سابق آسٹریلوی ٹیسٹ کرکٹر باب کاوپر چل بسے
اشاعت کی تاریخ: 11th, May 2025 GMT
سابق آسٹریلوی ٹیسٹ کرکٹر باب کاوپر 84 سال کی عمر میں چل بسے۔
1966ء میں ایم سی جی میں انگلینڈ کے خلاف 307 رنز کی اننگز باب کاوپر کی وجہ شہرت بنی، جو اُس وقت آسٹریلیا کی سرزمین پر سب سے بڑی ٹیسٹ اننگز تھی۔
باب کاوپر نے آسٹریلیا کی جانب سے 27 ٹیسٹ میچز کھیلے جس میں انہوں نے 2061 رنز بنائے، جس میں 5 سنچریاں بھی شامل تھیں۔
کاوپرنے فرسٹ کلاس کرکٹ میں وکٹوریا کی نمائندگی کرتے ہوئے 147 میچز میں 10 ہزار 595 رنز بنائے، 26 سنچریوں کے ساتھ ان کا بیٹنگ اوسط 53.
کرکٹ آسٹریلیا نے اپنے تعزیتی بیان میں کہا کہ باب کاوپر ایک انتہائی باصلاحیت بائیں ہاتھ کے بلے باز تھے، جنہیں ان کی نفیس بیٹنگ، کریز پر صبر اور بڑے اسکور بنانے کی صلاحیت کے لیے یاد رکھا جائے گا۔
باب کاوپر نے محض 28 سال کی عمر میں اسٹاک بروکر اور مرچنٹ بینکر کی حیثیت سے اپنا کیریئر بنانے کی وجہ سے کرکٹ کو خیرباد کہہ دیا تھا۔
باب کاوپر بعد میں آئی سی سی میچ ریفری کے طور پر بھی خدمات انجام دیتے رہے۔
Post Views: 4ذریعہ: Daily Mumtaz
پڑھیں:
ہاردک پانڈیا سے رومانوی تعلقات؛ بالی ووڈ اداکارہ بول اُٹھیں
بھارتی ٹیم کے جارح مزاج آل راؤنڈر ہاردک پانڈیا کو ڈیٹ کرنے سے متعلق خبرون پر بالی ووڈ اداکارہ ایشا گُپتا بھی بول اُٹھیں۔
گزشتہ روز ایک انٹرویو میں بالی ووڈ اداکارہ ایشا گُپتا نے بتایا کہ بھارتی کرکٹر ہاردک پانڈیا اور وہ ایک دوسرے سے رابطے میں تھے لیکن ہمارے درمیان یہ رابطہ کبھی بھی کسی قسم کے سنجیدہ تعلق میں تبدیل نہیں ہوسکا۔
انہوں نے کہا کہ 'ہاں، کچھ وقت کیلئے ہم بات کررہے تھے، میں نہیں سمجھتی کہ ہم ڈیٹنگ کر رہے تھے، لیکن ہاں، بات چیت ہو رہی تھی' تاہم ان خبروں ایسے دیکھنا مناسب نہیں۔
مزید پڑھیں: کرکٹر کو ممبر پارلیمنٹ سے منگنی کے محض 2 ہفتے بعد خوشخبری مل گئی
اداکارہ سے میزبان نے پوچھا کہ کیا یہ رابطہ کبھی کسی قسم کے تعلق میں بدل سکتا تھا؟ جس پر ایشا نے جواب دیا کہ ایمانداری سے جواب دیا کہ 'شاید ایسا ہو سکتا تھا، لیکن چیزیں جلد ہی ختم ہوگئیں۔
مزید پڑھیں: رنکو سنگھ کے بعد ایک اور بھارتی کرکٹر نے بچپن کی دوست سے منگنی کرلی
ایشا گپتا سے رابطہ منقطع ہونے کے بعد ہاردک پانڈیا نے معروف ماڈل و اداکارہ نتاشا اسٹینکووچ سے شادی کرلی تھی، تاہم اس جوڑے نے گزشتہ سال انسٹاگرام پر اپنی طلاق کا اعلان کیا۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی