بنگلا دیش میں انتخابی مہم کے دوران ریلی پر فائرنگ: ایک شخص جاں بحق،امیدوار سمیت 2افراد زخمی
اشاعت کی تاریخ: 6th, November 2025 GMT
ڈھاکا: بنگلادیش کے شہر چٹوگرام میں انتخابی مہم کے دوران ریلی پر موٹر سائیکل سوار حملہ آوروں کی فائرنگ سے ایک شخص جاں بھق اور دو زخمی ہوگئے۔
میڈیاذرائع کا کہنا ہے کہ پولیس کے مطابق حملہ آوروں کی فائرنگ سے زخمیوں ہونے والوں میں اپوزیشن جماعت بی این پی کے امیدوار ارشاد اللہ بھی شامل ہیں، یہ واقعہ ایسے وقت میں پیش آیا، جب ملک کی سیاسی جماعتوں نے تاریخی عام انتخابات کے لیے اپنی مہم شروع کر دی ہیں۔
پولیس کا کہنا تھا کہ حملہ آوروں نے ہجوم پر فائرنگ کی اور فرار ہوگئے۔جبکہ بی این پی رہنما امیر خسرو محمود چوہدری نے واقعے کو سیاسی عدم استحکام پیدا کرنے اور انتخابات میں رکاوٹ ڈالنے کی کوشش قرار دیا۔
بنگلہ دیش کے عبوری سربراہ محمد یونس نے واقعے کی تحقیقات کا حکم دیا اور تمام سیاسی جماعتوں سے پرامن اور شفاف انتخابات کے لیے تحمل کا مظاہرہ کرنے کی اپیل کی۔
سابق وزیراعظم شیخ حسینہ کی گزشتہ سال اگست میں حکومت کے خاتمے کے بعد فروری 2026 میں عام انتخابات ہونے والے ہیں، جس کے لیے بنگلادیش کی بڑی سیاسی جماعتوں نے گزشتہ روز انتخابی مہم کا آغاز کیا ہے۔
.
ذریعہ: Al Qamar Online
پڑھیں:
بھارتی ریاست بہار میں پہلے مرحلے کے انتخابات کے دوران ریکارڈ ٹرن آؤٹ
بھارتی ریاست بہار میں پہلے مرحلے کے انتخابات کے دوران ووٹرز کا جوش و خروش دیکھنے میں آیا، اور ریکارڈ ٹرن آؤٹ رہا۔
بھارتی میڈیا رپورٹس کے مطابق پہلے مرحلے کے الیکشن کے لیے ووٹر ٹرن آؤٹ کا تناسب 64.66 فیصد ریکارڈ کیا گیا، جو ریاست کی تاریخ میں کسی بھی اسمبلی انتخابات میں سب سے زیادہ ہے۔
مزید پڑھیں: بہار الیکشن: مودی کو سخت مقابلے کا سامنا، عوام بے روزگاری اور ووٹر فہرستوں پر سراپا احتجاج
اس سے قبل 2000 کے اسمبلی انتخابات میں سب سے زیادہ ووٹر ٹرن آؤٹ 62.57 فیصد ریکارڈ ہوا تھا، جبکہ لوک سبھا انتخابات میں بہار کی سب سے زیادہ حاضری 1998 میں 64.6 فیصد تھی۔
چیف الیکشن کمشنر گیانیش کمار نے ووٹ ڈالنے والے شہریوں اور انتخابی عملے کی محنت کو سراہا۔
ووٹر ٹرن آؤٹ میں یہ اضافہ اس لیے بھی قابلِ توجہ ہے کیونکہ ریاست میں ووٹر لسٹوں کی خصوصی جانچ پڑتال کے دوران 47 لاکھ نام حذف کردیے گئے تھے۔اس سے ووٹر بیس 7.89 کروڑ سے کم ہو کر 7.42 کروڑ رہ گیا، جس سے تناسب کے اعتبار سے ٹرن آؤٹ زیادہ دکھائی دے رہا ہے۔
پہلے مرحلے میں صرف 121 نشستوں کے لیے پولنگ ہوئی، جبکہ باقی 122 نشستوں پر 11 نومبر کو ووٹنگ ہوگی اور نتائج کا اعلان 14 نومبر کو کیا جائےگا۔
سیاسی مبصرین کے مطابق زیادہ ووٹر ٹرن آؤٹ ہمیشہ حکومتی مخالفت کا مظہر نہیں ہوتا۔
گزشتہ انتخابات میں بھی بہار میں مختلف مرحلوں کے دوران ووٹر ٹرن آؤٹ میں اضافہ ہوا لیکن حکومت میں تبدیلی نہیں ہوئی۔
مزید پڑھیں: بھارتی ریاست بہار میں اسمبلی انتخابات کا آغاز، پہلے مرحلے میں 28 فیصد ووٹنگ مکمل
پہلے مرحلے میں اہم سیاسی شخصیات میں مہاگٹھ بندھن کے رہنما تیجسوی یادو شامل تھے، جنہوں نے اپنے خاندانی حلقے راگھوپور سے انتخاب لڑا۔
گذشتہ 2020 کے انتخابات میں راشٹریہ جنتا دل سب سے بڑی جماعت کے طور پر ابھری تھی جس نے 75 نشستیں حاصل کیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بھارت بہار الیکشن بی جے پی کانگریس ووٹرز ٹرن آؤٹ وی نیوز
سندھ میں گاڑیوں کی نمبر پلیٹس بنوانے کی تاریخ میں مزید 2 ماہ کی توسیع