پھلوں کو بعد میں کھانے کیلئےفریز کیسے کریں؟ صحیح، آسان اور کم خرچ طریقہ طریقہ جانئے
اشاعت کی تاریخ: 12th, May 2025 GMT
فروٹ کو فریز کرنا نہ صرف ایک آسان طریقہ ہے بلکہ یہ موسمی ذائقوں کو طویل عرصے تک محفوظ رکھنے کا ایک مؤثر حل بھی ہے۔
چاہے گرمیوں میں تازہ اسٹرابیریز کی بھرمار ہو یا سال بھر اپنے پسندیدہ پھلوں کا ذائقہ برقرار رکھنا ہو، مناسب انداز میں فروٹ فریز کرنے سے نہ صرف خوراک ضائع ہونے سے بچتی ہے بلکہ صحت مند ناشتہ یا میٹھے کا فوری حل بھی مل جاتا ہے۔
شادیوں کے موسم میں ضرورت سے زیادہ کھانے اوربدہضمی سے بچنے کی 5 مفید ٹپس
چونکہ پھلوں کو ان کی پختگی کے عروج پر فریز کیا جاتا ہے، اس لیے ان کے غذائی اجزا اور قدرتی مٹھاس برقرار رہتی ہے، جو مصروف زندگی کا ایک بہترین اور آسان انتخاب بن جاتی ہے۔
اگر آپ موسمی پھلوں کا ذائقہ سال بھر برقرار رکھنا چاہتے ہیں؟ تو پھلوں کو فریز کرنا ایک نہایت آسان اور مؤثر طریقہ ہے۔ لیکن اس کے لیے چند بنیادی اصولوں کا خیال رکھنا ضروری ہے تاکہ ذائقہ، غذائیت اور ساخت محفوظ رہے۔
فریز کرنے سے پہلے کیا کریں؟
سب سے پہلے ایسے پھل چُنیں جو پکے ہوئے ہوں لیکن زیادہ نرم یا خراب نہ ہوں۔ انہیں اچھی طرح دھو کر خشک کرلیں کیونکہ نمی جمنے کے دوران برف کے ذرات اور فریزر برن کا باعث بن سکتی ہے۔
پھلوں کو ان کی قسم کے مطابق چھیلیں، گٹھلی نکالیں یا ٹکڑوں میں کاٹ لیں جیسے کیلے کو چھیل کر چھوٹے حصوں میں کاٹنا بہتر ہوتا ہے جبکہ سیب کا چھلکا اتارکر سلائس کرنا مفید رہتا ہے۔
فلیش فریزنگ کا طریقہ
پھلوں کو ایک ساتھ جما دینے کے بجائے، فلیش فریز طریقہ اختیار کریں تاکہ وہ ایک دوسرے سے نہ چپکیں۔
ایک ٹرے پر بٹر پیپر بچھائیں۔
پھلوں کے ٹکڑے الگ الگ رکھیں تاکہ آپس میں نہ لگیں۔
ٹرے کو 2 سے 4 گھنٹے کے لیے فریزر میں رکھیں۔
جب پھل مکمل جم جائیں تو انہیں ایئرٹائٹ بیگ یا کنٹینر میں منتقل کریں۔
بیگ پر تاریخ اور پھل کا نام لازمی لکھیں۔
بیریز (اسٹرابیری، راسبیری، بلیوبیری): ڈنٹھل نکال کر فلیش فریز کریں۔
کیلا: چھیل کر ٹکڑوں میں کاٹیں، اسموتھی یا کیک میں استعمال کے لیے بہترین۔
سیب اور ناشپاتی: سلائس کر کے ہلکا سا لیموں کا رس لگائیں تاکہ رنگ خراب نہ ہو۔
آڑو، آلوبخارا، خوبانی: آدھا کر کے گٹھلی نکالیں اور چاہیں تو چھیل لیں۔
انگور: دھو کر پورے کے پورے فریز کریں، اسنیک یا ڈرنکس میں بہترین۔
ذخیرہ کرنے کا دورانیہ
فروزن پھل 8 سے 12 ماہ کے اندر استعمال کرنا بہتر ہوتا ہے، اگرچہ وہ اس کے بعد بھی محفوظ رہ سکتے ہیں بشرطیکہ مسلسل فریز کیے جائیں۔ فریزر بیگز میں سے ہوا نکال کر بند کرنے سے ذائقہ اور بناوٹ محفوظ رہتی ہے۔
استعمال اور ڈی فراسٹنگ
زیادہ تر پھل بغیر پگھلائے براہِ راست اسموتھیز یا بیکنگ میں استعمال کیے جا سکتے ہیں۔ اگر ضرورت ہو تو فریج میں یا کمرے کے درجہ حرارت پر تھوڑی دیر رکھ کر استعمال کریں۔ البتہ، اسٹرابیری جیسے نرم پھل پگھلنے کے بعد اپنی اصل شکل کھو دیتے ہیں، اس لیے انہیں پکوان یا بلینڈنگ میں استعمال کرنا بہتر ہے۔
پھلوں کو فریز کرنا ایک آسان اور کم خرچ طریقہ ہے جس کے ذریعے آپ سال کے کسی بھی وقت اپنے پسندیدہ پھلوں سے لطف اندوز ہو سکتے ہیں۔ تھوڑی سی تیاری کے ساتھ آپ کے پاس ہمیشہ صحت بخش اور رنگ برنگی غذاؤں کا ذخیرہ موجود رہے گا۔
.
ذریعہ
ذریعہ: Daily Ausaf
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
پاکستان نے ورلڈ کپ 2028 کیلیے براہ راست کوالیفائی کر لیا