بلوچستان میں کم بارشیں ، محکمہ موسمیات نے خشک سالی کا الرٹ جاری کر دیا
اشاعت کی تاریخ: 6th, November 2025 GMT
بلوچستان کے 11 اضلاع میں گزشتہ دس ماہ کے دوران 80 فیصد کم بارشیں کے باعث محکمہ موسمیات نے خشک سالی کا الرٹ جاری کر دیا۔
بلوچستان میں خشک سالی کے بادل منڈلانے لگے ، نیشنل ڈرائوٹ مانیٹرنگ سینٹر کی جانب سے جاری سرکلر کے مطابق کوئٹہ سمیت بلوچستان کے 11 اضلاع میں گزشتہ 10 ماہ کے دوران بارشیں 80 فیصد کم ہوئیں جس کی وجہ سے ان علاقوں میں خشک سالی کے اثرات نمایاں ہو رہے ہیں۔
ڈپٹی ڈائریکٹر محکمہ موسمیات محمد افضل کا کہنا ہے کہ متوقع خشک سالی سے زراعت کا شعبہ متاثر ہو سکتا ہے جبکہ محکمہ لائیو اسٹاک کے حکام کا کہنا ہے کہ صوبے کی 80 فیصد لائیو اسٹاک کا دارومدار چراگاہوں پر ہے اگر یہ چرا گاہیں خشک ہو گئیں تو لائیو اسٹاک کے ساتھ مالدار بھی متاثر ہوں گے۔
سرکلر میں کہا گیا ہے کہ صوبے میں خشک سالی کی بدلتی ہوئی صورتحال پر قریبی نگرانی رکھنے ضلعی رابطہ کمیٹیوں کو فعال بنانے آگاہی مہم معلومات کے تبادلے اور بروقت اقدامات کی ہدایات جاری کی گئی ہیں۔
.ذریعہ: Daily Mumtaz
کلیدی لفظ: خشک سالی
پڑھیں:
پشین، 15 روز کیلئے دفعہ 144 نافذ
محکمہ داخلہ بلوچستان کی جانب سے جاری اعلامیہ کے مطابق بلوچستان کے ضلع پشین میں دفعہ 144 نافذ کر دیا گیا ہے۔ اسلام ٹائمز۔ بلوچستان حکومت نے پشین میں 13 دن کے لئے دفعہ 144 نافذ کر دیا ہے۔ محکمہ داخلہ بلوچستان کی جانب سے جاری اعلامیہ کے مطابق بلوچستان کے ضلع پشین میں دفعہ 144 نافذ کر دیا گیا ہے۔ جس کے مطابق اسلحے کی نمائش، جلسے جلوس، دھرنوں یا 5 افراد سے زائد کے اکھٹے ہونے پر پابندی عائد ہوگی۔ محکمہ داخلہ کی جانب سے جاری کردہ نوٹیفکیشن کے مطابق ضلع پشین میں 20 نومبر تک دفعہ 144 نافذ رہے گی۔
اسرائیل نے 30 فلسطینیوں کی لاشیں ناصر اسپتال کے حوالے کردیں