہترین مثال قائم کی ہے۔
وزیرآباد کے ارکان اسمبلی نے ’ستھرا پنجاب پروجیکٹ‘ کو تاریخی اقدام قرار دیا،
مزید پڑھیں: وزیراعلیٰ پنجاب مریم نواز کے صاحبزادے جنید صفدر کا رشتہ طے ہوگیا
تمام پارلیمنٹرینز نے صوبے میں امن و امان کے قیام، کاروباری سرگرمیوں کے فروغ اور ای بز پورٹل کے اجراء پر وزیراعلیٰ کو خراج تحسین پیش کیا۔
ملاقات کے دوران ارکان نے نجی املاک پر قبضے ختم کرانے کے اقدامات کو بھی سراہتے ہوئے یقین دلایا کہ وہ وزیراعلیٰ کے ترقیاتی وژن کے ساتھ قدم سے قدم ملا کر چلیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب پے آرڈر راشن کارڈ ستھرا پنجاب پروجیکٹ کسان کارڈ گرین بس پروجیکٹ مریم نواز شریف میانوالی میرٹ پالیسی نجی املاک نواز شریف وزیر اعلی وزیرآباد.
ذریعہ
ذریعہ: WE News
کلیدی لفظ: پے آرڈر راشن کارڈ ستھرا پنجاب پروجیکٹ کسان کارڈ گرین بس پروجیکٹ مریم نواز شریف میانوالی میرٹ پالیسی نجی املاک نواز شریف وزیر اعلی پنجاب مریم نواز مریم نواز شریف مزید پڑھیں نے کہا کہ
پڑھیں:
طلبہ اور بے روزگار نوجوانوں کو 50ہزار ای بائیکس ،5 ہزار ای ٹیکسیاں بلاسود دینے کا فیصلہ
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے طلبہ اور بے روزگار نوجوانوں کے لیے ایک اہم اقدام کرتے ہوئے آئندہ مالی سال میں 50ہزار الیکٹرک بائیکس اور 5 ہزار الیکٹرک ٹیکسیاں بلاسود فراہم کرنے کا فیصلہ کیا ہے۔حکومتی ذرائع کے مطابق الیکٹرک بائیکس اور ای ٹیکسیوں کی بلاسود فراہمی کی تجویز کو آئندہ بجٹ میں شامل کرنے کی منظوری دے دی گئی ہے۔ اس اقدام کا مقصد نوجوانوں کو سستی اور ماحول دوست سفری سہولت فراہم کرنے کے ساتھ ساتھ روزگار کے نئے مواقع پیدا کرنا ہے۔وزیر ٹرانسپورٹ پنجاب بلال اکبر خان کے مطابق ای ٹیکسی اسکیم کے تحت مستحق افراد کو آسان اقساط اور بلاسود فنانسنگ کی سہولت فراہم کی جائے گی جبکہ رجسٹریشن سمیت مختلف مراعات بھی دی جائیں گی۔(جاری ہے)
انہوں نے کہا کہ حکومت نوجوانوں کو بااختیار بنانے اور انہیں معاشی سرگرمیوں میں شامل کرنے کے لیے عملی اقدامات کر رہی ہے۔
بلال اکبر خان کا کہنا تھا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ سے ماحولیاتی آلودگی میں کمی لانے میں بھی مدد ملے گی۔حکومت کی جانب سے اس اسکیم کی مزید تفصیلات اور اہلیت کے معیار آئندہ بجٹ اور پالیسی دستاویزات میں جاری کیے جانے کا امکان ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