ہمیں اپنے پائلٹس کو زیادہ سے زیادہ خراجِ تحسین پیش کرنا چاہیے
اشاعت کی تاریخ: 12th, May 2025 GMT
پشاور (اُردو پوائنٹ اخبارتازہ ترین۔ 12 مئی2025ء) علیمہ خان کا کہنا ہے کہ ہمیں اپنے پائلٹس کو زیادہ سے زیادہ خراجِ تحسین پیش کرنا چاہیے، ہمارے پائلٹس ہمارے جہاز سے بڑے ہیرو ہیں۔ تفصیلات کے مطابق پاکستان تحریک انصاف کے بانی کی ہمشیرہ علیمہ خان نے پیر کے روز میڈیا سے گفتگو کرتے ہوئے بھارت کو منہ توڑ جواب دینے والے پاکستانی پائلٹس کو خراج تحسین پیش کیا۔
انہوں نے کہا کہ ہمارا اسکوارڈن لیڈر شہید ہوا، ہمارا ائیر مین شہید ہوا، ہمارے پائلٹس ہمارے جہاز سے بڑے ہیرو ہیں، ہمیں انہیں زیادہ سے زیادہ خراج تحسین پیش کرنا چاہیئے۔ انہوں نے اپنی گفتگو میں مزید کہا کہ پیر کے روز پشاور ضمانت کیلئے پہنچی تو مجھے پتہ چلا کہ مجھے 32 کیسز میں نامزد کیا گیا ہے۔ میرے وکلاء نے جب انسدادِ دہشتگردی عدالت میں ضمانت کی درخواست دی تو انکشاف ہوا کہ میرے اوپر 32 کیسز ہیں۔(جاری ہے)
یہ کیسز اِسلیے ہیں کہ میں عمران خان کا پیغام باہر لاتی ہوں۔ آپ عمران خان کی فیملی کو اٹیک کرنے کیلئے کون کونسے بہانے ڈھونڈیں گے؟ ہمیں اپنے بھائی کو جیل سے رہا کروانا ہے، یہی ہمارا مشن ہے۔ اپنے ایک اور پیغام میں انہوں نے بتایا کہ عمران خان نے جنید اکبر کو تحریک شروع کرنے کا ٹاسک دیا ہے، پی اے سی کی چیئرمین شپ اور تحریک کیلیے کوشش میں وقت تقسیم ہوگا،اس لیے انہیں پی اے سی کی چیئرمین شپ چھوڑ کر خیبر پختونخواہ سے تحریک پر پوری توجہ دینے کی ہدایت کی ہے۔علیمہ خان نے بتایا کہ عمران خان نے جنید اکبر کو پارٹی کے فیصلے اور تحریک کا مکمل اختیار دیا ہے اور اس تحریک کا مقصد بانی پی ٹی آئی، دیگر پارٹی رہنمائوں و کارکنوں کی آزادی اور دھاندلی کے خلاف آواز اٹھانا ہے۔.
ذریعہ: UrduPoint
کلیدی لفظ: تلاش کیجئے تحسین پیش
پڑھیں:
عمران خان کو اذیت پہنچانے والے ہمارے ہدف پر ہیں، کارکنان کپتان کی رہائی کے لیے متحرک ہو جائیں، عمر ایوب
قومی اسمبلی میں قائد حزب اختلاف اور پاکستان تحریک انصاف کے مرکزی رہنما عمر ایوب خان نے کہا ہے کہ جیل سپرنٹنڈنٹ اڈیالہ ایک ظالم شخص ہے جس نے بانی پی ٹی آئی عمران خان اور ان کی اہلیہ بشریٰ بی بی پر ظلم کی انتہا کر رکھی ہے۔ لیکن یاد رکھیں جو لوگ ہمارے لیڈر کو اذیت پہنچا رہے ہیں وہ ہمارے ہدف پر ہیں۔
ہری پور کی تحصیل خان پور میں ورکرز کنونشن سے خطاب کرتے ہوئے انہوں نے حکومت پر شدید تنقید کی اور بانی پی ٹی آئی عمران خان کی رہائی کے لیے کارکنان کو متحرک رہنے کا پیغام دیا۔
یہ بھی پڑھیں: ’عمران خان کی رہائی کے لیے 5 اگست کو ملک گیر احتجاج ہو گا‘
قائد حزب اختلاف کا کہنا تھا کہ میں آپ کو خراج تحسین پیش کرتا ہوں کہ آپ نے چھاپوں، گرفتاریوں اور دباؤ کے باوجود ہمیں بھاری اکثریت سے کامیاب کروایا۔
انہوں نے کہاکہ میرے اور آپ کے گھروں پر چھاپے پڑے، میرے خلاف ایک دن میں 26 سے زیادہ مقدمات درج کیے گئے، دہشتگردی کے جھوٹے مقدمات اور وارنٹ جاری کیے گئے، لیکن ہم کبھی اپنے مؤقف سے پیچھے نہیں ہٹیں گے۔
عمر ایوب نے کہا کہ ہمارے اسیر رہنما، جیسے محمود الرشید، ڈاکٹر یاسمین راشد، عمر چیمہ اور اعجاز چوہدری، صرف اس لیے جیلوں میں ہیں کیونکہ وہ ملک میں آئین اور قانون کی بالادستی چاہتے ہیں۔
انہوں نے موجودہ حکومت کو کٹھ پتلی قرار دیتے ہوئے کہاکہ یہ خود مانتے ہیں کہ وہ ہائبرڈ رجیم ہیں، ہمیں سب پتا ہے۔
وزیراعظم شہباز شریف کو تنقید کا نشانہ بناتے ہوئے عمر ایوب نے کہاکہ وہ مجھ سے 6 فٹ دور بیٹھتے ہیں، ان جیسا بزدل کوئی نہیں دیکھا۔
ورکرز کنونشن میں عمر ایوب نے عوام کو پیغام دیا کہ اپنے ووٹ کی حفاظت کریں، اپنی امانت کسی کو نہ دیں، ہمارا وقت ان شااللہ ضرور آئے گا۔
خطاب کے دوران انہوں نے اپنی حکومت کے ترقیاتی منصوبوں کا بھی ذکر کیا اور کہاکہ ہم نے خان پور میں 60 کروڑ روپے کی لاگت سے گریڈ اسٹیشن دیا، ہماری حکومت سے پہلے ملک میں بجلی کا نظام تباہ تھا، ہم نے اسے درست کیا۔
یہ بھی پڑھیں: بیٹوں کا دورہ امریکا عمران خان کی رہائی میں کتنا مددگار ثابت ہو سکتا ہے؟
انہوں نے کہا کہ ہمارے دور میں 200 یونٹ بجلی کا بل 1500 یا 2 ہزار روپے آتا تھا، آج یہ بل 14 ہزار سے تجاوز کر چکا ہے۔ انہوں نے اس بات کا اعادہ کیا کہ پی ٹی آئی نے ملک کی خدمت کی ہے اور آئندہ بھی اسی مؤقف پر قائم رہے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اپوزیشن لیڈر قومی اسمبلی اڈیالہ جیل بشریٰ بی بی عمر ایوب عمران خان رہائی کٹھ پتلی ورکرز کنونشن وی نیوز
اندراجِ مقدمہ سے انکار یا تاخیر نہیں کی جا سکتی، سپریم کورٹ آف پاکستان