پاکستان کے پہلے گرین سکوک بانڈز کے اجرا کا اعلان
اشاعت کی تاریخ: 8th, May 2025 GMT
حکومت نے پہلے گرین سکوک بونڈ کے اجرا کا اعلان کیا ہے، جس کا مقصد سرمایہ کاروں کو راغب کرنا، مالیاتی مارکیٹ کو مضبوط کرنا اور ملک کی سبز اور پائیدار معیشت کی طرف منتقلی کو تیز کرنا ہے۔
گرین سکوک ملک کی مالیاتی مارکیٹ کو گرین فائنانسنگ کے عالمی بہترین طریقوں کے ساتھ ہم آہنگ کرنے کی جانب ایک اہم قدم ہے، جس کے تحت 20 سے 30 ارب روپے کے درمیان مالیت کے سکوک بانڈز کا افتتاحی اجرا نیلامی کے عمل کے ذریعے کیا جائے گا۔
گرین سکوک بانڈز سرمایہ کاروں کو اقتصادی ترقی کو فروغ دیتے ہوئے ماحول دوست منصوبوں کی حمایت کرنے کا ایک منفرد موقع فراہم کرے گا، پاکستان اسٹاک ایکسچینج سرمایہ کاروں کے لیے اس اختراعی آلے کی فہرست سازی اور اسے فروغ دینے میں مرکزی کردار ادا کرے گا۔
یہ بھی پڑھیں:
بدھ کو وزارت خزانہ کی طرف سے جاری کردہ ایک پریس ریلیز میں کہا گیا کہ اس اقدام کا دوسرا مقصد اقتصادی ترقی کو فروغ دینے کے ساتھ ساتھ پائیدار مالیات کو ترقیاتی حکمت عملی کے بنیادی حصے میں شامل کرتے ہوئے ماحولیاتی طور پر پائیدار منصوبوں میں سرمایہ کاری کرنا تھا۔
’یہ اہم مالیاتی آلہ معاشی ترقی کو فروغ دینے کے ساتھ ساتھ ماحولیاتی طور پر پائیدار منصوبوں میں سرمایہ کاری کے ذریعے پاکستان کی سکوک مارکیٹ میں انقلاب لانے کے لیے تیار ہے۔‘
گرین سکوک پروگرام کو مشترکہ مالیاتی مشیروں بشمول میزان بینک لمیٹڈ، بینک الفلاح لمیٹڈ، دبئی اسلامک بینک پاکستان لمیٹڈ، اور بینک اسلامی پاکستان لمیٹڈ کے تعاون سے تشکیل دیا گیا ہے۔
مزید پڑھیں:
وفاقی کابینہ کی جانب سے منظور کردہ پائیدار سرمایہ کاری سکوک فریم ورک، گرین سکوک کے تاریخی آغاز کی بنیاد فراہم کرتا ہے، یہ اقدام پاکستان کے وژن 2028 سے کافی حد تک ہم آہنگ ہے، خاص طور پر اس کا مقصد سود سے پاک معیشت کی طرف منتقلی ہے۔
’گرین سکوک بانڈز پائیدار ترقی کی حمایت میں مالیاتی مارکیٹ سے فائدہ اٹھانے کے لیے حکومت کے مضبوط عزم کی عکاسی کرتا ہے، یہ جدت کا ایک مینار اور پائیدار ترقی کو فروغ دینے اور ماحولیاتی اثرات کو کم کرنے کے لیے حکومت کے غیر متزلزل عزم کا ثبوت ہے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پائیدار ترقی پائیدار سرمایہ کاری سکوک فریم ورک پاکستان پاکستان اسٹاک ایکسچینج سرمایہ کاری سکوک بونڈز سود سے پاک ماحولیاتی اثرات مالیاتی مارکیٹ وژن 2028.ذریعہ: WE News
کلیدی لفظ: پائیدار ترقی پاکستان پاکستان اسٹاک ایکسچینج سرمایہ کاری سکوک بونڈز سود سے پاک ماحولیاتی اثرات مالیاتی مارکیٹ وژن 2028 مالیاتی مارکیٹ ترقی کو فروغ سرمایہ کاری سکوک بانڈز گرین سکوک کے لیے
پڑھیں:
سماجی ترقی و غربت کے خاتمے پر عالمی اتفاق، دوحہ سیاسی اعلامیہ منظور
دنیا بھر میں بڑھتے جغرافیائی تنازعات اور معاشی عدم مساوات کے پس منظر میں قطر کے دارالحکومت دوحہ میں جاری سماجی ترقی پر دوسری عالمی سربراہی کانفرنس کے دوران عالمی رہنماؤں نے ’دوحہ سیاسی اعلامیہ‘ کی متفقہ منظوری دے دی۔
یہ بھی پڑھیں: صدر زرداری کی سیکریٹری جنرل اقوام متحدہ سے ملاقات، خود مختار فلسطینی ریاست کے قیام پر زور
یہ اعلامیہ منصفانہ، پائیدار اور شمولیتی معاشروں کی تشکیل کے لیے عالمی عزم کی نئی علامت قرار دیا جا رہا ہے۔
