پاک فوج کا منہ توڑ جواب، دشمن نے پھر سفید جھنڈا لہرا دیا
اشاعت کی تاریخ: 9th, May 2025 GMT
ویب ڈیسک: لائن آف کنٹرول (ایل او سی) پر جاری کشیدگی کے دوران پاک فوج کی منہ توڑ جوابی کارروائیوں کے باعث بھارتی فوج نے ایک بار پھر شکست تسلیم کرلی اور سفید جھنڈا لہرا دیا۔
سکیورٹی ذرائع کے مطابق بٹل سیکٹر کے بالمقابل دھرمسال 2 پوسٹ پر شدید جوابی کارروائی کے بعد بھارتی فوج نے گھٹنے ٹیکتے ہوئے سفید جھنڈا لہرایا۔ یہ عمل میدان جنگ میں شکست تسلیم کرنے کی علامت سمجھا جاتا ہے۔
پنجاب بھر کے سکولوں میں تعطیلات کا اعلان
ذرائع نے بتایا کہ بھارتی فوج کی بزدلانہ کارروائیوں کا پاک فوج مؤثر، بھرپور اور بھرپور عسکری جواب دے رہی ہے جس سے دشمن کی صفوں میں خوف و ہراس پھیل چکا ہے۔
مزید بتایا گیا ہے کہ پاک فوج کی دفاعی حکمت عملی اور بروقت ردعمل نے دشمن کے عزائم خاک میں ملا دیے ہیں اور بھارتی فورسز کی ہزیمت اب سفید جھنڈے کی صورت میں دنیا کے سامنے آ رہی ہے۔
.ذریعہ: City 42
کلیدی لفظ: پاک فوج
پڑھیں:
ایشیا کپ سپر فور مرحلہ: بھارتی کپتان کی ڈھٹائی، پھر ہاتھ نہ ملایا، پاکستان کو 6 وکٹوں سے شکست
لاہور (سپورٹس رپورٹر) ٹی 20 ایشیا کپ کے سپر فور مرحلے کے دوسرے میچ میں بھارت نے پاکستان کو 6 وکٹ سے ہرا دیا۔ دبئی میں کھیلے گئے میچ میں بھارتی ٹیم نے پاکستان کی طرف سے ملے 172 رنز کے ہدف کو7 گیندوں قبل حاصل کر لیا، یہ ایونٹ میں پاکستان کی بھارت سے مسلسل دوسری شکست ہے۔ پاکستان نے 5 وکٹوں پر 171 رنز بورڈ پر سجائے۔ صاحبزادہ فرحان نے 58 رنز کی باری کھیلی، صائم ایوب اور محمد نواز 21، 21، فخر زمان 15 اور حسین طلعت 10 رنز بنا کر پویلین لوٹ گئے۔ سلمان علی آغا 17 اور فہیم اشرف 20 رنز پر ناٹ آئوٹ رہے۔ شیوم دوبے نے 2، ہاردک پانڈیا اور کلدیپ یادیو نے 1، 1 وکٹ حاصل کی جبکہ محمد نواز رن آئوٹ ہوئے۔ہدف کے تعاقب میں بھارتی اوپنر ابھیشیک شرما اور شبمن گل نے پہلی وکٹ پر 105 رنز کی شراکت قائم کی۔ شبمن گل نے 28 گیندوں پر 47 رنز بنائے۔ 106 کے مجموعے پر پاکستان کو دوسری وکٹ کپتان سوریا کمار یادیو کی ملی، جو بغیر کوئی رن بنائے بولڈ ہوئے۔ ابھیشیک شرما نے39 گیندوں پر 74 رنز کی اننگز کھیلی۔ سنجو سیمسن 13 رنز پر بولڈ ہو گئے۔ حارث رئوف نے 2، ابرار احمد اور فہیم اشرف نے 1، 1 وکٹ حاصل کی۔ ابھیشیک شرما کو میچ کا بہترین کھلاڑی قرار دیا گیا۔ ایونٹ میں آج آرام کا دن ہے۔ پاکستان سپر فور مرحلے کا دوسرا میچ سری لنکا کیخلاف کل کھیلے گا۔ میچ کے ٹاس کیلئے بھارتی کپتان سوریا کمار یادیو اور پاکستانی کپتان سلمان علی آغا میدان میں اترے تھے، بھارتی کپتان سوریا کماریا دیو نے پاکستانی کپتان سلمان علی آغا سے ٹاس کے بعد روایتی طور پر ہاتھ نہیں ملایا، میچ ریفری کے فرائض اینڈی پائی کرافٹ نے ہی انجام دئیے۔ سوریا کمار یادو ٹاس جیتنے کے بعد روی شاستری سے فیصلے اور سکواڈ سے متعلق گفتگو کر کے منظر نامہ سے چلے گئے۔ خیال رہے کہ گزشتہ ہفتے بھی پاکستان، بھارت میچ میں ٹاس کے وقت بھارتی کپتان نے پاکستانی کپتان سے ہاتھ نہیں ملایا تھا، بھارتی کھلاڑیوں نے میچ کے اختتام پر بھی پاکستانی کھلاڑیوں سے ہاتھ نہیں ملایا تھا۔
عراق پر اسرائیلی حملے کی وارننگ کے بعد دفاعی اقدامات کا آغاز