دو سے تین روز میں نگران وزیر اعلیٰ کا نام فائنل ہو گا، گلبر خان
اشاعت کی تاریخ: 14th, November 2025 GMT
ایک انٹرویو میں وزیر اعلیٰ گلگت بلتستان نے کہا کہ الیکشن میں بھرپور طریقے سے حصہ لیں گے، ہمارے پاس 8 سے 9 الیکٹیبلز موجود ہیں جو الیکشن جیتنے کی پوزیشن میں ہیں۔ اسلام ٹائمز۔ وزیر اعلیٰ حاجی گلبر خان نے کہا ہے کہ نگراں وزیر اعلیٰ کیلئے کوئی نام فائنل نہیں ہوا، کوشش کی جا رہی ہے کہ متفقہ طور پر وزارت اعلیٰ کیلئے نام تجویز کریں۔ سوشل میڈیا پر جو نام چل رہے ہیں ان کے بارے میں فی الحال ہم کچھ نہیں کہہ سکتے، انشاء اللہ آئندہ دو سے تین روز میں نگراں وزیراعلیٰ کا نام فائنل کر دیا جائے گا، ابھی تک میرے ذہن میں وزیر اعلیٰ کیلئے کوئی نام نہیں ہے، جس دن ذہن میں کوئی نام آئے گا وزیراعلیٰ کیلئے پیش کریں گے، ہماری کوشش ہے کہ متفقہ طور پر نام تجویز کریں۔ مقامی میڈیا کو دیئے گئے انٹرویو میں گلبر خان کا کہنا تھا کہ جس دن ہم کسی ایک نام پر متفق ہوں گے ہم وزیر اعظم کو نام ارسال کریں گے اور وہ ہمارے تجویز کردہ نام کو وزارت اعلی کیلئے فائنل کر کے حتمی منظوری دیں گے۔ انہوں نے کہا کہ بدھ کی رات گئے وفاقی وزیر امور کشمیر و گلگت بلتستان انجنیئر امیر مقام کی رہائش گاہ پر نگراں وزیر اعلیٰ کی تقرری کیلئے ہونے والے اجلاس میں بڑی اچھی گفت شنید ہوئی اور تینوں نے اس بات پر اتفاق کر لیا کہ متفقہ طور پر پر وزارت اعلیٰ کیلئے نام تجویز کریں گے، ہم نے اس بات پر اتفاق کیا کہ نگراں وزیر اعلیٰ غیر جانبدار غیر متنازعہ اور لائق فائق ہونا چاہیئے۔
ایک سوال کے جواب میں انہوں نے کہا کہ نگراں وزیر اعلی کے معاملے پر ہم نہایت ہی محتاط انداز میں آگے بڑھ رہے ہیں۔ وزیر اعلیٰ کیلئے نام ذمہ دار فورم کو پیش کرنے سے قبل میڈیا کے سامنے نہیں لائیں گے، ہم نہیں چاہتے کہ متعلقہ فورم سے قبل میڈیا کو نام دیں، وزیر اعلیٰ کا نام قبل از وقت میڈیا میں لانے سے مسائل آسکتے ہیں، اس لئے ہم کچھ دن کیلئے میڈیا سے دور بیٹھے ہیں۔ انہوں نے کہا کہ وزیر اعلیٰ کے معاملے پر جمعرات کے روز اپوزیشن لیڈر کے ساتھ بیٹھنا تھا مگر اپوزیشن لیڈر کہیں گئے ہوئے تھے، اس لئے ان کے ساتھ نشست نہیں ہو سکی۔ ایک سوال کے جواب میں انہوں نے کہا کہ الیکشن میں بھرپور طریقے سے حصہ لیں گے، ہمارے پاس 8 سے 9 الیکٹیبلز موجود ہیں جو الیکشن جیتنے کی پوزیشن میں ہیں۔ ہم اپنے گروپ کی شکل میں انتخابات میں جا رہے ہیں، کامیابی کے بعد خواتین اور ٹیکنوکریٹ کی نشستوں کے حصول کیلئے کسی سیاسی جماعت کی چھتری تلے جمع ہونگے، وہ جماعت مسلم لیگ ق بھی ہو سکتی ہے اور کوئی دوسری جماعت بھی، کیونکہ کسی سیاسی جماعت کو جوائن کئے بغیر ہمیں ٹیکنوکریٹ کریٹ اور خواتین کی نشستیں نہیں مل سکتیں۔
ذریعہ
ذریعہ: Islam Times
کلیدی لفظ: نگراں وزیر اعلی انہوں نے کہا کہ
پڑھیں:
گورنرخیبرپختونخوا فیصل کریم کنڈی کی وفاقی وزیر صحت مصطفیٰ کمال سے ملاقات، دینار ہسپتال ڈی آئی خان کیلئے ریڈیالوجی مشینری اور طبی آلات کی فراہمی پر تبادلہ خیال
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) گورنر خیبرپختونخوا فیصل کریم کنڈی نے وفاقی وزیر صحت مصطفیٰ کمال سے اسلام آباد میں ملاقات کی۔ منگل کو گورنر آفس سے جاری بیان کے مطابق ملاقات میں ڈی آئی خان کے دینار ہسپتال کے لیے ریڈیالوجی مشینری اور طبی آلات کی فراہمی پر تبادلہ خیال کیا گیا۔(جاری ہے)
اس موقع پر گورنر نے کہا کہ جنوبی اضلاع کے کینسر کے مریضوں کو شدید مشکلات کاسامنا ہے، وفاق طبی آلات کی فراہمی میں تعاون کرے جس پر وفاقی وزیر صحت مصطفیٰ کمال نے دینار ہسپتال کے لیے ضروری مشینری اور طبی آلات کی فراہمی کی یقین دہانی کرائی۔
گورنر نے کہا کہ وفاق صحت کے شعبے میں خیبرپختونخوا کے پسماندہ اور متاثرہ علاقوں پر خصوصی توجہ دے، دینار ہسپتال میں جدید طبی سہولیات کی فراہمی سے جنوبی اضلاع کے مریضوں کو ریلیف ملے گا۔ وفاقی وزیر مصطفیٰ کمال نے کہا کہ خیبر پختونخوا میں صحت کی سہولیات کی بہتری کے لیے ہرممکن تعاون کریں گے۔ ملاقات میں وفاق اور خیبرپختونخوا کے درمیان صحت کے شعبے میں تعاون مزید بڑھانے پر بھی اتفاق ہوا۔ خیبرپختونخوا اسمبلی میں پاکستان پیپلز پارٹی کے پارلیمانی لیڈر احمد کریم کنڈی بھی اس موقع پر موجود تھے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