اعلامیے کی منظوری کے ساتھ ہی حکومتوں نے عہد کیا کہ وہ غربت کے خاتمے، باعزت روزگار کے مواقع کے فروغ، امتیاز کے خاتمے، سماجی تحفظ کی توسیع اور انسانی حقوق کے تحفظ کے لیے ٹھوس عملی اقدامات کریں گی۔
اعلامیے میں اس بات پر زور دیا گیا کہ سماجی ترقی نہ صرف اخلاقی ذمے داری ہے بلکہ امن، استحکام اور پائیدار ترقی کی بنیادی شرط بھی ہے۔
کانفرنس میں عالمی قیادت کی بھرپور شرکتکانفرنس میں 40 سے زائد سربراہان مملکت و حکومت، 170 سے زیادہ وزارتی نمائندے، بین الاقوامی تنظیموں کے سربراہان، سول سوسائٹی، نوجوان رہنماؤں اور ماہرین سمیت 14 ہزار سے زائد شرکا شریک ہیں۔
اعلامیے کی نمایاں نکاتدوحہ اعلامیہ سنہ 1995 کے کوپن ہیگن اعلامیے اور پائیدار ترقی کے ایجنڈا 2030 کے تسلسل میں پیش کیا گیا ہے۔ یہ سماجی ترقی کے 3بنیادی ستونوں غربت کا خاتمہ، مکمل و پیداواری روزگار اور سب کے لیے باعزت کام پر مبنی ہے۔
اعلامیے میں کہا گیا کہ سماجی انصاف، امن، سلامتی اور انسانی حقوق ایک دوسرے سے گہرا تعلق رکھتے ہیں۔
مزید پڑھیے: غزہ صحافیوں کے لیے خطرناک ترین خطہ رہا ہے، سیکریٹری جنرل اقوام متحدہ
اس میں موسمیاتی تبدیلی پر ہنگامی اقدامات کی ضرورت پر زور دیا گیا ہے اور ترقی پذیر ممالک کے لیے مالی وسائل کی فراہمی کو اولین ترجیح قرار دیا گیا ہے۔
اعلامیہ میں ادیس ابابا ایکشن ایجنڈا کو پائیدار ترقی کے فریم ورک کا لازمی جزو قرار دیتے ہوئے مضبوط اور نمائندہ عالمی اداروں کے قیام کی اپیل بھی کی گئی ہے۔
اعلامیے پر عمل درآمد کی نگرانی اقوام متحدہ کا سماجی ترقیاتی کمیشن کرے گا۔
’ترقی کا بوسٹر شاٹ‘: اقوام متحدہ کے سربراہ کا پیغاماقوام متحدہ کے سیکریٹری جنرل انتونیو گوتیرش نے اجلاس سے خطاب میں خبردار کیا کہ پائیدار ترقی کے اہداف پر پیشرفت انتہائی سست ہے۔ ان کے بقول دوحہ اعلامیہ ترقی کے لیے ایک بوسٹر شاٹ ہے جو سماجی تحفظ کے دائرے کو وسیع، صحت و تعلیم تک مساوی رسائی یقینی، اور ڈیجیٹل خلا کم کرنے میں مدد دے گا۔
انہوں نے عالمی مالیاتی نظام میں فوری اصلاحات کی ضرورت پر زور دیتے ہوئے کہا کہ ترقی پذیر ممالک کو قرضوں کے بوجھ اور موسمیاتی مالیات کی غیر منصفانہ تقسیم سے نجات دلانا ناگزیر ہے۔
’کوئی پیچھے نہ رہ جائے‘، جنرل اسمبلی کی صدر کا پیغاماعلامیے کی منظوری کے بعد اقوام متحدہ کی جنرل اسمبلی کی صدر اینالینا بیئربوک نے کہا کہ عالمی برادری کو یقینی بنانا ہوگا کہ ترقی کی دوڑ میں ’کوئی بھی پیچھے نہ رہ جائے‘۔
انہوں نے کہا کہ اگرچہ بے روزگاری اور انتہائی غربت میں کمی آئی ہے مگر عدم مساوات بدستور گہری ہے جس کا سب سے زیادہ اثر خواتین اور نوجوانوں پر پڑ رہا ہے۔
ان کے مطابق صرف معاشی ترقی کافی نہیں، بلکہ موسمیاتی تبدیلی، آبادی کے دباؤ اور تنازعات سے نمٹنے کے لیے جامع اور مربوط حکمتِ عملی اپنانا ہوگی۔
مزید پڑھیں: اسرائیل غزہ امن معاہدے کے تحت امداد پہنچانے نہیں دے رہا، اقوام متحدہ
انہوں نے کہا کہ پائیدار ترقی کے 17 اہداف ایک دوسرے سے منسلک ہیں، ایک شعبے میں پیشرفت دوسرے شعبوں میں بہتری کا باعث بنتی ہے اور انسانی سلامتی ہی عالمی سلامتی کی بنیاد ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی سینیٹ نے مختلف ممالک پر لگایا گیا ٹرمپ ٹیرف مسترد کردیا