بھارتی رافیل طیاروں کا غرور خاک میں ملا دیا، پاک فوج نے دشمن کا مورال توڑ دیا، عطاء اللہ تارڑ
اشاعت کی تاریخ: 8th, May 2025 GMT
اسلام آباد (نیوز ڈیسک) وفاقی وزیر اطلاعات عطاء اللہ تارڑ نے قومی اسمبلی کے اجلاس میں خطاب کرتے ہوئے بھارت کی حالیہ جارحیت اور پاکستان کی جانب سے دیے گئے جواب پر تفصیل سے روشنی ڈالی۔ انہوں نے کہا کہ پاکستان نے ایک مرتبہ پھر جذبہ حب الوطنی، عسکری مہارت اور قومی یکجہتی کی اعلیٰ مثال قائم کی ہے۔ انہوں نے اپوزیشن کے ارکان کا شکریہ ادا کرتے ہوئے کہا کہ ملکی دفاع کے حوالے سے سب متحد ہیں اور افواج پاکستان کے شانہ بشانہ کھڑے ہیں۔
عطاء اللہ تارڑ نے کہا کہ بھارتی جارحیت کو شکست دینے کے لیے پوری قوم افواج پاکستان کے ساتھ ہے۔ “بزدل اور ڈرپوک دشمن نے رات کی تاریکی میں حملہ کیا، لیکن پاک فوج نے دشمن کے غرور کو خاک میں ملا دیا،” انہوں نے کہا۔ رافیل طیاروں کے حوالے سے بات کرتے ہوئے وزیر اطلاعات نے کہا کہ بھارت کو اپنے سپیریئر ٹیکنالوجی والے رافیل طیاروں پر غرور تھا، لیکن پاکستانی شاہینوں نے ان کا مورال تباہ کر دیا۔
انہوں نے کہا کہ بھارت نے اپنی شرمندگی چھپانے کے لیے ڈرون حملوں کا سہارا لیا، لیکن پاکستان نے 25 بھارتی ڈرونز کو سافٹ اور ہارڈ ہٹ سے نشانہ بنایا اور انہیں کامیابی سے گرایا۔ انہوں نے مزید کہا کہ بھارتی میڈیا اب خود رافیل طیاروں کے ملبے کی تصاویر دکھا رہا ہے، جو کہ پاکستان کی دفاعی کامیابی کا ثبوت ہے۔
وفاقی وزیر نے واضح کیا کہ پاکستان کی عسکری صلاحیت بھارت سے کہیں بڑھ کر ہے۔ انہوں نے کہا کہ “ہم نے نہ صرف بھارت کے حملے کو ناکام بنایا بلکہ دشمن کا بریگیڈ ہیڈ کوارٹر بھی تباہ کیا، جو ایک بڑی کامیابی ہے۔”
انہوں نے کہا کہ بھارت نے لائن آف کنٹرول پر شہری آبادی کو نشانہ بنایا، لیکن پاکستان نے بھرپور جواب دیتے ہوئے بھارت کو شدید نقصان پہنچایا ہے۔ “ہم نے بھارت کی جارحیت کے بعد سفید جھنڈا لہرایا جاتا دیکھا۔ جب دشمن نے معافی مانگی اور کہا کہ اب بس کریں، تو یہ پاکستان کی فتح تھی،” انہوں نے دعویٰ کیا۔
عطاء اللہ تارڑ نے بھارت کی جانب سے سکھ برادری کے خلاف کارروائیوں کی شدید مذمت کرتے ہوئے کہا کہ بھارت نے جان بوجھ کر سکھوں کے گوردوارے پر حملہ کیا تاکہ اندرونی بغاوت کو دبا سکے۔ “لیکن دنیا بھر سے سکھوں نے کہا کہ وہ پاکستان کے خلاف نہیں لڑیں گے۔ یہ بھارت کی ایک اور اخلاقی شکست ہے،” انہوں نے کہا۔
انہوں نے کہا کہ بھارت مسلسل شہری آبادی کو نشانہ بناتا رہا ہے اور پلوامہ و پہلگام جیسے فالس فلیگ آپریشنز کو جواز بنا کر پاکستان کے خلاف کارروائیاں کیں۔ “ہم جانتے ہیں کہ دشمن کو کس طرح جواب دینا ہے، اور ہم نے سفارتی محاذ پر بھی بھارت کو شکست فاش دی ہے۔”
عطاء اللہ تارڑ نے قومی سلامتی کمیٹی کے فیصلے کا حوالہ دیتے ہوئے کہا کہ مسلح افواج کو بھارتی جارحیت کا بھرپور جواب دینے کا مکمل اختیار دیا جا چکا ہے۔ انہوں نے کہا کہ “پاکستان کا دفاع مضبوط ترین ہاتھوں میں ہے، اور قوم کو اپنی افواج پر مکمل اعتماد ہے۔”
وزیر اطلاعات نے یہ بھی کہا کہ بھارت نے عالمی برادری کو گمراہ کرنے کی کوشش کی، لیکن ہم نے سچ دنیا کے سامنے رکھا۔ “پہلگام واقعے کے بعد بھارت کی کوشش تھی کہ وہ خود کو مظلوم ظاہر کرے، لیکن ہم نے حقائق سے پردہ اٹھا کر اس کا بیانیہ ناکام بنایا۔”
