ٹھٹہ کی تاریخی شاہ جہاں مسجد کے شاہی خطیب انتقال کر گئے
اشاعت کی تاریخ: 12th, May 2025 GMT
لاہور(نیوز ڈیسک)مولانا عبد الباسط صدیقی کو گزشتہ رات دل کا دورہ پڑنے پر سول اسپتال مکلی لے جایا گیا تاہم وہ جانبر نہ ہو سکے اور خالق حقیقی سے جا ملے۔ فوٹو فائل
ٹھٹہ کی تاریخی شاہ جہاں مسجد کے پیش امام مولانا عبد الباسط صدیقی انتقال کر گئے۔
مفتی مولانا شاکر نے والد کے انتقال کی تصدیق کرتے ہوئے بتایا کہ ان کے مرحوم والد مولانا عبد الباسط صدیقی شاہ جہاں مسجد کے نویں شاہی خطیب تھے۔
مفتی مولانا شاکر نے بتایا کہ مرحوم مولانا عبد الباسط صدیقی کی نماز جنازہ آج بعد نماز ظہر شاہ جہاں مسجد میں ادا کی جائے گی۔
مولانا عبد الباسط صدیقی کو گزشتہ رات دل کا دورہ پڑنے پر سول اسپتال مکلی لے جایا گیا تاہم وہ جانبر نہ ہو سکے اور خالق حقیقی سے جا ملے۔
پشاور میں پولیس موبائل کے قریب دھماکا، دو پولیس اہلکار شہید،5 افراد زخمی
.ذریعہ: Daily Ausaf
کلیدی لفظ: مولانا عبد الباسط صدیقی شاہ جہاں مسجد
پڑھیں:
کراچی میں پولیس اور اسٹریٹ کرمنلز کے درمیان مختلف مقابلے، 6 زخمی ڈاکوؤں سمیت 10 ملزمان گرفتار
کراچی:شہر قائد میں اسٹریٹ کرمنلز کے خلاف جاری کریک ڈاؤن کے دوران پولیس اور ملزمان کے درمیان مختلف علاقوں میں مبینہ مقابلے ہوئے۔
جن کے نتیجے میں مجموعی طور پر 6 زخمی ڈاکوؤں سمیت 10 ڈاکوؤں کو گرفتار کر لیا گیا۔
پہلا واقعہ شارعِ نور جہاں تھانے کی حدود میں پیش آیا، جہاں پولیس اور اسٹریٹ کرمنلز کے درمیان دو طرفہ فائرنگ کا تبادلہ ہوا۔ پولیس کے مطابق ایک ملزم زخمی حالت میں گرفتار کر لیا گیا، جبکہ اس کا ساتھی پولیس پر فائرنگ کرتے ہوئے فرار ہو گیا۔
گرفتار ملزم کی شناخت کاشف ساجد خان ولد یامین خان کے نام سے ہوئی ہے، جس کے قبضے سے ایک پستول برآمد کیا گیا۔
دوسری کارروائی اجمیر نگری پولیس نے سروس روڈ نزد فور جے بس اسٹاپ کے قریب کی، جہاں بین الصوبائی ڈکیت گروہ "ظالم چانڈیو گینگ" کے ساتھ مقابلہ ہوا۔
پولیس نے دو زخمیوں سمیت چار ملزمان کو گرفتار کیا، جن کی شناخت مور حسین عرف زخمی، انتھونی عرف کالو، فرحان عرف چٹہ اور علی شان کے ناموں سے ہوئی۔
ملزمان کے قبضے سے دو پستول، دو چھینی گئی موٹر سائیکلیں اور موبائل فونز برآمد کیے گئے۔ زخمی ملزمان کو فوری طور پر عباسی شہید اسپتال منتقل کیا گیا۔
ایک اور مبینہ پولیس مقابلہ ڈیفنس خیابانِ بحریہ، شاہین سگنل کے قریب پیش آیا، جہاں پولیس کی فائرنگ سے ایک ڈاکو زخمی ہو گیا۔ ریسکیو ذرائع کے مطابق زخمی ملزم کی شناخت عباس کے نام سے ہوئی ہے، جسے طبی امداد کے لیے اسپتال منتقل کر دیا گیا۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی