مستونگ سے کامیاب جے یو آئی امیدوار نواب اسلم رئیسانی کے خلاف انتخابی عذرداری خارج
اشاعت کی تاریخ: 9th, May 2025 GMT
—فائل فوٹو
سپریم کورٹ آف پاکستان نے مستونگ سے جے یو آئی کے کامیاب امیدوار نواب اسلم رئیسانی کے خلاف انتخابی عذرداری خارج کر دی۔
عدالتِ عظمیٰ نے انتخابی عذرداری تکنیکی بنیادوں پر خارج کرتے ہوئے حلقہ پی بی 37 مستونگ سے متعلق انتخابی عذرداری ناقابلِ سماعت قرار دے دی۔
جسٹس شاہد وحید کی سربراہی میں 3 رکنی بینچ نے الیکشن کمیشن کے خلاف اپیل پر سماعت کی۔
پیپلز پارٹی کے امیدوار نور احمد بنگلزئی نے الیکشن ٹریبونل کے فیصلے کو سپریم کورٹ میں چیلنج کر رکھا تھا اور مبینہ دھاندلی کو بنیاد بنا کر دوبارہ گنتی کی استدعا کر رکھی تھی۔
دورانِ سماعت درخواست گزار نور احمد بنگلزئی کے وکیل وسیم سجاد نے دلائل دیتے ہوئے کہا کہ الیکشن ٹریبونل کا آرڈر مستونگ پی بی 37 سے متعلق ہے، اس حلقے میں مسترد ووٹوں کی تعداد بہت زیادہ ہے، اتنی بڑی تعداد میں مسترد ووٹ جیت اور ہار پر براہِ راست اثر انداز ہو رہے ہیں، الیکشن کمیشن نے ووٹوں کی ری کاؤنٹنگ کو مسترد کر دیا۔
جمعیت علما اسلام کے سربراہ مولانا فضل الرحمان نے کہا کہ بلوچستان میں مسائل کا انبار ہے، وسائل کچھ نہیں ہیں۔
جسٹس عامر فاروق نے کہا کہ ہمارے پاس تو معاملہ بالکل مختلف ہے، آپ کی درخواست ہی ناقابلِ سماعت قرار دے دی گئی تھی، درخواست بیانِ حلفی مصدقہ نہ ہونے کی وجہ سے مسترد ہوئی۔
وکیل وسیم سجاد نے جواب دیا کہ ہم نے بیانِ حلفی اوتھ کمشنر کی تصدیق کا لگایا ہوا تھا۔
جسٹس شاہد وحید نے کہا کہ اوتھ کمشنر نے بیانِ حلفی کو ضابطے کے مطابق ٹیسٹ نہیں کیا، گواہوں کے بیانات بھی درست طور پر نہیں لگائے گئے تھے، سپریم کورٹ کے متعدد فیصلوں میں کہا گیا کہ اگر تصدیق شدہ بیانِ حلفی نہ ہوں تو الیکشن ٹریبونل میں ایسی درخواست ناقابلِ قبول ہوتی ہے، آپ نے بیانِ حلفی درست نہیں دیا، طے شدہ اصولوں کے تحت بیانِ حلفی جمع کرانا ضروری ہے۔
وکیل وسیم سجاد نے بتایا کہ وکیل نے تصدیق کی تھی۔
جسٹس شاہد وحید نے استفسار کیا کہ وکیل کیسے جانتا تھا اور وکیل کیسے تصدیق کر سکتا ہے؟ تصدیق کو ضروری قرار دیا گیا، بیانِ حلفی آپ نے درست نہیں دیا، بیانِ حلفی کی تصدیق ہونا ضروری ہے، سپریم کورٹ قرار دے چکی کہ غیر مصدقہ بیانِ حلفی والی الیکشن پٹیشن ناقابلِ قبول ہے۔
وکیل وسیم سجاد نے کہا کہ آپ تکنیکی بنیادوں پر کیوں جا رہے ہیں، میرا کیس بہت سادہ ہے، میں نے صرف ری کاؤنٹنگ کا کہا ہے، ری کاؤنٹنگ میں حرج کیا ہے؟
جسٹس شاہد وحید تے کہا کہ معذرت، آپ کی درخواست خارج کی جاتی ہے۔
.ذریعہ: Jang News
کلیدی لفظ: وکیل وسیم سجاد نے جسٹس شاہد وحید سپریم کورٹ نے کہا کہ
پڑھیں:
پی پی ایس سی کا 06 مختلف آسامیوں کے حتمی نتائج کا اعلان
قیصر کھوکھر : پنجاب پبلک سروس کمیشن نے 06 مختلف آسامیوں کے حتمی نتائج کا اعلان کر دیا ہے۔
سیکرٹری پنجاب پبلک سروس کمیشن افضال احمد کی ہدایات پرکامیاب امیدواروں کے نوٹیفکیشنز پی. پی. ایس. سی کی ویب سائٹ پر جاری کر دیے گئے ہیں۔ پنجاب پبلک سروس کمیشن کے ترجمان کے مطابق:
محکمہ زراعت کے ریسرچ وِنگ میں سائنٹیفک آفیسر (سائل سائنس، لیب فیلڈ) کی 26 اسامیوں کے لیے تحریری امتحان اور انٹرویو مکمل ہونے کے بعد 26 امیدواروں کو حتمی طور پر کامیاب قرار دیا گیا ہے، جبکہ ایک آسامی اقلیتوں کے کوٹے کے تحت پر کی گئی۔اسی محکمہ زراعت کے واٹر مینجمنٹ وِنگ میں اسسٹنٹ کی 3 اسامیوں کے لیے 3 امیدواروں کو حتمی طور پر کامیاب قرار دیا گیا ہے۔
محکمہ معدنیات و کان کنی (مائنز لیبر ویلفیئر آرگنائزیشن) میں اسسٹنٹ ڈائریکٹر (MLW) کی ایک آسامی کے لیے ایک امیدوار کو صوبائی حکومت کو سفارش کے لیے نامزد کر دیا گیا ہے۔
محکمہ اسپیشلائزڈ ہیلتھ کیئر اینڈ میڈیکل ایجوکیشن میں ایسوسی ایٹ پروفیسر کارڈیالوجی (BS-19) کی ایک آسامی کے لیے ایک امیدوار کو کامیاب قرار دیا گیا ہے۔
اسی محکمہ میں ایسوسی ایٹ پروفیسر پیڈی ایٹرک کارڈیالوجی (BS-19) کی ایک آسامی کے لیے ایک امیدوار کو کامیاب قرار دیا گیا ہے، جبکہ ایک آسامی موزوں امیدوار کی عدم دستیابی کے باعث خالی رہ گئی۔
مزید برآں، ایسوسی ایٹ پروفیسر پیڈی ایٹرک ہیماٹولوجی آنکولوجی (BS-19) کی دو اسامیوں کے لیے دو امیدواروں کو حتمی طور پر کامیاب قرار دیا گیا ہے۔
وزیر اعلیٰ پنجاب مریم نواز کل سرکاری دورے پر برازیل روانہ ہوں گی
Ansa Awais Content Writer
رینجرز نے لیاری گینگ کے مطلوب کارندے کو گرفتار کرلیا