کراچی کے لڑکوں اور لڑکیوں میں شیشہ نوشی کا بڑھتا رجحان خطرناک صورت اختیار کر گیا
اشاعت کی تاریخ: 16th, May 2025 GMT
پاکستان کے سب سے بڑے شہر کراچی میں بڑھتا ہوا شیشہ کلچر خطرناک صورت اختیار کر گیا، شہریوں کا شیشہ کیفیز کے خلاف کارروائی کا مطالبہ۔
یہ بھی پڑھیں:اسکول جانے والے بچوں میں نیکوٹین پاؤچز اور ای سگریٹ کا بڑھتا رجحان، یہ کتنے خطرناک ہیں؟
میڈیا رپورٹ کے مطابق کراچی میں شیشہ پینے کا کلچر تیزی سے فروغ پذیر ہے، جس کے سبب سنجیدہ شہریوں میں تشویش پائی جاتی ہے۔
شہریوں نے حکومت سے شیشہ کیفے کے خلاف موثر کارروائی کا مطالبہ کرتے ہوئے کہا ہے کہ شیشہ کا استعمال نوجوانوں میں خطرناک حد تک پھیل رہا ہے، لڑکے اور لڑکیاں دونوں اس رجحان کو اپنا رہے ہیں، جو سوشل میڈیا سے بہت زیادہ متاثر ہے۔
شہریوں کا کہنا تھا کہ شیشہ کلچر کی بڑھتی ہوئی مقبولیت سے صحت کو شدید خطرات لاحق ہیں۔
اس پھیلتے شیشہ کلچر کا ایک تشویش ناک پہلو یہ بھی ہے کہ کیفے میں شیشہ نوشی کے آلات کی مناسب صفائی کا انتظام نہ ہونے کی وجہ خطرناک بیماریاں پھیلنے کا خطرہ بڑھ جاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شیشہ شیشہ کیفیز کراچی مضر صحت.ذریعہ: WE News
کلیدی لفظ: شیشہ کیفیز کراچی
پڑھیں:
میئر کراچی کا بڑا قدام، شہر کی 32 سڑکوں پر پارکنگ مفت
کراچی(نیوز ڈیسک)میئر کراچی بیرسٹر مرتضیٰ وہاب نے شہریوں سے کیا گیا وعدہ پورا کر دیا۔ بلدیہ عظمیٰ کراچی (کے ایم سی) کی حدود میں آنے والی 32 اہم سڑکوں پر یکم جولائی 2025 سے گاڑیوں کی پارکنگ بالکل مفت ہوگی۔
کراچی کے مختلف اضلاع میں منتخب مقامات پر شہری اب بغیر کسی فیس کے اپنی گاڑیاں پارک کر سکیں گے۔ یہ فیصلہ شہریوں پر غیر ضروری مالی بوجھ کم کرنے اور پارکنگ مافیا کی اجارہ داری توڑنے کی جانب اہم قدم قرار دیا جا رہا ہے۔
تفصیلات کے مطابق، جن سڑکوں پر پارکنگ مفت ہوگی ان میں شامل ہیں:
ضلع جنوبی (ایم اے جناح روڈ اور صدر کے علاقے)
جیلانی سینٹر موبائل مارکیٹ صدر سے ناز پلازہ تک، اور وہاں سے آمنہ ٹاور تک
کوثر میڈیکو سے ایم ڈبلیو ٹاور تک
کے پی ٹی گیٹ نمبر 1 سے شیل پمپ تک
ضلع کیماڑی
شارجہ مال سے کوہِ نور ہال (ہب ریور روڈ) تک
ضلع وسطی
ہارون شاپنگ مال، سرینا مارکیٹ
لیاقت آباد سپر مارکیٹ سے لیاقت آباد نمبر 10 (ایس ایم توفیق روڈ)
چیز سپر اسٹور (شاہراہِ پاکستان)
سنٹرم شاپنگ مال (راشد منہاس روڈ)
کفایہ اور اومیگا مال (نارتھ کراچی)
ضلع ملیر و کورنگی
مجموعی طور پر 7 مقامات پر پارکنگ فری ہوگی
ضلع شرقی
15 مختلف مقامات پر شہریوں کو مفت پارکنگ کی سہولت حاصل ہوگی
دوسری جانب ضلع جنوبی، وسطی اور شرقی میں واقع 11 مخصوص بند سائٹس (جنہیں وال باؤنڈری پارکنگ کہا جاتا ہے) پر معمولی مقررہ فیس برقرار رکھی گئی ہے تاکہ پارکنگ کا نظام باقاعدہ اور منظم رہے۔
میئر کراچی نے اس اقدام کو عوامی سہولت اور شفاف بلدیاتی نظم و نسق کی جانب قدم قرار دیا ہے۔ ان کا کہنا تھا کہ ’ہماری ترجیح شہریوں کو سہولت دینا ہے، پارکنگ کے نام پر لوٹ مار اب برداشت نہیں کی جائے گی۔‘
شہری حلقوں نے اس فیصلے کو خوش آئند قرار دیتے ہوئے امید ظاہر کی ہے کہ دیگر بلدیاتی سہولیات میں بھی اسی طرح بہتری آئے گی۔
لکی مروت: نامعلوم افراد کی فائرنگ سے دو ٹریفک پولیس اہلکار شہید، اسلحہ بھی لے اڑے
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی