ایرانی اور سعودی وزرائے خارجہ کا دورہ بھارت، جے شنکر سے ملاقاتیں
اشاعت کی تاریخ: 8th, May 2025 GMT
بھارتی میڈیا کے مطابق ایرانی وزیرخارجہ عباس عراقچی نے نئی دہلی میں آج بھارتی ہم منصب سے ملاقات کی۔ اس موقع پر بھارتی وزیر خارجہ ایس جئے شنکر نے کہا کہ بھارت کسی بھی فوجی کارروائی پر پاکستان کو جواب دے گا۔ اسلام ٹائمز۔ پاکستان اور بھارت کے درمیان بڑھتی ہوئی کشیدگی کے دوران ایران اور سعودی عرب کے وزرائے خارجہ نے بھارت کا دورہ کرکے بھارتی ہم منصب جے شنکر سے ملاقاتیں کی ہیں۔ بھارتی میڈیا کے مطابق ایرانی وزیرخارجہ عباس عراقچی نے نئی دہلی میں آج بھارتی ہم منصب سے ملاقات کی۔ اس موقع پر بھارتی وزیر خارجہ ایس جئے شنکر نے کہا کہ بھارت کسی بھی فوجی کارروائی پر پاکستان کو جواب دے گا۔ انہوں نے کہا کہ ہمارا ردعمل ٹارگٹڈ اور نپا تلا تھا، ہمارا صورتحال کو خراب کرنے کا ارادہ نہیں ہے تاہم اگر ہم پر فوجی حملے ہوتے ہیں تو اس میں کوئی شک نہیں ہونا چاہیے کہ اس کا بھرپور جواب دیا جائے گا۔ دریں اثنا، سعودی عرب کے وزیرمملکت برائے امور خارجہ عادل الجبیر بھی بھارت پہنچ گئے اور بھارتی وزیرخارجہ جے شنکر سے ملاقات کی، ملاقات میں دونوں رہنماؤں کے درمیان باہمی دلچسپی کےامور پر تبادلہ خیال کیا گیا۔
.ذریعہ: Islam Times
کلیدی لفظ: سے ملاقات
پڑھیں:
سید عباس عراقچی کے دورہ استنبول کی تفصیلات
ایرانی وزیر خارجہ اس وقت OIC کے ہنگامی اجلاس میں شرکت کیلئے استنبول میں موجود ہیں۔ اسلام ٹائمز۔ اسلامی جمہوریہ ایران کے وزیر خارجہ "سید عباس عراقچی" اس وقت OIC کے ہنگامی اجلاس میں شرکت کے لئے استنبول میں موجود ہیں۔ او آئی سی کا یہ اجلاس ایران پر صیہونی جارحیت کے بعد ہنگامی طور پر بلایا گیا۔ اس دوران سید عباس عراقچی نے متعدد ممالک کے اپنے ہم منصبوں سے ملاقات کی۔ جس میں پاکستان سے "اسحاق ڈار"، الجزائر سے "احمد عطاف"، ترکیہ سے "ھاکان فیدان" اور ملیشیاء سے "محمد حسن" شامل ہیں۔ ان ملاقاتوں میں ایرانی وزیر خارجہ نے صیہونی جارحیت کے بعد ایران کی صورت حال اور موقف کے بارے میں شرکاء کو آگاہ کیا۔ واضح رہے کہ گزشتہ روز بھی سید عباس عراقچی نے اپنے عراقی ہم منصب "فواد حسین" کے علاوہ سعودی عرب کے وزیر خارجہ "فیصل بن فرحان"، اردن کے وزیر خارجہ "ایمن الصفدی" سمیت مصری و قطری وزرائے خارجہ سے ملاقاتیں کیں۔ جب کہ ترکیہ کے صدر "رجب طیب اردگان" سے ایرانی وزیر خارجہ کی ملاقات بھی میڈیا کی زینت بنی رہی۔
دبئی کا سرکاری ملازمین کیلئے 4 دن کام اور 3 چھٹی کا پروگرام متعارف کرانیکا اعلان