انہوں نے کہا کہ اقوام متحدہ اور بین الاقوامی میڈیا بھی بھارتی جارحیت کو بے نقاب کر چکے ہیں، اور دنیا کو معلوم ہو چکا ہے کہ بھارت کی جانب سے کی گئی کارروائیاں غیر اخلاقی، غیر قانونی اور غیر انسانی تھیں۔
اپنے خطاب کے اختتام پر عطاء اللہ تارڑ نے کہا کہ پاکستانی قوم کا ہر فرد جذبہ شہادت سے سرشار ہے، اور دفاعِ وطن کے لیے کسی قربانی سے دریغ نہیں کرے گا۔ “ہم نے نہ صرف دشمن کو عسکری میدان میں شکست دی ہے بلکہ بیانیے کی جنگ میں بھی اسے پسپائی پر مجبور کیا ہے،” انہوں نے کہا۔
عطاء اللہ تارڑ کے قومی اسمبلی میں یہ ولولہ انگیز خطاب قومی اتحاد و یگانگت، اور دشمن کے خلاف مضبوط موقف کی عکاسی کرتا ہے، جس سے ایک مرتبہ پھر واضح ہو گیا کہ پاکستان اپنی خودمختاری اور سلامتی پر کوئی سمجھوتہ نہیں کرے گا۔
Post Views: 1.
ذریعہ
ذریعہ: Daily Mumtaz
کلیدی لفظ: عطاء اللہ تارڑ نے نے کہا کہ بھارت انہوں نے کہا کہ کہا کہ بھارت نے رافیل طیاروں پاکستان کے کہ پاکستان پاکستان کی کرتے ہوئے بھارت کی کے خلاف
پڑھیں:
بعض حکمران عناصر بینظر انکم سپورٹ پروگرام کو ختم کرنا چاہتے ہیں، تاہم پیپلز پارٹی ایسا نہیں ہونے دے دی، بلاول بھٹو
چیئرمین پاکستان پیپلز پارٹی بلاول بھٹو زرداری نے کہا ہے کہ ایران میں جاری جنگ کے اثرات کے باعث معاشی بحران نے جنم لیا ہے اور موجودہ معاشی چیلنجز سے نمٹنے کی صلاحیت صرف پیپلز پارٹی کے پاس ہے، گلگت بلتستان کے عوام 7 جون کو تیر پر مہر لگائیں۔
اسکردو میں جلسے سے خطاب کرتے ہوئے انہوں نے پاکستان کی جانب سے امن کے قیام کے لیے کی جانے والی کوششوں کو قابل فخر قرار دیتے ہوئے امید ظاہر کی کہ جنگ بندی کے لیے کی جانے والی کاوشیں کامیاب ہوں گی۔
مزید پڑھیں: کسی پر تنقید کرکے نہیں بلکہ کارکردگی پر ووٹ مانگتا ہوں، نواز شریف کا گلگت میں خطاب
چیئرمین پیپلز پارٹی نے کہاکہ ان کی جماعت ملک کے پسماندہ اور محروم طبقات کی حقیقی نمائندہ ہے۔ ایسی ترقی اور معاشی پالیسی کا کیا فائدہ جس میں امیر مزید امیر اور غریب مزید مشکلات کا شکار ہو جائے۔
ان کا کہنا تھا کہ بینظیر انکم سپورٹ پروگرام ملک کا واحد ایسا ادارہ ہے جو براہ راست مستحق خاندانوں تک پہنچتا ہے اور اس پروگرام کے خلاف ہونے والی سیاسی سازشیں ناکام ہوں گی۔
بدقسمتی اس ملک کی ہے کہ ہمارے سیاست دان ایسے ہیں کہ جب معاشی حالات خراب ہوتے ہیں تو وہ یہ نہیں سوچتے کہ ہم اپنے امیر دوستوں کی سبسڈی کیسے ختم کریں، وہ یہ نہیں سوچتے کہ کاروباری طبقہ کتنا ٹیکس دے رہا ہے، وہ سیدھا اس پر پہنچتے ہیں کہ بینظیر انکم سپورٹ پروگرام کو ختم کرو، مگر ہم یہ… pic.twitter.com/ioZikOPLZU
— WE News (@WENewsPk) June 2, 2026
انہوں نے دعویٰ کیا کہ بعض حکمران عناصر اس پروگرام کو ختم کرنا چاہتے ہیں، تاہم پیپلز پارٹی اسے بچانے کے لیے ہر ممکن اقدام کرے گی اور آئندہ بجٹ میں اس کے فنڈز میں اضافے کے لیے وزیراعظم سے بات کی جائے گی۔
بلاول بھٹو زرداری نے کہا کہ پاکستان کو ایٹمی طاقت بنانے کی بنیاد شہید ذوالفقار علی بھٹو نے رکھی جبکہ میزائل ٹیکنالوجی کے فروغ میں شہید محترمہ بینظیر بھٹو کا کردار نمایاں رہا۔
