تمام فورسز سربراہان، وزیرِ اعظم اور نواز شریف کو خراج تحسین پیش کرتے ہیں: گورنر سندھ
اشاعت کی تاریخ: 18th, May 2025 GMT
گورنر سندھ کامران ٹیسوری—فائل فوٹو
گورنر سندھ کامران ٹیسوری نے کہا ہے کہ وفاقی وزراء اور ایم کیو ایم پاکستان کا شکر گزار ہوں، تمام فورسز کے سربراہان، وزیرِ اعظم شہباز شریف اور نواز شریف کو خراجِ تحسین پیش کرتے ہیں۔
کراچی میں سندھ گورنر ہاؤس میں مسلم لیگ ن کے وفاقی وزراء پر مشتمل وفد اور ایم کیو ایم رہنماؤں سے ملاقات اور بعد میں میڈیا سے گفتگو کے موقع پر گورنر سندھ کامران ٹیسوری نے کہا کہ اس ملاقات میں بجٹ کے امور پر بات ہوئی۔
ان کا کہنا ہے کہ فوج نے خطے میں مودی کی بالادستی ختم کر دی، مودی حکومت نے آئی ایم ایف سے قسط رکوانےکی کوشش کی جس میں وہ ناکام رہی۔
گورنر سندھ نے کہا کہ افواجِ پاکستان نے بتا دیا کہ ہمارا دفاع مضبوط ہے، ہمیں اب پاکستان کی معیشت مضبوط کرنی ہے، ہم اب آئی ایم ایف سے قرض سے نجات پائیں گے۔
.ذریعہ: Jang News
کلیدی لفظ: گورنر سندھ
پڑھیں:
اسرائیل نے ایران کے خلاف کھلی جارحیت کی ہے: وزیر اعظم شہباز شریف
—فائل فوٹووزیر اعظم شہباز شریف نے کہا ہے کہ اسرائیل نے ایران کے خلاف کھلی جارحیت کی ہے، خطے کی موجودہ صورتحال عالمی امن کے لیے خطرناک ہے۔
وفاقی کابینہ کے اجلاس کے دوران گفتگو کرتے ہوئے شہباز شریف نے کہا کہ ایران اور ترکیہ کے صدور کے ساتھ خطے کی صورتِ حال پر بات کی۔
انہوں نے کہا کہ غزہ میں ظلم جاری ہے، عالمی ضمیر کب جاگے گا، آئی ایم ایف کو بتا دیا تھا کہ زراعت اور زرعی دواؤں پر ٹیکس نہیں لگائیں گے۔
شہباز شریف کا کہنا تھا کہ سرکاری ملازمین کی تنخواہوں میں 10 فیصد اضافہ کیا ہے، تنخواہ دار طبقے کو ٹیکس میں ریلیف دیا گیا ہے۔
وزیر اعظم نے کہا کہ معرکہ حق میں اللّٰہ نے ہمیں کامیابی دی، دفاعی ضروریات کو پورا کرنے کے لیے بجٹ میں اضافہ کیا گیا ہے۔
عالم قاسمی