ملائیشیا: ماں کیساتھ سڑک عبور کرنے کے دوران ہاتھی کا بچہ ہلاک، ویڈیو نے لوگوں کے دل موم کردیے
اشاعت کی تاریخ: 12th, May 2025 GMT
ملائیشیا میں ہاتھی کا بچہ اپنی ماں کے ساتھ سڑک عبور کرنے کی کوشش کے دوران حادثے میں ہلاک ہو گیا جب کہ حادٖثے کے بعد سامنے آنے والی المناک ویڈیو نے لوگوں کے دل موم کردیے۔
غیر ملکی میڈیا کی رپورٹ کے مطابق سوشل میڈیا پر زیر گردش ویڈیو کو سڑک پر گزرتی ہوئی ایک گاڑی سے ریکارڈ کیا گیا، اس میں دکھایا گیا کہ ہلاک ہاتھی کی ماں نے اپنا سر گاڑی پر ٹکا رکھا ہے جیسا کہ وہ اپنے بے حرکت بچے کو گاڑی کے نیچے سے نکالنے کے لیے زور لگا رہی ہے۔
مقامی میڈیا کے مطابق حادثہ ایسٹ ویسٹ ہائی وے پر رات 2 بجے کے قریب پیش آیا، ہاتھی کو ٹکر مارنے والا ٹرک مرغیوں کی نقل و حمل کے لیے استعمال کیا جا رہا تھا۔ پیراک وائلڈ لائف پروٹیکشن اینڈ نیشنل پارکس ڈیپارٹمنٹ کے ڈائریکٹر یوسف شریف نے کہا کہ ایجنسی کو تقریباً 3.
رپورٹ کے مطابق انہوں نے کہا کہ ایک نر ہاتھی جس کی عمر 5 سال بتائی جاتی ہے اس وقت ہلاک ہو گیا جب وہ سڑک پار کرنے کی کوشش کر رہا تھا کہ اس دوران ایک ٹرک سے ٹکرا گیا۔
انہوں نے کہا کہ اپنے عملے کو اس مقام پر تعینات کردیا گیا تاکہ مادہ ہاتھی کی نگرانی کی جاسکے اور اسے پکڑ کر محفوظ علاقے میں منتقل کیا جا سکے۔"
رپورٹ کے مطابق حادثے کے بعد ہلاک ہاتھی کی ماں مشتعل ہو گئی اور غصے میں ٹرک کے اگلے حصے کو نقصان پہنچایا تاہم ڈرائیور محفوظ رہا۔
واقعے کی ویڈیو سامنے آنے کے بعد لوگوں نے ہتھنی کے ساتھ ہمدردی کا اظہار کیا اور کہا کہ یہ ایک ماں کے لیے کتنے دکھ کی بات ہے، وہ اپنے بچے کا انتظار کر رہی ہے لیکن وہ گاڑی کے نیچے سے نہیں نکل رہا، اس کے پاس ماں کا دل ہے حالانکہ وہ ایک جانور ہے۔
ایک اور شہری نے کہا کہ یہ ایسا ہے جیسے ہاتھی کی ماں امید کر رہی ہے کہ اس کا بچہ ابھی زندہ ہے، یہ افسوسناک واقعہ مدرز ڈے پر پیش آیا۔
A baby Elephant has been killed by a lorry whilst attempting to cross the East-West Highway near Gerik, Perak.
Moments later, its mother emerged from the forest, displaying visible distress and refusing to leave her baby's side.
No mother should have to suffer like this.
????… pic.twitter.com/7BaW4NpgM3
ذریعہ: Express News
پڑھیں:
کورنگی، پولیس اور مسلح ملزمان کے درمیان مبینہ مقابلہ، ایک ڈاکو ہلاک، دوسرا گرفتار
کراچی:شہر قائد کے علاقے کورنگی میں پولیس اور مسلح ملزمان کے درمیان مبینہ مقابلے کے دوران ایک ڈاکو ہلاک جبکہ دوسرا گرفتار کر لیا گیا۔ پولیس کے مطابق مقابلہ دو طرفہ فائرنگ کے نتیجے میں پیش آیا۔
پولیس ذرائع کے مطابق ہلاک ہونے والے ڈاکو کی شناخت وقار عرف وکی کے نام سے ہوئی ہے، جب کہ گرفتار ملزم کی تفصیلات تفتیشی عمل کے دوران سامنے آئیں گی۔
موقع پر موجود پولیس اہلکاروں نے دونوں ملزمان کے قبضے سے دو پستول برآمد کر کے تحویل میں لے لیں، جنہیں مزید تحقیقات اور فارنزک تجزیے کے لیے متعلقہ شعبے کے حوالے کیا گیا ہے۔
ہلاک ڈاکو کی لاش کو ضابطے کی کارروائی کے لیے اسپتال منتقل کر دیا گیا ہے، جب کہ گرفتار ملزم سے تفتیش جاری ہے تاکہ وارداتوں کے نیٹ ورک اور دیگر ممکنہ ساتھیوں کے بارے میں معلومات حاصل کی جا سکیں۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی