65 ہزار عازمین کو حج کی اجازت کیلئے لکھے خط کا جواب جلد آنے کا امکان
اشاعت کی تاریخ: 19th, May 2025 GMT
— فائل فوٹو
وفاقی وزیر مذہبی امور سردار یوسف کا کہنا ہے کہ 65 ہزار عازمین کو حج کی اجازت کے لیے لکھے گئے خط کا جواب جلد آنے کا امکان ہے۔
سردار یوسف کا کہنا ہے کہ امید ہے سعودی حکومت باقی رہ جانے والے 65 ہزار عازمین کو حج کی اجازت دے دے گی۔
وفاقی وزیرِ مذہبی امور سردار یوسف نے کہا ہے کہ ہم نے سعودی عرب کو خط لکھا کہ ہمارے باقی رہ جانےوالے 65 ہزار عازمین کوحج کی اجازت دیں اس پر سعودی جواب کے منتظر ہیں۔
اُنہوں نے مزید کہا کہ سعودی حکومت اجازت دے تو ہماری طرف سے انتظامات مکمل ہیں۔
واضح رہے کہ پاکستان کو ملنے والا حج کوٹہ ایک لاکھ 89 ہزار کا تھا جس میں 50 فیصد سرکاری اور 50 فیصد پرائیویٹ کوٹہ تھا اور حج کے لیے اپلائی کرنے کی تاریخ 14 فروری تھی۔
سعودی حکومت کی جانب سے اب تک ایک لاکھ 15 ہزار پاکستانی حاجیوں کو حج کے لیے اجازت مل گئی ہے۔
.ذریعہ: Jang News
کلیدی لفظ: ہزار عازمین کو سعودی حکومت حج کی اجازت
پڑھیں:
بجٹ 2025-26: ٹیکس آمدنی 17 ہزار ارب سے تجاوز کرنے کا امکان
وقاص عظیم: آئندہ مالی سال 2025-26 کے لیے وفاقی بجٹ کے اہم خدوخال سامنے آگئے, سرکاری رپورٹس اور آئی ایم ایف کی دستاویزات کے مطابق مجموعی ٹیکس آمدنی 17 ہزار 35 ارب روپے رہنے کا امکان ظاہر کیا گیا ہے۔
رپورٹ کے مطابق آئندہ مالی سال وفاقی حکومت کی آمدنی 15 ہزار 815 ارب روپے رہنے کا تخمینہ لگایا گیا ہے جبکہ ایف بی آر کے لیے ٹیکس وصولیوں کا ہدف 14 ہزار 307 ارب روپے مقرر کیے جانے کا امکان ہے۔
بہاولپور میں گرمی کی شدید، پارہ 45سینٹی گریڈ تک پہنچ گیا
اہم مالی اہداف کے مطابق ڈائریکٹ ٹیکس وصولیوں کا ہدف 6 ہزار 470 ارب روپے، فیڈرل ایکسائز ڈیوٹی کی مد میں وصولیوں کا ہدف 1 ہزار 153 ارب روپے، سیلز ٹیکس کی مد میں ہدف 4 ہزار 943 ارب روپے، کسٹمز ڈیوٹی کی وصولی 1 ہزار 741 ارب روپےاور آئی ایم ایف رپورٹ کے مطابق نان ٹیکس آمدنی کا ہدف 2 ہزار 584 ارب روپے ہوگا۔
اہم اخراجات کے مطابق دفاعی اخراجات 2 ہزار 414 ارب روپے، سبسیڈیز 1 ہزار 367 ارب روپے، گرانٹس 1 ہزار 619 ارب روپے، وفاقی ترقیاتی بجٹ (PSDP) 1 ہزار 65 ارب روپے، سود کی ادائیگیاں 8 ہزار 665 ارب روپے ہونے کا امکان ہے۔
رحیم یارخان میں گرمی کا پارہ 45سینٹی گریڈ تک پہنچ گیا
وزیراعظم آزاد کشمیر نے پاک فوج کے ساتھ اظہار یکجہتی کے لئے برنالہ سیکٹر میں اگلے مورچوں کا دورہ کیا