فخر نہیں، سربسجود ہونے کا دن ہے: قمر زمان کائرہ
اشاعت کی تاریخ: 17th, May 2025 GMT
لاہور (نامہ نگار) ممبر سنٹرل ایگزیکٹو کمیٹی پیپلز پارٹی، سابق وفاقی وزیر اطلاعات قمر زمان کائرہ نے کہا کہ بڑھکیں مارنے والے کو بالآخر مذاکرات کی میز پر آنا ہو گا۔ اب مسئلہ کشمیر حل کرانے کا وقت ہے۔ اس کے حل تک خطے میں پائیدار امن قائم نہیں ہو گا۔ بھارت کشمیری قوم اور قیادت سے رائے شماری کے وعدے پر عمل درآمد کرائے۔ ان خیالات کا اظہار انہوں نے پیپلز پارٹی وسطی پنجاب کے ڈپٹی جنرل سیکرٹری عثمان ملک کی رہائش گاہ پر سید حسن مرتضی، چودھری منظور احمد اور چودھری اسلم گل کیساتھ پریس کانفرنس سے خطاب کرتے ہوئے کیا۔ قمر زمان کائرہ نے کہا کہ اللہ تعالی نے پاکستان کو گھمنڈ میں شکار قوم کیخلاف فتح دی۔ یہ فخر کرنے کا نہیں اپنی قوم کو شاباش دینے اور سر بسجود ہونے کا دن ہے۔ اس معرکے میں ہم سیاسی، عسکری، میڈیا کے میدان میں اور اخلاقی طور پر جیتے ہیں۔ بھٹو نے جو کام شروع کیا، جسے آصف زرداری نے پایہ تکمیل تک پہنچایا جبکہ بلاول بھٹو زرداری نے بطور وزیر خارجہ اپنے نانا اور والدہ کی طرح پاکستان کا مقدمہ لڑا۔ پاکستان کی اخلاقی فتح میں چیئرمین بلاول بھٹو کا بہت بڑا ہاتھ ہے۔ صحافیوں کے سوالات کے جواب دیتے ہوئے قمر زمان کائرہ نے کہا کہ سیاسی جماعتوں کو اپنی کوتاہیوں پر نظر ڈالنی چاہیے اور حکومت اور اداروں کو بھی درگزر کی پالیسی اپنانا چاہیے۔ حکومت میں شامل ہونے یا نہ ہونے کا فیصلہ پیپلز پارٹی کی سینٹرل ایگزیکٹو کرے گی۔ حسن مرتضیٰ نے کہا کہ وزیر اعظم 6جہاز گرانے کا کریڈٹ لیتے ہیں تو اڈیالہ کے ساتویں جہاز کا بھی کریڈٹ لیں۔ اس موقع پر ڈاکٹر خالد جاوید جان، ڈاکٹر خیام حفیظ، احسن رضوی، ثانیہ کامران، بشری منظور مانیکا، چودھری ریاض، عزیز ملک، آغا تقی شاہ، رانا فاروق اشرف، شکیل پاشا، راؤ بابر جمیل بھی موجود تھے۔
.
ذریعہ
ذریعہ: Nawaiwaqt
کلیدی لفظ: قمر زمان کائرہ نے کہا کہ
پڑھیں:
گرمی کی شدت میں اضافہ ہوتے ہی بجلی مزید مہنگی ہونے کا امکان
لاہور ( اُردو پوائنٹ اخبارتازہ ترین۔ 02 جون2026ء ) گرمی کی شدت میں اضافہ ہوتے ہی بجلی مزید مہنگی ہونے کا امکان۔ تفصیلات کے مطابق بجلی صارفین کے لیے ایک بار پھر قیمتوں میں اضافے کا امکان پیدا ہوگیا ہے، کیونکہ نیپرا میں اپریل کی ماہانہ فیول ایڈجسٹمنٹ کی درخواست پر سماعت کے دوران بجلی ایک روپے 73 پیسے فی یونٹ مہنگی کرنے کی درخواست کی گئی ہے۔ سماعت کے دوران سینٹرل پاور پرچیزنگ ایجنسی (سی پی پی اے) کے حکام نے بتایا کہ اپریل کے مہینے میں خطے میں جاری جنگ کے اثرات بھی سامنے آئے تھے، جس کے باعث توانائی کے شعبے کو مختلف چیلنجز کا سامنا رہا۔ سی پی پی اے کے مطابق اس عرصے کے دوران درآمدی ایل این جی بالکل دستیاب نہیں تھی، تاہم مئی میں ایل این جی کے کنٹریکٹ اور سپاٹ کارگوز موصول ہوئے، جس کے بعد ایل این جی پر چلنے والے پاور پلانٹس کو فعال کیا گیا۔(جاری ہے)
حکام نے نیپرا کو بتایا کہ صنعتی شعبے کے علاوہ تمام صارفین کی کیٹیگریز میں بجلی کی کھپت میں کمی ریکارڈ کی گئی۔ اس کے ساتھ ساتھ آئندہ 2 ماہ کے لیے ایل این جی کی یومیہ بنیادوں پر پلاننگ مکمل کر لی گئی ہے تاکہ بجلی کی پیداوار اور ایندھن کی دستیابی کو مؤثر انداز میں برقرار رکھا جا سکے۔ سی پی پی اے حکام کا کہنا تھا کہ مئی، جون اور جولائی کی ماہانہ فیول ایڈجسٹمنٹ میں صارفین کو زیادہ بڑے جھٹکوں کا سامنا نہیں کرنا پڑے گا کیونکہ ایندھن کی فراہمی اور بجلی کی پیداوار کے حوالے سے ضروری منصوبہ بندی کر لی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