سندھ، پنجاب اور بلوچستان میں گرج چمک کے ساتھ طوفانی بارش کی پیشگوئی
اشاعت کی تاریخ: 9th, May 2025 GMT
اسلام آباد:
محکمہ موسمیات نے پیش گوئی کی ہے کہ آئندہ 6 سے 8 گھنٹوں کے دوران سندھ، پنجاب اور بلوچستان میں گرج چمک کے ساتھ طوفانی بارش کا امکان ہے۔
محکمہ موسمیات نے بتایا کہ آئندہ 6 سے 8 گھنٹوں کے دوران صوبہ سندھ کے علاقوں کشمور، جیکب آباد، لاڑکانہ، سکھر، دادو، شہید بینظیر آباد، نوشہروفیروز، تھرپارکر، عمرکوٹ، میرپورخاص، اسلام کوٹ، نگرپارکر، سانگھڑ، حیدر آباد، ٹھٹھہ پور میں گرد اور گرج چمک کے ساتھ بارش کا امکان ہے۔
محکمہ موسمیات نے مزید بتایا کہ وسطی اور جنوبی پنجاب کے علاقوں سرگودھا، خوشاب، ٹوبہ ٹیک سنگھ، فیصل آباد، لاہور، شیخوپورہ، جھنگ، بھکر، لیہ، ڈی جی خان، تونسہ، کوٹ ادو، مظفر گڑھ، ملتان، خانیوال، صادق آباد، راجن پور، بہاولپور اور رحیم آباد میں شدید بارش اور تیز ہواؤں کی پیش گوئی ہے۔
اسی طرح بارکھان، سبی، کوہلو، ژوب، موسیٰ خیل، خضدار، بیلہ، قلات، لسبیلہ اور گردونواح میں طوفانی بارشیں متوقع ہیں۔
.ذریعہ: Express News
پڑھیں:
لاپتا یا دہشتگرد گروہ میں شامل رشتے دار کی اطلاع نہ دینے پر کارروائی ہوگی، محکمہ داخلہ بلوچستان کا انتباہ
صوبائی دارالحکومت سمیت بلوچستان بھر میں دہشت گردی کے بڑھتے خطرات کے پیش نظر حکومت بلوچستان نے ایک اہم اور سخت عوامی ہدایت نامہ جاری کردیا۔
محکمہ داخلہ کی جانب سے جاری اشتہار میں والدین اور اہل خانہ کو واضح طور پر تنبیہ کی گئی ہے کہ اگر کوئی فرد گھر سے لاپتا ہو جائے یا کسی غیر ریاستی یا دہشتگرد گروہ میں شامل ہو تو اس کی اطلاع فوری طور پر دینا لازمی ہے۔
یہ بھی پڑھیں: بلوچستان: یوم آزادی پر دہشتگردی کی بڑی سازش ناکام، لیکچرر کی سہولت کاری بے نقاب
اشتہار میں کہا گیا ہے کہ ایسے شخص کی اطلاع نہ دینے والے خاندانوں کو سہولت کار سمجھا جائے گا اور ان کے خلاف سخت قانونی کارروائی کی جائے گی۔
اشتہار کے مطابق اگر کوئی فرد لاپتا ہو تو اس کی اطلاع قریبی پولیس اسٹیشن یا ایف سی، آرمی ونگ کو ایک ہفتے کے اندر لازمی دی جائے۔ پہلے سے لاپتا افراد کے بارے میں موجودہ معلومات بھی 7 دن کے اندر فراہم کرنا ہوں گی۔
اسی طرح ایسے افراد کے اہل خانہ یا قانونی سرپرست جن کے بچے یا عزیز دہشتگرد گروہوں میں شامل ہو چکے ہوں، انہیں علیحدگی اور عاق کرنے کا حلفیہ بیان دینا لازمی ہوگا۔
اشتہار میں واضح کیا گیا ہے کہ اگر کوئی خاندان اطلاع نہ دے یا علیحدگی کا بیان جمع نہ کرائے اور بعد میں ثابت ہو کہ ان کا عزیز دہشتگرد سرگرمیوں میں ملوث تھا، تو اس خاندان کو اعانت کار قرار دیا جائے گا۔ ان کا نام فورتھ شیڈول میں شامل کرکے انسداد دہشتگردی ایکٹ 1997 کے تحت کارروائی کی جائے گی۔
محکمہ داخلہ نے مزید کہا ہے کہ سہولت کاروں کے خلاف سخت قانونی اقدامات کیے جائیں گے جن میں جائیداد ضبطگی، سرکاری ملازمت سے برطرفی اور ریاست کی جانب سے ملنے والے مالی و فلاحی پیکجز سے محرومی شامل ہے۔
یہ بھی پڑھیں: بلوچستان میں دہشتگردی کا خاتمہ قریب، امن کا سورج جلد طلوع ہوگا، وزیراعلیٰ سرفراز بگٹی
یہ اشتہار صوبے میں دہشتگردی کے خلاف جاری کریک ڈاؤن کے تناظر میں جاری کیا گیا ہے تاکہ دہشتگردوں کے سہولت کاروں اور خاموش تماشائیوں کو قانون کے کٹہرے میں لایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اطلاع بلوچستان دہشتگردی کارروائی لاپتا رشتے دار محکمہ داخلہ وی نیوز
ایشیاءکپ میں ہاتھ ملانے کا تنازعہ،بھارتی کرکٹ بورڈکا بیان آگیا