گلگت بلتستان کے نگران وزیر اعلیٰ کیلئے 8 امیدواروں میں کھینچا تانی
اشاعت کی تاریخ: 17th, November 2025 GMT
اپوزیشن لیڈر کاظم میثم نے اسلامی تحریک کے محمد علی قائد کے نام پر اعتراض کیا ہے جبکہ وزیر اعلیٰ حاجی گلبر خان قائد کو ہی نگران وزیر اعلیٰ بنانا چاہتے ہیں۔ اسلام ٹائمز۔ گلگت بلتستان کے نگران وزیر اعلیٰ کیلئے 8 امیدوار میدان میں سامنے آ گئے ہیں تاہم ابھی تک کسی ایک نام پر بھی حکومت اور اپوزیشن میں اتفاق رائے نہ ہو سکا۔ تفصیلات کے مطابق ابھی تک جن امیدواروں میں نام سامنے آگئے ہیں ان میں اسلامی تحریک کے محمد علی قائد، سابق نگران وزیر جوہر علی راکی، بریگیڈئر (ر) بشارت، راجہ ناظم الامین، وقار عباس منڈوق، محمد حسن حسرت، شیر بہادر انجم، شیر جہاں میر شامل ہیں۔ وزیر اعلیٰ حاجی گلبر خان محمد علی قائد کو نگران وزیر اعلیٰ بنانے کے حامی ہیں، محمد علی قائد اس وقت صوبائی حکومت میں اہم عہدے پر فائز ہے۔ سابق نگران وزیر اعلیٰ شیر جہاں میر بھی میدان میں ہیں، سابق نگران وزیر وقار عباس منڈوق اور سابق نگران وزیر جوہر علی راکی بھی امیدوار ہیں، معروف بزنس مین راجہ نظیم الامین بھی میدان میں ہیں، ان کو سابق وزیر اعلیٰ حفیظ الرحمن کی حمایت حاصل ہے۔ لندن میں مقیم نون لیگ کے دیرہنہ رہنما شیر بہادر انجم بھی ایک بار پھر سے میدان میں ہیں، ان کی نواز شریف سے کافی قریبی تعلقات ہیں۔
سکردو سے تعلق رکھنے والے معروف ادیب محمد حسن حسرت کا نام بھی زیر گردش ہے۔ رپورٹ کے مطابق اپوزیشن لیڈر کاظم میثم نے اسلامی تحریک کے محمد علی قائد کے نام پر اعتراض کیا ہے جبکہ وزیر اعلیٰ حاجی گلبر خان قائد کو ہی نگران وزیر اعلیٰ بنانا چاہتے ہیں۔ وقار عباس منڈوق نگران وزیر رہ چکے ہیں وہ اس وقت امریکہ میں مقیم ہیں۔ رپورٹ کے مطابق گزشتہ روز اسلام آباد میں وزیر امور کشمیر، وزیر اعلیٰ جی بی اور اپوزیشن لیڈر کے مابین ہونے والے اہم ملاقات کے دوران وزیر اعلیٰ نے محمد علی قائد کا نام پیش کرتے ہوئے کہا کہ اگر آپ( اپوزیشن لیڈر) قائد کے نام پر اتفاق کرتے ہیں تو ہم دونوں متفقہ طور پر محمد علی قائد کا نام نگران وزیر اعلیٰ کیلئے پیش کرتے ہیں جس پر کاظم میثم نے مخالفت کرتے ہوئے کہا کہ نگران وزیر اعلیٰ کا تعلق کسی مذہبی یا سیاسی جماعت سے نہیں ہونا چاہیے ورنہ الیکشن پر سوالات اٹھیں گے۔
وزیر اعلیٰ نے جواب دیا کہ گلگت بلتستان سے تعلق رکھنے والا ہر شخص کسی نہ کسی سیاسی و مذہبی جماعت سے تعلق رکھتا ہے، غیر سیاسی شخص کو ڈھونڈنا ہے تو پھر ہمیں چترال سے کسی کو نگران وزیر اعلیٰ بنانا ہو گا۔ اجلاس کے دوران گلبر خان نے وزیر امور کشمیر سے کہا کہ اگر میں اور اپوزیشن لیڈر کسی ایک نام پر متفق ہوتے ہیں تو کیا آپ حمایت کرینگے جس پر امیر مقام نے جواب دیا کہ اگر آپ دونوں میں اتفاق رائے قائم ہوتا ہے تو میں اس کی حمایت کروں گا۔ رپورٹ کے مطابق اجلاس کے بعد وزیر اعلیٰ نے اسلامی تحریک کے قائدین سے رابطہ کیا ٹاسک دیا ہے کہ وہ ایم ڈبلیو ایم سے رابطہ کر کے کاظم میثم کو قائل کریں۔
ذریعہ
ذریعہ: Islam Times
کلیدی لفظ: اسلامی تحریک کے نگران وزیر اعلی محمد علی قائد اپوزیشن لیڈر کاظم میثم گلبر خان کے مطابق
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
بھارت سے جنگ اور افغانستان میں کارروائی خارج ازامکان نہیں، وزیردفاع