انہوں نے کہا کہ ماضی میں گلگت بلتستان کو شمالی علاقہ جات کہا جاتا تھا لیکن اس خطے کو موجودہ شناخت صدر آصف علی زرداری نے دی۔ ذوالفقار علی بھٹو نے بلتستان کی سرزمین سے پاکستان کو ایٹمی قوت بنانے کا اعلان کیا تھا۔
انہوں نے کہاکہ اگر 18ویں آئینی ترمیم کے تحت صوبوں کو دیے گئے اختیارات گلگت بلتستان کو بھی منتقل کر دیے جائیں تو خطے کے متعدد مسائل حل ہو سکتے ہیں۔
بلاول بھٹو نے کہاکہ حق حاکمیت کے بعد عوام کو حق ملکیت بھی ملنا چاہیے اور اسلام آباد کو تسلیم کرنا ہوگا کہ گلگت بلتستان کے وسائل پر سب سے پہلا حق مقامی آبادی کا ہے۔
انہوں نے کہا کہ جب تک اس حقیقت کو تسلیم نہیں کیا جاتا، نہ گلگت بلتستان اور نہ ہی پاکستان حقیقی ترقی کر سکتا ہے۔
پیپلز پارٹی کے چیئرمین نے سندھ حکومت کی کارکردگی کا حوالہ دیتے ہوئے کہا کہ سیلاب سے متاثرہ خاندانوں کو گھر فراہم کیے گئے اور یہی عوامی خدمت پیپلز پارٹی کی سیاست کا بنیادی محور ہے۔
ان کے مطابق پارٹی ہمیشہ عام آدمی، مزدور اور محروم طبقات کے حقوق کی سیاست کرتی آئی ہے۔
انہوں نے کہا کہ صدر آصف علی زرداری نے روٹی، کپڑا اور مکان کے نعرے کو بینظیر کارڈ کے ذریعے عملی شکل دی، جبکہ بینظیر انکم سپورٹ پروگرام کو دنیا کے کئی ممالک نے قابل تقلید ماڈل قرار دیا۔
بلاول بھٹو زرداری نے کہا کہ مسلم دنیا میں ایٹمی صلاحیت رکھنے والا واحد ملک پاکستان ہے اور اس صلاحیت کا سہرا شہید ذوالفقار علی بھٹو کے سر جاتا ہے۔
انہوں نے کہاکہ آج بھی گڑھی خدا بخش سے پاکستان کے دفاع کی روایت جڑی ہوئی ہے۔ جنرل مشرف کے دور میں غیر ملکی ممالک کو پاکستان میں اڈے حاصل تھے، تاہم سلالہ واقعے کے بعد صدر آصف علی زرداری نے ان اڈوں کو بند کروا دیا۔
انہوں نے سی پیک کے تحت تھرکول منصوبے کو سب سے کامیاب منصوبہ قرار دیتے ہوئے کہا کہ وہاں 80 فیصد ملازمتیں مقامی افراد کو فراہم کی گئیں۔
ان کا کہنا تھا کہ پیپلز پارٹی کی کوشش ہوتی ہے کہ زیادہ سے زیادہ روزگار کے مواقع پیدا کیے جائیں، جبکہ دیگر سیاسی قوتیں لوگوں کو بے روزگار کرنے کی پالیسی اپناتی ہیں۔
انہوں نے کہا کہ ان کی جماعت غریب نوجوانوں کو روزگار فراہم کرکے معاشی طور پر مضبوط بنانا چاہتی ہے۔
مزید پڑھیں: کسی بھی نئی آئینی ترمیم میں گلگت بلتستان کے عوامی حقوق کا تحفظ یقینی بنانا چاہیے، بلاول بھٹو
چیئرمین پیپلز پارٹی نے سندھ میں سیلاب کے بعد بحالی کے اقدامات کا ذکر کرتے ہوئے کہا کہ ایسا محسوس ہوتا تھا جیسے پورا صوبہ پانی میں ڈوب گیا ہو، تاہم حکومت 20 لاکھ متاثرہ گھروں کی تعمیر کر رہی ہے اور اتنے ہی خاندانوں کو مالکانہ حقوق کے ساتھ رہائش فراہم کی جا رہی ہے۔
بلاول بھٹو نے کہاکہ فیصلہ کیا گیا تھا کہ سڑکوں کی تعمیر سے پہلے متاثرین کو گھر دیے جائیں۔ اس منصوبے کے نتیجے میں قریباً 10 لاکھ افراد کو روزگار ملا۔
انہوں نے گلگت بلتستان کے عوام سے اپیل کی کہ 7 جون کو تیر کے انتخابی نشان پر مہر لگائیں، پیپلز پارٹی یہاں بھی سندھ طرز کے عوامی فلاحی منصوبے متعارف کرائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلاول بھٹو چیئرمین پیپلز پارٹی گلگت بلتستان الیکشن وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