بھارتی خفیہ ایجنسی نے فتنہ الخوراج کے سابق ترجمان احسان اللہ احسان کو متحرک کردیا
اشاعت کی تاریخ: 19th, May 2025 GMT
افواج پاکستان کی جانب سے کامیابی کے ساتھ مکمل کیے گئے آپریشن بنیان مرصوص کی عالمی سطح پر پذیرائی کے بعد بھارت شدید بوکھلاہٹ کا شکار ہے۔ دفاعی و سکیورٹی ذرائع کے مطابق، بھارتی حکومت اور اس کی خفیہ ایجنسیاں آپریشن کی اہمیت کو کم کرنے کے لیے منظم پروپیگنڈہ مہم کا آغاز کر چکی ہیں۔
سکیورٹی ذرائع کا کہنا ہے کہ بھارتی خفیہ ایجنسی ’’را‘‘ نے فتنہ الخوراج کے سابق ترجمان احسان اللہ احسان کو دوبارہ متحرک کر دیا ہے۔ اس حوالے سے بھارتی اخبار ”دی سنڈے گارڈین“ میں احسان اللہ احسان کا ایک مضمون شائع ہوا ہے جس میں بے بنیاد الزام لگایا گیا ہے کہ پاکستان مقبوضہ کشمیر میں مزید دو مبینہ حملوں کی منصوبہ بندی کر رہا ہے۔
سکیورٹی ذرائع نے اس مضمون کو بھارت کی جانب سے مستقبل کے فالس فلیگ آپریشنز کی تیاری قرار دیا ہے، جیسا کہ اس سے قبل پہلگام میں دیکھا گیا۔ ذرائع کے مطابق، بھارت کے اس قسم کے دعوے دراصل خود اپنے ہاتھوں رچائے گئے جعلی حملوں کی راہ ہموار کرتے ہیں تاکہ پاکستان کو عالمی سطح پر بدنام کیا جا سکے۔
سکیورٹی ذرائع نے انکشاف کیا کہ دی سنڈے گارڈین اخبار بھارتی ایجنسیوں کا پراپیگنڈہ ٹول ہے جسے ’’را‘‘ مالی معاونت فراہم کرتی ہے۔ یہ اخبار متعدد مرتبہ کالعدم گروہوں اور ان کے سہولت کاروں کو میڈیا کوریج دے چکا ہے۔
اخبار کے مالک کارتیکیہ شرما بھارتی وزیراعظم نریندر مودی کے قریبی ساتھی اور ہندوتوا نظریات کے علمبردار سمجھے جاتے ہیں۔
دی سنڈے گارڈین کے مرکزی لکھاری ابھینندن مشرا وہی صحافی ہیں جنہوں نے احسان اللہ احسان کے مبینہ فرار کی خبر سب سے پہلے دی تھی، جس سے بھارتی ایجنسیوں کے ساتھ اس کی گہری وابستگی ظاہر ہوتی ہے۔
دفاعی ماہرین کے مطابق، احسان اللہ احسان کا بھارت میں ممکنہ روپوش ہونا اور بارہا مضامین شائع کروا کر پاکستان مخالف بیانیہ بنانا اس امر کا ثبوت ہے کہ وہ بھارتی ایجنسیوں کے زیر اثر کام کر رہا ہے۔ ان مضامین کے ذریعے بھارت خطے میں اپنی دہشتگردانہ کارروائیوں کو چھپانے اور پاکستان پر الزام تراشی کا مکروہ ہدف حاصل کرنا چاہتا ہے۔
سکیورٹی ذرائع نے تصدیق کی ہے کہ کالعدم تنظیم فتنہ الخوراج کا سابق ترجمان احسان اللہ احسان نہ صرف بھارتی خفیہ ایجنسی ’’را‘‘ سے قریبی روابط رکھتا ہے بلکہ دونوں کے درمیان رابطے کا کردار بھی ادا کر رہا ہے۔ ذرائع کا کہنا ہے کہ ’’را‘‘ معمول کے مطابق احسان اللہ احسان کا نام استعمال کرتے ہوئے پاکستان مخالف پراپیگنڈا مضامین لکھواتی ہے، جنہیں بھارت نواز بین الاقوامی میڈیا میں جگہ دی جاتی ہے۔
سکیورٹی اداروں نے اس بات پر بھی حیرت کا اظہار کیا ہے کہ احسان اللہ احسان کے ممکنہ طور پر بھارت میں روپوش ہونے کی اطلاعات کے باوجود، بھارتی ایجنسیاں اس سے لا علم ہونے کا ڈرامہ کر رہی ہیں، حالانکہ وہ خود اس کو تحفظ دے رہی ہیں۔ ذرائع کے مطابق، احسان اللہ احسان کے ذریعے شائع کیا گیا حالیہ مضمون دراصل بھارتی ایجنسیوں کی گھڑی ہوئی جعلی خبر ہے، جس کا مقصد پاکستان کو عالمی سطح پر بدنام کرنا اور خطے میں بھارتی جارحیت سے توجہ ہٹانا ہے۔
دفاعی ماہرین کا کہنا ہے کہ احسان اللہ احسان کا تازہ مضمون واضح طور پر ثابت کرتا ہے کہ بھارت نہ صرف مقبوضہ کشمیر میں بدترین انسانی حقوق کی خلاف ورزیوں کا مرتکب ہو رہا ہے بلکہ دہشتگرد عناصر کے ذریعے خطے میں بدامنی پھیلانے کا بھی ذمہ دار ہے۔ ماہرین کے مطابق، پاکستان کی کامیاب عسکری کارروائیوں، بالخصوص آپریشن بنیان مرصوص کے بعد بھارت شدید بوکھلاہٹ کا شکار ہے اور اسی بوکھلاہٹ میں پراپیگنڈہ کے سہارے حقیقت کو مسخ کرنے کی ناکام کوششیں کر رہا ہے۔
ماہرین نے مزید کہا کہ بھارت عالمی سطح پر چاہے جتنی بھی کوشش کر لے، وہ اس حقیقت سے انکار نہیں کر سکتا کہ اس کی ایجنسیاں دہشتگردوں کی پشت پناہی کر رہی ہیں۔ احسان اللہ احسان کے کردار اور اس کے ذریعے شائع کیے جانے والے مضامین بھارتی پراپیگنڈہ نیٹ ورک کے منہ بولتے ثبوت ہیں۔
پاکستانی سکیورٹی ادارے اور عوام ہر ایسے ہتھکنڈے سے بخوبی آگاہ ہیں اور دشمن کے مکروہ عزائم کو ناکام بنانے کے لیے ہر محاذ پر تیار ہیں۔
دفاعی ماہرین کا مزید کہنا ہے کہ بھارت، آپریشن بنیان مرصوص میں ہونے والی رسوائی کے بعد بوکھلاہٹ کا شکار ہے اور اب پراپیگنڈہ کا سہارا لے کر حقائق کو مسخ کرنے کی ناکام کوشش کر رہا ہے۔ تاہم پاکستان کی ریاست، افواج اور عوام دشمنوں کے ان ہتھکنڈوں کا مؤثر جواب دینا جانتے ہیں۔
ذریعہ: Daily Mumtaz
کلیدی لفظ: احسان اللہ احسان کے احسان اللہ احسان کا بھارتی ایجنسیوں سکیورٹی ذرائع عالمی سطح پر کہنا ہے کہ کر رہا ہے کہ بھارت کے ذریعے کے مطابق
پڑھیں:
خوارجی کمانڈر نوجوانوں کو بدکاری کی طرف دھکیلتے ہیں،خارجی دہشتگرد احسان اللہ کے فتن الخوارج کے حوالے سے ہوشربا انکشافات
خوارجی کمانڈر نوجوانوں کو بدکاری کی طرف دھکیلتے ہیں،خارجی دہشتگرد احسان اللہ کے فتن الخوارج کے حوالے سے ہوشربا انکشافات WhatsAppFacebookTwitter 0 17 November, 2025 سب نیوز
