ویرات کوہلی نے ٹیسٹ کرکٹ سے ریٹائرمنٹ کا اعلان کردیا
اشاعت کی تاریخ: 12th, May 2025 GMT
بھارتی کرکٹ ٹیم کے سابق کپتان ویرات کوہلی نے ٹیسٹ کرکٹ سے فوری ریٹائرمنٹ کا اعلان کیا ہے۔ 36 سالہ کوہلی نے یہ فیصلہ ایسے وقت میں کیا ہے جب بھارت کا انگلینڈ کا دورہ محض ایک ماہ دور ہے۔ ان کی ریٹائرمنٹ کے اعلان سے کرکٹ حلقوں میں حیرت کی لہر دوڑ گئی۔
کوہلی نے 111 ٹیسٹ میچز میں 9230 رنز بنائے، جس میں ان کی اوسط 46.
سوشل میڈیا پر اپنے جذباتی پیغام میں کوہلی نے لکھا کہ یہ 14 سال پہلے کی بات ہے جب میں نے پہلی بار ٹیسٹ کرکٹ میں بھارت کے لیے سفید لباس پہنا۔ میں نے کبھی نہیں سوچا تھا کہ یہ فارمیٹ مجھے کس سفر پر لے جائے گا۔ اس نے مجھے آزمایا، نکھارا اور ایسی زندگی کی سچائیاں سکھائیں جو ہمیشہ میرے ساتھ رہیں گی۔
مزید پڑھیں: روہت شرما ٹیسٹ فارمیٹ سے ریٹائر، اگلا کپتان کون ہوگا؟
انہوں نے لکھا کہ میں اس فارمیٹ سے رخصت ہو رہا ہوں، یہ آسان نہیں، لیکن درست محسوس ہو رہا ہے۔ میں نے ٹیسٹ کرکٹ کو اپنی تمام تر توانائیاں دیں اور بدلے میں اس کھیل نے مجھے بہت کچھ لوٹایا۔
یاد رہے کہ چند دن قبل ہی روہت شرما نے بھی ٹیسٹ کرکٹ سے کنارہ کشی اختیار کی تھی، جس کے بعد کوہلی کے فیصلے نے بھارتی ٹیم کی ٹیسٹ لائن اپ پر اہم سوالات اٹھا دیے ہیں۔
ویرات کوہلی نے نہ صرف بطور بیٹر بلکہ ایک جارح مزاج کپتان کے طور پر بھی بھارتی ٹیسٹ کرکٹ کو نئی شناخت دی۔ ان کی قیادت میں بھارت نے آسٹریلیا میں تاریخی ٹیسٹ سیریز جیتی اور طویل عرصے تک ٹیسٹ رینکنگ میں سرفہرست رہا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت ٹیسٹ میچز راہول ڈریوڈ ریٹائرڈ سچن ٹنڈولکر سنیل گواسکر ورات کوہلیذریعہ: WE News
کلیدی لفظ: بھارت ٹیسٹ میچز راہول ڈریوڈ ریٹائرڈ سچن ٹنڈولکر سنیل گواسکر ورات کوہلی ٹیسٹ کرکٹ کوہلی نے
پڑھیں:
اسلام آباد پولیس کی ٹریفک ایڈوائزری، کرکٹ سیریز کے دوران متبادل راستوں کا اعلان
9 نومبر سے راولپنڈی کرکٹ اسٹیڈیم میں ہونے والے ون ڈے اور ٹرائی نیشن کرکٹ سیریز کے دوران کرکٹ ٹیموں کی اسلام آباد سے راولپنڈی تک موومنٹ کے موقع پر اسلام آباد ٹریفک پولیس نے شہریوں کی سہولت کے لیے خصوصی ٹریفک پلان جاری کر دیا ہے۔
یہ بھی پڑھیں:بابر اعظم نے بین الاقوامی کرکٹ میں 15 ہزار رنز کا سنگ میل عبور کرلیا
ترجمان کے مطابق میچز کے دوران ٹریفک پولیس کے 300 سے زائد افسران ڈیوٹی سرانجام دیں گے تاکہ ٹریفک کی روانی برقرار رکھی جا سکے۔
ٹریفک پولیس نے شہریوں کے لیے متبادل راستوں کی بھی نشاندہی کی ہے۔ فیصل ایونیو بند ہونے کی صورت میں شہری سری نگر ہائی وے، کلب روڈ سے فیض آباد یا پارک روڈ سے لہتراڑ روڈ استعمال کر سکتے ہیں۔
اسی طرح نائنتھ ایونیو بند ہونے پر سبزی منڈی موڑ، پولیس لائن چوک سے سری نگر ہائی وے یا راولپنڈی سے گولڑہ موڑ اور پشاور موڑ کے راستے سفر کیا جا سکتا ہے۔
مارگلہ روڈ سے کھنہ کی سمت جانے والے شہریوں کو بلیو ایریا سے کلب روڈ اور لہتراڑ روڈ استعمال کرنے کی ہدایت کی گئی ہے۔ سروس روڈز پر ٹریفک پولیس کے افسران شہریوں کی رہنمائی کے لیے موجود رہیں گے۔
یہ بھی پڑھیں:جنوبی افریقہ کے خلاف بہترین کارکردگی پر ابرار احمد مین آف دی قرار
ترجمان نے بتایا کہ ٹیموں کی موومنٹ کے دوران ایکسپریس ہائی وے اور سری نگر ہائی وے پر رش کے اوقات میں ٹریفک کی روانی متاثر ہو سکتی ہے۔ شہریوں سے اپیل کی گئی ہے کہ وہ سفر کے لیے اضافی وقت کے ساتھ نکلیں، تحمل کا مظاہرہ کریں اور ٹریفک پولیس سے تعاون کریں۔
مزید آگاہی کے لیے شہری اسلام آباد پولیس کے سوشل میڈیا پیجز اور ایف ایم 92.4 سے رہنمائی حاصل کر سکتے ہیں۔ کسی بھی ہنگامی صورتحال میں پکار 15 یا ٹریفک ہیلپ لائن 1915 پر رابطہ کیا جا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد پولیس پاکستان ٹرائی نیشن سیریز ٹریفک پلان ٹریفک پولیس راولپنڈی کرکٹ
اظہر جاوید سماء ٹی وی پاکستان کے برطانیہ میں بیورو چیف مقرر