کارساز حادثہ کیس کی ملزمہ نتاشا دانش منشیات کے مقدمے میں ریلیف لینے میں ناکام
اشاعت کی تاریخ: 17th, May 2025 GMT
کارساز حادثے میں باپ، بیٹی ہلاکت کیس کی ملزمہ منشیات کے مقدمے میں ریلیف لینے میں ناکام ہوگئی ہے۔
ملزمہ نتاشا کے خلاف امتناع منشیات کے مقدمے کی سماعت جوڈیشل مجسٹریٹ شرقی کی عدالت میں ہوئی، عدالت نے ملزمہ کی بریت کی درخواست مسترد کردی، ملزمہ کے خلاف تھانہ بہادر آباد میں مقدمہ درج ہے۔
یہ بھی پڑھیں: ’امیر نے تو انصاف خرید لیا غریب کیا کرے؟‘، کارساز حادثے کی ملزمہ نتاشا کی رہائی پر صارفین برہم
یاد رہے کہ کراچی کے کار ساز ٹریفک حادثہ کیس کی مرکزی ملزمہ نتاشا کو ایڈیشنل ڈسٹرکٹ اینڈ سیشن جج شرقی نے بری کردیا تھا، متوفین کے اہلخانہ کی جانب سے صلح نامے کے بعد ملزمہ کو بری کیا گیا تھا۔
واضح رہے کہ 20 اگست 2024 کو کراچی میں کارساز روڈ پر تیز رفتار گاڑی کی ٹکر سے موٹر سائیکل سوار باپ، بیٹی جاں بحق ہو گئے اور 5 افراد زخمی ہوئے تھے۔
یہ بھی پڑھیں: منشیات کیس میں نامزد نتاشا دانش اعتراف جرم پر کس رعایت کی مستحق ہوسکتی ہیں؟
حادثے کے بعد پولیس نے خاتون ملزمہ کو حراست میں لے لیا تھا اور بعد ازاں خاتون ملزمہ کی میڈیکل رپورٹس میں آئس نشے کی موجودگی کی تصدیق بھی ہوئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news شرقی عدالت کارساز حادثہ کراچی ملزمہ نتاشا منشیات کیس.ذریعہ: WE News
کلیدی لفظ: شرقی عدالت کارساز حادثہ کراچی ملزمہ نتاشا منشیات کیس ملزمہ نتاشا
پڑھیں:
آرٹیکل عمران خان کو بدنام کرنے کی ناکام کوشش
آرٹیکل لکھنے والی خاتون کا تعلق حکومتی جماعت سے ہے، اس کیخلاف قانونی کاروائی کریں گے
ایسی نیچ حرکتوں سے بانی پی ٹی آئی پر کوئی فرق نہیں پڑیگا، شیخ وقاص اکرم کا ایکس پر بیان جاری
مرکزی رہنماپی ٹی آئی شیخ وقاص اکرم نے کہا ہے کہ اکانومنسٹ میں چھاپا گیا آرٹیکل عمران خان کو بدنام کرنے کی ایک اور ناکام کوشش ہے، آرٹیکل لکھنے والی کا تعلق حکومتی جماعت سے ہے۔ پی ٹی آئی ایکس کے مطابق رہنماپی ٹی آئی شیخ وقاص اکرم نے کہا کہ اکانومنسٹ میں چھاپا گیا آرٹیکل عمران خان کی شخصیت کو بدنام کرنے کی ایک اور ناکام کوشش ہے۔مخالفین کئی سالوں سے یہ کوشش کرتے آئے ہیں، لیکن عزت ذلت اللہ کے ہاتھ میں ہے۔ آرٹیکل لکھنے والی کا تعلق حکومتی جماعت سے ہے، قانونی کاروائی کریں گے۔ پہلے آرٹیکل ایجنڈے کے تحت چھاپا گیا پھر سارا دن میڈیا کے ذریعے اس پر پروپیگنڈا مہم چلائی گئی۔ ایسی نیچ حرکتوں سے عمران خان کی شخصیت کو کوئی فرق نہیں پڑے گا۔
خیبرپختونخوا اور ضم اضلاع میں دہشت گردی کی مذمت ، امن جرگے کا اعلامیہ جاری