پشاور(سب نیوز)خارجی دہشت گرد کے فتن الخوارج کے حوالے سے ہوشربا انکشافات سامنے آگئے جب کہ فتن الخوارج مذہب کے نام پر نوجوانوں کو ورغلا کر پاک فوج کیخلاف ذہن سازی کرتے ہیں۔خارجی دہشت گرد نے انکشاف کیا کہ فتن الخوارج مذہب کے نام پر نوجوانوں کو ورغلا کر انہیں افواج پاکستان کیخلاف اکساتے ہیں۔
خارجی دہشت گرد نے کہا کہ میرا نام احسان اللہ ولد عبدالجنان اور قوم محسود ہے، کمانڈر بدری ، کمانڈر مشتاق ، کمانڈر گرنیڈ اور کمانڈر اسلام الدین کیلئے 3 سال تک سہولت کاری کرتا رہا۔خارجی دہشت گرد نے کہا کہ ہم نے بکتر بند گاڑی اور تتور میں پولیس اسٹیشن پر حملہ سمیت مختلف کارروائیاں کیں، فتن الخوارج نوجوانوں کی ذہن سازی کر کے انہیں افواج پاکستان کیخلاف دہشت گرد کارروائیوں میں استعمال کرتے ہیں۔کئی خارجی کمانڈر اپنے ذاتی مفادات کیلئے نوجوانوں کو بدکاری جیسے گناہ کی طرف بھی دکھیلتے ہیں، خوارجی کمانڈر ہمارے ساتھ بداخلاقی کرتے تھے۔
ان خوارج نے جھوٹ بولا کہ پاک فوج کافر ہے مگر حقیقت میں خوارج خود کافر اور مرتد ہیں، جب میں نے انھیں دیکھا تو پتا چلا کہ پاکستانی فوج تو حقیقی مسلمان ہیں، میں نے پاک فوج کے جوانوں کو 5وقت نماز پڑھتے دیکھا ہے۔میں نے نماز اور کلمے سیکھے جو پہلے نہیں آتے تھے، نوجوانوں سے اپیل ہے کہ پاک فوج کا ساتھ دیں تاکہ دہشت گرد عناصر کی روک تھام اور خاتمہ ہو سکے، ہم ان دہشت گرد خوارج کی وجہ سے تباہ و برباد ہو گئے ہیں۔مذہب کے نام پر دہشت ، نفرت اور انتشار پھیلانے والوں کیخلاف کارروائیاں جاری ہیں، سیکیورٹی فورسز ملک سے فتنہ الخوارج کے دہشت گردوں کے خاتمہ کیلئے پرعزم ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروفاقی آئینی عدالت کے 2مزید ججز جسٹس روزی خان اور جسٹس ارشد شاہ نے حلف اٹھالیا وفاقی آئینی عدالت کے 2مزید ججز جسٹس روزی خان اور جسٹس ارشد شاہ نے حلف اٹھالیا وزیراعظم آزاد کشمیر کیخلاف تحریک عدم اعتماد پیش کردی گئی چیئرمین سی ڈی اے اور چیف کمشنر اسلام آباد کے ناقابل ضمانت وارنٹ گرفتاری جاری سی ڈی اے کے پلاٹوں کی جعلی الاٹمنٹ اور بار بار ٹرانسفر پر سینیٹ کمیٹی برہم؛ ایک پلاٹ پانچ بار کیسے منتقل ہوا؟ جواب... میڈیکل گراؤنڈ پر ضمانت کے مقدمے میں جسٹس محسن کے دلچسپ ریمارکس پاکستان ایک آزاد ملک، قرضوں میں نہیں پھنسنا چاہیے: امریکی ناظم الامورCopyright © 2025, All Rights Reserved
رابطہ کریں ہماری ٹیم
پنجاب بھر کی عدالتوں میں سیکیورٹی انتظامات مزید سخت