بھارت کا غرور خاک میں ملانے پر مسلم انسٹیٹیوٹ کا پاک فضائیہ کو خراج تحسین
اشاعت کی تاریخ: 14th, May 2025 GMT
بھارت کا غرور خاک میں ملانے والی پاک فضائیہ کو مسلم انسٹیٹیوٹ کی جانب سے شاندار خراج تحسین کیا گیا ہے۔
رافیل کو تباہ اور بھارت کو شرمسار کرنے والے طیارے جے 10 سی کا ہیومن ماڈل بناتے ہوئے دربار سلطان باہو پر جذبہ حب الوطنی کا فقیدالمثال مظاہرہ کیا گیا۔ ہزاروں افراد نے مل کر افواج پاکستان کو خراج تحسین پیش کیا اور دوست ممالک کا شکریہ ادا کیا۔
یہ بھی پڑھیں آپریشن ’بنیان مرصوص‘ کی کامیابی، وزیراعظم کا اگلے مورچوں کا دورہ، افسروں اور جوانوں سے ملاقات
اس موقع پر پاکستان کا مطلب کیا لا الہ الا اللہ کے نعروں سے فضا گونجتی رہی، چائنا، ترکیہ، آذربائیجان اور سعودی عرب سمیت پاکستان کا ساتھ دینے والے تمام ممالک کا شکریہ ادا کیا گیا۔
جے 10 سی کے انسانی ماڈل کے ایک طرف شرکا ’پاکستان زندہ باد‘ تو دوسری طرف ’شکریہ چین، ترکیہ اور آذربائجان‘ کے سانچے میں خود کو سموئے ہوئے تھے۔
چیئرمین مسلم انسٹیٹیوٹ صاحبزادہ سلطان احمد علی نے کہاکہ یہ صرف اپنے غازیوں اور شہیدوں کو خراج تحسین نہیں بلکہ دشمن مودی کو بھی پیغام ہے ہم دفاع وطن میں سیسہ پلائی دیوار کی طرح متحد ہیں۔
انہوں نے کہاکہ بی جے پی نے انٹیلیجنس فیلیئر چھپانے اور اپنے ووٹرز کو خوش کرنے کے لیے پاکستان کے اوپر جنگ کو مسلط کرنا چاہا۔
ان کا کہنا تھا کہ بھارت نے اس جنگ میں صرف رافیل نہیں کھوئے، کنوینشنل وار کی برتری کا دعویٰ بھی کھو دیا۔ مودی نے مساجد پر حملے کیے، معصوم شہریوں کو بچوں کو شہید کیا یہ آر ایس ایس ذہنیت ہے۔
یہ بھی پڑھیں آپریشن بنیان مرصوص: پاک فوج کے بارے میں عوامی رائے کیا ہے؟
ان کا کہنا تھا کہ ہندوستان کو خطرہ بی جے پی سے ہے، آر ایس ایس سے ہے، شیو سینا سے ہے، جب تک غنڈے ہندوستان کے اقتدار پر قابض ہیں پورا جنوبی ایشیا سلگتا رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بھارت کا غرور پاک فضائیہ مسلم انسٹیٹیوٹ منہ توڑ جواب وی نیوز.ذریعہ: WE News
کلیدی لفظ: بھارت کا غرور پاک فضائیہ مسلم انسٹیٹیوٹ منہ توڑ جواب وی نیوز مسلم انسٹیٹیوٹ
پڑھیں:
دبئی ایئرشو 2025، پاک فضائیہ کے طیارے اور پائلٹس لوگوں کی توجہ کا مرکز بن گئے
دبئی ایئرشو 2025 کا آغاز المکتوم انٹرنیشنل ایئرپورٹ میں ہوا۔ دنیا بھر کے فضائی شعبے کے رہنما، دفاعی اہلکار اور صنعت کے ماہرین ایونٹ کے پہلے دن کے لیے جمع ہوئے۔
پاکستان اور متحدہ عرب امارات نے اپنے طیارے اسٹاٹک ڈسپلے ایریا میں ایک دوسرے کے قریب پیش کیے۔ بہت سے وزیٹرز نے دونوں ممالک کے طیاروں کی اس نمائش کو مضبوط دفاعی تعاون کی علامت قرار دیا۔
یہ بھی پڑھیے: بوئنگ کے سی ای او کو ایئرشو میں شرکت کیوں منسوخ کرنی پڑی؟
ایئرشو کے افتتاحی دن میں لگاتار ایروبٹک مظاہرے دیکھنے کو ملے۔ فوجی اور تجارتی طیاروں نے آسمان میں تیز موڑ، فارمیشن فلائنگ اور دیگر متاثرکن حرکات کا مظاہرہ کیا۔ رن وے اور ویوئنگ اسٹینڈز کے اطراف بڑی تعداد میں لوگ جمع ہوئے تاکہ ان مظاہروں کا لطف اٹھا سکیں۔
پاکستان کا JF-17 تھنڈر دن بھر توجہ کا مرکز رہا۔ اس فائٹر جیٹ نے اپنی مہارت کے مظاہرے سے ناظرین کو متاثر کیا۔ بعد میں، بہت سے لوگ اسٹاٹک ڈسپلے کے علاقے میں گئے تاکہ تصاویر لیں اور پاکستان ایئر فورس کے اہلکاروں سے طیارے کی خصوصیات کے بارے میں بات کریں۔
یہ بھی پڑھیے: جے ایف-17 تھنڈر کی گرج نے آذربائیجان کے یومِ فتح کی پریڈ میں جوش بھر دیا
پاکستانی پائلٹس بھی لوگوں کی دلچسپی کا باعث بنے۔ وزیٹرز ان کے ساتھ سیلفیز لینے کے لیے قطار میں کھڑے ہوئے اور ان کے پیشہ ورانہ مظاہروں کی تعریف کی۔ کئی شرکا نے کہا کہ پاکستان ایئر فورس کی ٹیم نے دن کے سب سے پرجوش مظاہروں میں سے ایک پیش کیا۔
یہ 5 روزہ ایئرشو دفاعی اعلانات، طیاروں کی نمائش اور بین الاقوامی مینوفیکچررز اور عالمی فضائی افواج کے روزانہ مظاہروں کے ساتھ جاری رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئرشو پاک فضآئیہ دبئی
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن