میزائل حملوں کے بعد پاکستان اور انڈیا کی فضائی لڑائی عسکری تاریخ کی طعیل ترین ‘ڈاگ فائٹ’ قرار
اشاعت کی تاریخ: 8th, May 2025 GMT
سینیئر سیکیورٹی ذرائع نے بین الاقوامی میڈیا چینیل سی این این کو بتایا ہے کہ منگل کی رات انڈیا کے ساتھ پاکستان کی ہونے والی فضائی لڑائی جدید عسکری تاریخ میں لڑاکا طیاروں کی سب سے طویل ‘ڈاگ فائٹ’ تھی۔
سیکیورٹی ذرائع نے دعویٰ کیا ہے کہ اس لڑائی میں انڈیا کے 5 لڑاکے گر کر تباہ ہوگئے جن میں 3 فرانس سے خریدے گئے جدید ترین رافیل طیارے بھی شامل تھے۔
یہ بھی پڑھیے: بھارت کے پاکستان پر میزائل حملے، کب کیا ہوا؟
ذرائع کے مطابق رات کی تاریکی میں ایک گھنٹے تک جاری رہنے والی اس فضائی لڑائی میں دونوں جانب سے 125 لڑاکا طیاروں نے حصہ لیا جو اسے عسکری تاریخ کی طویل ترین ‘ڈاگ فائٹ’ بناتا ہے۔
واضح رہے کہ یہی دعویٰ اس سے قبل پاک فوج کے شعبہ تعلقات عامہ، وزیراعظم محمد شہباز شریف اور وزیر دفاع خواجہ آصف بھی کرچکے ہیں۔
ذرائع نے بتایا ہے کہ اس ڈاگ فائٹ کے دوران دونوں ممالک کے پائلٹ نے ایک سرحد پار کرنے کی کوشش نہیں کی تاہم اپنی سرحدی حدود میں ہی رہتے ہوئے ایک دوسرے پر ڈیڑھ سو کلومیٹر سے زائد کے فاصلے پر میزائل فائر کیے۔
دفاعی ماہرین کے مطابق پاکستان نے اس لڑائی میں چینی ساختہ ‘بیونڈ ویچول رینج’ یعنی بی وی آر میزائلوں کا استعمال کیا جو بصری حد سے پار ہدف کو نشانہ بنانے کی صلاحیت رکھتے ہیں اور ان سے اپنی فضائی حدود میں رہتے ہوئے سرحد پار موجود طیاروں کو نشانہ بنایا جاسکتا ہے۔
یہ میزائل مبینہ طور پر جے ایف 17 اور جے 10 طیاروں سے فائر کیے گئے۔
یہ بھی پڑھیے: پاک بھارت تصادم: 2019 اور 2025 کے فوجی اور سفارتی ردعمل میں کیا فرق ہے؟
پاکستان اور بھارت کے درمیان مقبوضہ کشمیر کے علاقے پہلگام میں سیاحوں سمیت 27 افراد کی ایک حملے میں ہلاکت کے بعد تعلقات کشیدہ ہیں۔
بھارت نے واقعے میں پاکستان کے ملوث ہونے کا الزام لگا کر پیر اور منگل کی درمیانی شب بھارت نے پاکستان کے 3 شہروں، بہاؤلپور، کوٹلی اور مظفر آباد پر 2 درجن سے زیاہ میزائل فائر کیے جس سے اب تک 31 ہلاکتیں ہوئی ہیں۔
پاکستان نے حملوں کے فوری بعد ردعمل دیتے ہوئے بھارتی طیاروں اور لائن آف کنٹرول پر موجود فوجی چوکیوں کو نشانہ بنایا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
DOG FIGHT pak india انڈیا میزائل حملہ بہالپور بی وی آر پاک انڈیا کشیدگی پہلگام حملہ رافیل طیارہ میزائل.ذریعہ: WE News
کلیدی لفظ: انڈیا میزائل حملہ بی وی آر پاک انڈیا کشیدگی پہلگام حملہ رافیل طیارہ
پڑھیں:
روسی جنگی طیارے 12 منٹ تک ہماری فضائی حدود میں رہے, اسٹونیا کا الزام
ٹالِن: اسٹونیا حکومت نے الزام لگایا ہے کہ روسی جنگی طیاروں نے اس کی فضائی حدود کی خلاف ورزی کی اور 12 منٹ تک اندر رہنے کے بعد واپس گئے۔
غیر ملکی خبر رساں ادارے کے مطابق اسٹونیا نے دعویٰ کیا ہے کہ روسی طیاروں کی یہ پرواز بین الاقوامی اصولوں کی خلاف ورزی ہے اور اس معاملے پر نیٹو کو بھی آگاہ کردیا گیا ہے۔
دوسری جانب روسی وزارت دفاع نے اسٹونیا کے الزامات کو سختی سے مسترد کرتے ہوئے کہا ہے کہ روسی طیاروں نے کسی ملک کی فضائی حدود کی خلاف ورزی نہیں کی۔ وزارت کے مطابق یہ پروازیں بحیرہ بالٹک کے نیوٹرل حصے میں اور مکمل طور پر بین الاقوامی قوانین کے تحت کی گئیں۔
واضح رہے کہ چند روز قبل روس کے 20 ڈرون طیارے پولینڈ کی فضائی حدود میں داخل ہونے کا واقعہ بھی پیش آیا تھا، جس کے بعد پولینڈ اور اسٹونیا جیسے نیٹو رکن ممالک کی روس کے ساتھ کشیدگی مزید بڑھ گئی ہے۔
ایران میں جوہری معائنہ کاروں کی واپسی مفاہمت کی جیت، رافائل گروسی