قوم متحد ہو کر دفاع وطن کیلئے دشمن کے آگے سیسہ پلائی ہوئی دیوار بن جائے، عبدالواسع
اشاعت کی تاریخ: 8th, May 2025 GMT
جماعت اسلامی کے صوبائی امیر کا کہنا تھا کہ وطن عزیز پاکستان صرف ایک ملک نہیں بلکہ یہ ایک نظریہ کا نام ہے، اس لئے پاکستان کا دفاع ہم اپنے ایمان کا حصہ سمجھتے ہیں۔ بھارت نے رات کی تاریکی میں ہماری نظریاتی اساس پاکستان پر حملہ کیا ہے۔ اسلام ٹائمز۔ جماعت اسلامی خیبر پختونخوا وسطی کے امیر عبدالواسع نے کہا یے کہ وطن عزیز پاکستان صرف ایک ملک نہیں بلکہ یہ ایک نظریہ کا نام ہے، اس لئے پاکستان کا دفاع ہم اپنے ایمان کا حصہ سمجھتے ہیں۔ بھارت نے رات کی تاریکی میں ہماری نظریاتی اساس پاکستان پر حملہ کیا ہے، جس کے جواب میں پاک فوج نے اپنی پیشہ ورانہ مہارت کے زریعے دشمن کے ناپاک عزائم کو خاک میں ملادیا ہے وقت کا تقاضا ہے کہ پوری قوم متحد ہو کر دفاع وطن کے لئے دشمن کے آگے سیسہ پلائی ہوئی دیوار بن جائے تاکہ دشمن آئندہ پاکستان کی طرف میلی آنکھ سے بھی نہ دیکھے۔ ان خیالات کا اظہار انہوں نے اسلامی جمعیت طلبہ جامعہ پشاور کے زیر اہتمام پشاور یونیورسٹی کے پیوٹا ہال میں 14ویں انٹرنیشنل بک فئیر کے تیسرے دن افتتاح کے موقع پر طلبہ سے خطاب کرتے ہوئے کیا۔
اس موقع پر اسلامی جمعیت طلبہ کے صوبائی ناظم اسفندیار عزت، ناظم یونیورسٹی کیمپس تقویم الحق، ناظم جامعہ پشاور ارشد خان اور دیگر ذمہ داران بھی موجود تھے۔انہوں نے کہا کہ بھارت کے بزدلانہ حملوں کے خلاف امیر جماعت اسلامی پاکستان انجینئر حافظ نعیم الرحمٰن کی کال پر 9 مئی بروز جمعۃ المبارک یوم عزم کے تحت ملک بھر میں احتجاجی مظاہرے ہوں گے جس کے زریعے بھارت کو پیغام دے گے کہ پاکستانی قوم دفاع وطن کے لئے پوری طرح متحد ہیں اور کسی بھی قربانی سے دریع نہیں کریں گے۔
ذریعہ: Islam Times
پڑھیں:
حرمین شریفین کی حفاظت پاکستان کیلئے باعث اعزاز ہے، راغب نعیمی
چیئرمین اسلامی نظریاتی کونسل کا کہنا ہے کہ فاعی معاہدے سے پاک سعودیہ تعلقات مزید مضبوط ہوں گے، ڈاکٹر راغب نعیمی قازقستان میں منعقدہ آٹھویں سالانہ ورلڈ لیڈر کانگریس میں شرکت کے بعد وطن واپس پہنچ گئے۔ چیئرمین اسلامی نظریاتی کونسل علامہ ڈاکٹر راغب حسین نعیمی نے پاکستان اور سعودی عرب کے درمیان حالیہ دفاعی معاہدے پر مسرت کا اظہار کرتے ہوئے کہا کہ حرمین شریفین کی حفاظت پاکستان کیلئے باعث اعزاز ہے، دفاعی معاہدے سے پاک سعودیہ تعلقات مزید مضبوط ہوں گے، سعودی عرب اور پاکستان کے درمیان گہرے مذہبی، ثقافتی، اسٹریٹجک اور دفاعی روابط ہمیشہ مثالی رہے ہیں، یہ معاہدہ نہ صرف دونوں ممالک کے دفاعی شعبے میں تعاون کو مضبوط کرے گا، بلکہ امت مسلمہ کے دشمنوں کیلئے واضح پیغام بھی ہے کہ اسلامی دنیا متحد ہے، پاکستان اور سعودی عرب کا اتحاد عالم اسلام کی قوت اور یکجہتی کا مظہر ہے، یہ معاہدہ خطے میں امن و استحکام کی کوششوں کو تقویت دے گا۔
ان خیالات کا اظہار انہوں نے قازقستان کے دارالخلافہ آستانہ میں منعقدہ آٹھویں سالانہ ورلڈ لیڈر کانگریس میں شرکت کے بعد وطن واپسی پر جامعہ نعیمیہ میں علماء کرام سے گفتگو کرتے ہوئے کیا۔ چیئرمین اسلامی نظریاتی کونسل علامہ ڈاکٹر راغب حسین نعیمی نے علماء کرام سے گفتگو کرتے ہوئے مزید کہا کہ پاکستان کے تمام سے اسلامی ممالک سے بڑھتے سفارتی تعلقات کامیاب خارجہ پالیسی کا مظہر ہیں، پاکستان اور سعودی عرب کے درمیان دفاعی معاہدہ برادرانہ تعلقات کا مظہر ہے، آپریشن بنیان المرصوص کی کامیابی انڈیا کی رسوائی اور ہماری مسلح افواج کی پیشہ ورانہ مہارت کے بعد دنیا بھر میں توجہ کا مرکز بنا، پاکستان ایک امن پسند ملک ہے اور اپنے ہمسایوں کیساتھ پُرامن خوشگوار دوستانہ تعلقات چاہتا ہے مگر جو ہماری سلامتی کی طرف میلی آنکھ سے دیکھے گا وہ پھر آپریشن بنیان المرصوص کو یاد رکھے۔
اسلام آباد ہائیکورٹ، توشہ خانہ 2میں بریت کیس فوری سننے کیلئے درخواست سماعت کیلئے مقرر