کراچی میں بارش کب ہوگی؟ محکمہ موسمیات نے پیش گوئی جاری کردی
اشاعت کی تاریخ: 8th, May 2025 GMT
کراچی:
شہر قائد سمیت سندھ بھر میں موسم کی صورتحال میں تبدیلی کے آثار نمایاں ہو گئے ہیں اور شہریوں کو آئندہ دنوں میں متوقع بارشوں کے لیے تیار رہنے کا مشورہ دیا گیا ہے۔
محکمہ موسمیات کے مطابق تازہ مغربی ہواؤں کا سلسلہ پاکستان کے شمالی اور وسطی علاقوں میں داخل ہو چکا ہے، جو اب بتدریج جنوبی علاقوں کی جانب بڑھ رہا ہے۔ اس سسٹم کے اثرات سے سندھ کے کئی شہروں میں موسلادھار بارش کے ساتھ گرد آلود ہوائیں چلنے کا امکان ظاہر کیا گیا ہے۔
آج اور کل کے دوران سندھ کے مختلف حصوں میں گرج چمک کے ساتھ بارش ہو سکتی ہے، جب کہ کراچی کے مضافاتی علاقوں میں بھی بارش برسنے کا سلسلہ شروع ہونے کی پیشگوئی کی گئی ہے، جو ہفتے تک وقفے وقفے سے جاری رہ سکتا ہے۔
محکمہ موسمیات کا کہنا ہے کہ کراچی شہر میں اگلے 3 روز موسم نسبتاً گرم اور مرطوب رہے گا۔ دن کے اوقات میں درجہ حرارت 35 سے 37 ڈگری سینٹی گریڈ کے درمیان رہنے کا امکان ہے، جس کے باعث شہریوں کو گرمی اور حبس کا سامنا کرنا پڑ سکتا ہے۔
ادارے نے یہ بھی کہا ہے کہ ہوا میں نمی کا تناسب بلند رہنے کے باعث گرمی کی شدت زیادہ محسوس ہو گی، اس لیے شہری احتیاطی تدابیر اختیار کریں، خاص طور پر دن کے اوقات میں دھوپ سے بچیں اور پانی کا استعمال زیادہ کریں۔
ماہرین موسمیات کا کہنا ہے کہ آئندہ دنوں میں جنوبی سندھ کے بعض علاقوں میں بارش کا زور بڑھ سکتا ہے، جس سے درجہ حرارت میں وقتی کمی ممکن ہے، تاہم مجموعی طور پر موسم گرم رہنے کی توقع ہے۔
.ذریعہ: Express News
پڑھیں:
پاکستان میں سردی نے انگڑائی لے لی، ملک کے بالائی علاقوں میں برفباری اور ژالہ باری
ملک کے بالائی اور پہاڑی علاقوں میں تیز ہواؤں، آندھی اور گرج چمک کے ساتھ بارش اور برفباری کا سلسلہ شروع ہو گیا ہے۔ وفاقی دارالحکومت اسلام آباد کے مختلف سیکٹرز میں بھی تیز بارش اور ژالہ باری کے باعث موسم سرد ہو گیا ہے۔
سوشل میڈیا صارفین مختلف شہروں میں ہونے والی ژالہ باری اور بارش کی ویڈیوز بڑی تعداد میں شیئر کر رہے ہیں۔ خرم اقبال نے لوئر دیر کی ویڈیو شیئر کی جس میں شدید بارش اور ژالہ باری کے باعث سڑکیں سفید ہو گئیں۔
لوئر دیر میں شدید بارش اور ژالہ باری، سڑکیں سفید ہو گئیں۔۔!! pic.twitter.com/CkgxBdryCz
— Khurram Iqbal (@khurram143) November 4, 2025
ایک صارف نے اسلام آباد میں ہونے والی ژالہ باری کی تازہ ویڈیو شیئر کی ہے۔
اسلام آباد میں ژالہ باری کے تازہ ترین مناظر ❄️❄️❄️⛈️⛈️⛈️
Weather Updates PK 2.0 – Jawad Memon / #pakistandoppler pic.twitter.com/6x03SpqZ06
— Weather Updates PK (@WeatherWupk) November 4, 2025
انور انجم نے ویڈیو شیئر کرتے ہوئے لکھا کہ وادیِ سوات میں بارش اور شدید ژالہ باری کے باعث دن رات میں تبدیل ہوگیا، ہر طرف تاریکی چھا گئی ہے۔
وادیِ سوات میں بارش اور شدید ژالہ باری کے باعث دن رات میں تبدیل ہوگیا، ہر طرف تاریکی چھا گئی۔ pic.twitter.com/N8mwC6Gyr1
— Anwar Anjum (@anwaranjum2) November 4, 2025
ایک صارف نے لکھا کہ مینگورہ سوات دن کے 11 بجے اندھیرا اور بارش کے ساتھ ژالہ باری ہو رہی ہے، اللہ تعالیٰ رحم کرے۔
مینگورہ سوات دن کے 11 بجے اندھیرا اور بارش کے ساتھ ژالہ باری آللہ تعالیٰ رحم کرے pic.twitter.com/ODdYEftxlk
— Attaullah Yousafzai (@Attaullahswatai) November 4, 2025
محکمہ موسمیات کے مطابق 4 سے 5 نومبر تک ملک کے مختلف علاقوں میں مزید بارشوں اور بلند پہاڑی علاقوں میں برفباری کا امکان ہے۔ محکمہ موسمیات نے مسافروں اور مقامی انتظامیہ کو احتیاطی تدابیر اختیار کرنے کی ہدایت بھی کی ہے۔ بالائی خیبر پختونخوا، گلگت بلتستان اور کشمیر میں برفباری کے باعث لینڈ سلائیڈنگ اور سڑکوں کی بندش کا خدشہ بھی ظاہر کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بارش برفباری پاکستان میں بارشیں ژالہ باری سردیوں کا آغاز
سندھ میں گاڑیوں کی نمبر پلیٹس بنوانے کی تاریخ میں مزید 2 ماہ کی توسیع